重慶劉一手火鍋店 (旺角商業大廈) (已結業)

今日又唔同肥仔去食，同朋友聚下，呢間國內超紅既麻辣火鍋店殺到香港，仲開左分店，坐低無耐，店員好熱心推介菜單上食物，呢點十分欣賞。佔左呢座大廈既兩層！仲有魚仔迎接你～食物選擇超多，連串燒都有，不過相信好少人會去火鍋店食串燒，至少我係為左麻辣火鍋而黎～醬料區都係自助形式，亦都有麻辣火鍋必備既罐罐香油，可惜既係佢地無乾辣椒粉/片。不過佢地櫃上面有介紹醬料配搭。今次叫左牛肉拼盤，黃喉，同老闆天梯。至於鍋底，揀左一邊「正宗重慶麻辣鍋」($84/半鍋)，要左中辣，一邊店員極力推薦「毛蟹麵豉湯」($268/半鍋)。極尙牛肉拼盤盛(小) $398包括幾種唔同切法既牛肉，薄切厚切同埋切粒。碟牛肉下面啲冰都係一片片薄冰塊而非一粒一粒。呢樣都算第一次見。牛肉肥瘦均勻，雪花都算令。牛肉粒相對就失色少少，肥瘦部份唔平均,，牛味相對亦較淡，牛魔王可能會少少失望。老闆天梯　$238包括芋之果、川辣牛丸、北海章魚丸、蘭花乾、粟米貢丸、幸運元寶、台灣咖哩丸、香辣粉絲豆腐，以上每款各3粒。上菜個陣都幾引人注目，因爲名符其實，一條梯咁上枱，丸類好難做到好好食，因爲就算店家聲稱手打又好，用鮮牛肉又好，係鍋中都係最容易被遺忘之

對上一次食係食銅鑼分店，依家開多左2間，當然係旺角既就腳，今次係特登帶另一半黎食，因為佢都好嗜辣，上次食完之後覺得麻辣愛好者一定要黎幫襯一下。餐廳環境餐廳佔2-4樓，十分之大！同銅鑼灣店一樣有都係好好好大間，呢到2-4樓都係佢地既，我地好早18:00就黎到，啲人未收工，但一到1830之後，開始多人入座，好快已經FULL哂，想食真係要早啲黎拎位！唔少得圍裙，唔怕食麻辣火鍋整到周身係～調味區正宗重慶麻辣鍋(半鍋) $84  併  毛蟹麵豉湯(半鍋) $268 當然一定要點招牌重慶麻辣鍋，有大、中、小辣可選，我地揀左中辣，不過我呢排病病地其實食唔到我最愛既麻辣鍋T____T，於是店員介紹左呢個新岀既“毛蟹麵豉湯”，半鍋$268同樣有1整隻毛蟹，相對上抵食左。重慶麻辣鍋一上枱股麻辣牛油香已經飄下飄下，依然夠麻辣！比上次食冇咁油，但相對上牛羶味欠奉。而毛蟹麵豉湯湯底較清，一呷好重麵豉湯味，仲有大量豆腐、海帶做湯料，幾舒服同冇諗過可以用毛蟹mix麵䜴變做打邊爐湯底，幾有諗頭。爽脆黃喉 $108餐紙教落碌約8-10秒就得，塊塊都大大塊，唔會大小不一，而質感都夠爽脆，浸落麻辣湯底掛汁，而浸落麵䜴湯就食