養心殿台式養生鍋 (已結業)

1. 鴛鴦鍋 (麻辣鍋(小辣)＋美人鍋)（＄188)🌶識揀一定係揀鴛鴦鍋，我哋揀咗麻辣鍋＋美人鍋，麻辣鍋陣陣辣椒香，又刺激味蕾，入面仲有唔少多種藥材，同埋有爽滑鴨血同吸晒湯底精華嘅凍豆腐，仲奉送多鴨血一份，真心好正呀😋美人鍋一樣吸引，有豐富膠原蛋白嘅桃膠，仲有嫩滑嘅烏雞，湯底入味又清甜，好啱女士食用呀！彤樂評分：9/102. 極上雪花肥牛（＄188)油脂分佈好適中，口感軟腍，牛味突出，略嫌偏細塊彤樂評分：8/103. 厚脂黑毛豬梅花豬（＄168)🐷厚脂黑毛豬真心厚肉，肉質鮮嫩，一啲都唔韌，放美人鍋都好有味😋彤樂評分：9/104. 日本牡蠣(6隻)（＄138）大隻又滑身，味道都好新鮮，不過偏粉感彤樂評分：7/105. 炸午餐肉（＄58)🐽呢個真係超驚喜，超推介！可以唔落湯就咁食，外皮仲係微脆，加啲湯，就更好惹味彤樂評分：9.5/106. 黑松露蝦丸(半份)（＄48)黑松露好濃郁，每啖除左有彈牙口感嘅蝦丸，仲有黑松露不斷湧出彤樂評分：8/107. 自家製極品水餃(半份)（＄42)一食就好似食緊鳳城水餃嘅味道，超多料，加左木耳好爽口，真係必點呀👍🏻彤樂評分：8.5/108. 自家製韭菜餃(半

我係火鍋控，夏天冬天都喜愛打邊爐，住係馬鐵沿線，去馬鞍山we go mall既養心殿好方便。今次叫了美人鍋，有原隻烏雞、桃膠、杞子、南棗及金華火腿，勁勁勁多桃膠，要飲多幾碗湯先，真係夠哂滋補養顏！我試了3款肥牛🐮，有手切肥牛（大）、極上雪花肥牛、霜降肉眼肥牛，樣樣都好滑唔鞋極力推介係手切肥牛，牛脂均勻，新鮮入口即溶大力推介，即炸脆響鈴，佢係即叫即炸，薄身爽脆，上到台仲係熱添，響鈴吸哂湯底係超正蟹子墨魚滑都好彈牙，好爽其實我豬牛羊都叫齊哂，係咪好癲呢🤪🤪梅菜豬肉都唔錯，餃類真係好大粒，但水蓮餃同魚皮餃，我就覺得一般了因為7點前埋單離開，係半價😱😱留意啊尖沙咀分店冇做7點前半價 海鮮都冇做半價

而家天時咁熱，但係朋友依然嘈住話要嚟呢度打邊爐，到底有咩咁吸引？好啦，就成全朋友一次，而且見呢間餐廳都算新開，不妨順便試試佢實力。我地晚上6點就到達餐廳，估唔到裡面已經幾乎坐滿食客！美人鍋$188從來未試過食咁清甜，而且感覺咁滋補養生嘅火鍋底，飲完第一啖已經覺得值回票價！未開始打邊爐我已經飲左3碗湯啦鍋底仲有巨多桃膠喺裡面，桃膠富含膠原蛋白又高纖，女仔食真係會有份外滿足嘅感覺架黑松露蝦丸半份$48呢個手工丸真係好好味黑松露味好突出，蝦丸亦打得夠扎實，入口感覺好好，下次如果有機會再嚟嘅話都一定會食返呢個黑松露蝦丸!!即炸脆響鈴$68響鈴送到上枱嘅時候仍然有微暖，而且仲聞得到有一種啱啱炸起嘅氣味，未食已經覺得餐廳對食物質素有相當高嘅標準。極上雪花肥牛$188份量適中，色澤同埋雪花好靚好均勻，牛肉味亦都夠香濃，值得推介。整體嚟講我覺得餐廳嘅食物質素真係相當高，侍應服務態度亦都夠友善，而且仲好勤力；坦白講，呢一餐嘅價錢談唔上平民化，但係佢的而且確係值回票價。

今晚一行四人黎左馬鞍山新商場入面呢間養心殿台式養生鍋食飯傾計。呢度嘅裝修、佈置、餐具都好有中國風，環境唔錯。之前試過美人鍋覺得唔錯，所以我地今次再食返呢個。美人鍋係用烏雞，桃膠及唔同嘅藥材一齊煲，湯中嘅烏雞好大隻，而桃膠份量亦好多，好軟好滑。個湯一黎到，我地先加入新鮮蔬菜淆下湯，等埋d桃膠煮耐d，跟住就一齊飲湯，非常清甜，大家都忍唔住狂飲，所以友人好快就飽左食物質素好好，叫左個餃子拼盤，入面有極品水餃，鮮蝦雲吞，韮菜餃，麻辣牛肉餃，魚皮餃，水蓮餃，每款各兩隻，麻辣牛肉餃幾特別，麻味會比較強，喜歡辣既朋友必試。韮菜餃，菜多肉少，感覺好清新。 而鮮蝦雲吞幾彈牙，隻隻餃子都好足料，啖啖肉，好食。響鈴係即炸架，好新鮮同脆口，黎左就趁熱食喇。極上雪花肥牛，捲得非常靚，望上去每一塊肉都油脂均勻，厚度均一，食落好香牛肉味，唔會韌。蔬菜盤有娃娃菜、生菜、雜菇、粟米，選擇多，又新鮮，又甜。呢度嘅丸係手打嘅，所以好食好多，非常彈牙。款式多又特別，如果太多選擇揀唔落手，可以叫個手工丸類拼盤，已經有蝦丸，芝士牛肉丸，墨魚丸， 黑松露蝦丸，梅菜豬肉丸， 鵝肝墨魚丸， 款款都各有特色，又好好食。其中蝦丸味道比想像

選擇早D食完, 可以有半價優惠, 就試下5:30PM就黎到, 已經好多人排緊隊, 要預先BOOK位先有得入.店舖裝修算幾簡陋, 是但掛個SPEAKER, 掛幾個燈籠,  油到牆身就開得舖.檯面都幾油下, 自己用濕紙巾抹乾淨先敢掂.野食唔算太多選擇既, 樣樣都有D.酸菜白肉鍋 - 入面已經有QQ粉, 酸菜, 白肉, 湯底幾清唔濃的, 酸菜係微酸, QQ粉份量都算多, 可以有3碗, 白肉仲可以免費叫多一份.甜不辣 - 暖暖的, 熱食時外皮有點脆, 不過附帶的是茄汁, 好似怪怪的.鵝肝墨魚丸, 自家製水蓮餃 - 鵝肝墨魚丸好彈牙, 入面真係有一粒鵝肝, 有一粒包得唔好, D汁就漏曬, 否則係爆汁的.自家製水蓮餃就幾特別既.鮮甜三蔬 (秋葵, 玉米, 山藥) - 真係好新鮮, 秋葵大條, 玉米好甜, 山藥好大片.千層凍豆腐 - 因為凍豆腐要吸了湯底先有味, 所以....湯底唔濃, 變左個凍豆腐係無咩味既.極上雪花肥牛 - 上檯真係好靚, 片得勁薄, 變左肉味唔重, 無咩咬口.不過7:30埋單有半價都叫抵食既. 服務都OK有禮貌.

話說馬鞍山最近新開左個商場，聲稱係馬鞍山新蒲點X美食天堂，今晚就約左中學同學去一探究竟。地點唔算方便，係兩個地鐵站中間，步行應該要10分鐘，不過宜家有中國"新四大發明"之一-共享單車，出站求其嘟一架，5分鐘都唔洗就到啦！由於好肚餓，無好好咁行下個商場，不過有見到傳說中可以容納10個人既室內溜冰場，確實係頗細，哈哈....上到二樓好快就搵到呢間火鍋點，店面古色古香，好有心思喔！入到去原來更加古色古香，老闆花左唔少錢裝修呀，估唔到7點就已經坐滿左8成座位，好彩唔洗等就入座啦。湯底揀左鴛鴦底：麻辣鍋（小辣）X 酸菜白肉鍋。麻辣鍋好足料：仲加左龍眼粒同藥材，絕對唔怕上火，小辣唔係好辣，相信大部分人都接受到。酸菜白肉鍋：入面已經好多白肉，入口爽脆酸甜，已經係一道高質材料。最最最估唔到係入面仲有粉絲@@ 滑溜溜，好正呀！極上雪花肥牛，一個字：高質！脂肪比例用來打bino岩岩好，唔洗10秒，入口即溶！響鈴係打bino必備，因為佢係品嚐湯底既不二之選！呢度既響鈴質地比較厚，用來呢種高質湯底簡直一流！最後食完，已經差唔多10點，商場人流唔多，但餐廳人氣火熱，確實為馬鞍山去除美食沙漠之名貢獻良多！

呢間餐廳我一直都好想試，咁岩今日過開馬鞍山就過左黎食喇！一黎到已經比佢個門口吸引住，係好有中國傳統建築既風格，好特別！入到裹面，無論係分隔每張枱既屏風，定係掛係天花板既燈籠，仲有我地坐既桌椅，全部都係行中國風，感覺自己返左古代咁呀！！menu上面既食材都有好多種類！店入面有個調味料區，食客可以隨自己口味選擇調味料！作為一間火鍋店，湯底係非常之重要！佢有6個湯底可以揀，好多時同朋友們既口味唔同，搞到唔可以食自己中意既湯底，但呢度最正係可以揀鴛鴦鍋而唔洗加錢！湯底我地揀左酸菜白肉鍋拼麻辣鍋(小辣)湯底都幾有驚喜，尤其係酸菜白肉鍋，湯底自己本身入面就已經有好多食材，有大白菜、豬王花腩、QQ寬條粉，仲有蕃茄，味道適中，唔會太咸/太淡，帶少少酸味，好醒胃至於麻辣方面，因為叫左小辣，所以唔會好辣，但如果真係唔夠辣，可以叫侍應加辣既～麻辣湯跟既食材係凍豆腐，凍豆腐吸晒麻辣湯既精華，好正打邊爐當然唔少得係食肥牛，呢個極上雪花肥牛，一睇個顏色同花紋就已經知佢係上等牛食落口，肉質嫩滑，果陣牛既鮮味，真係無得頂至於香菇貢丸(左)同潮州白魚蛋(右)貢丸都幾大粒，食落有好香既豬肉味；白魚蛋就好彈牙，質素比出面食