甜入心 (好運中心) (已結業)

喺火炭食完飯就轉場去食甜品，今日有沙田友帶路嚟到呢間甜入心，門面都幾靚。入面嘅裝修都算花咗啲心思，睇嚟店主對於裝修設計都有啲要求。餐牌都有好多選擇，而且圖文並茂，而呢度嘅主打應該就係佢嘅椰皇甜品。見到佢喺鋪入面嘅招牌力推呢個焦糖布甸椰皇子，睇嚟呢個應該係必食，就急不及待揀咗呢個先！果然呢個係性價比最高嘅甜品，椰皇入面底層係椰汁味啫喱，淋上椰奶，然後再放上焦糖布甸，好有層次感，而且每一層都散發出唔同嘅香味，味道又好夾，呢個果然係鎮店之寶有個朋友超級好榴槤，所以就叫咗個榴槤椰皇子，望落去都好足料，而且仲有真材實料嘅榴槤肉，鍾意食榴槤嘅朋友就好推介，不過我唔食榴槤，所以講唔到俾你聽係咩味咯其實呢個都係椰皇子，不過店員話椰皇沽清，所以轉為用普通甜品碗上，佢哋都好有誠意嘅，每樣食材都加大碼，彌補番冇咗個椰皇，都OK啦！呢個嘅底層就係椰汁布甸，都好香好滑，好似食緊帶椰香嘅豆腐花咁呢個沖繩海鹽冰淨係個賣相都已經💯，非常吸睛，藍色嘅棉花冰上面舖上水果、芋圓、棉花糖同埋雪糕，真係相機食先之選！呢間甜品店雖然唔算話好平，不過佢嘅出品都真係幾唔錯，覺得佢哋製作都幾有誠意，即刻將佢放入我嘅encoreable

琴晚搭車經過好運中心,見到門口有心心型粉紅色燈既"甜入心",仲有甜品凍櫃,勁想食糖水呀,不過已經食飽哂晚飯返緊屋企,上網再睇下原來除左甜品,糖水,仲有意粉,All Day Breakfast,Eggs Benedict,吐司,雞翼Dream(尖)。咁食brunch就可以食完主菜再叫甜品喇!店內坐左一大半人,其他人都食甜品,所以好快食完,轉左兩轉人,生意唔錯呀!閒日下午茶時段無夜晚咁旺,只有一位侍應姐姐但她招呼態度好好,有空更會到店外派單張宣傳。入門口右邊有免費自助英式果茶,淡淡的果味紅茶唔會太凍岩哂我飲*黑松露鴨胸意粉$78,賣相,味道同份量都超乎想像,有4片爽口淋滑既鴨胸,充滿黑松露忌廉汁香草既意粉,意粉份量唔少仲有蘑菇呀中間有少少沙律菜點綴,多士條蘸意粉汁來食跟餐的玫瑰荔枝凍飲,荔枝味較突出加上清香玫瑰味好夾,成杯粉紅色加上玫瑰花碎好夢幻呀。 *黑松露吐司$42,有好多好香濃既黑松露,加上蘑菇,蕃茄,青瓜,芝士去焗,再放上鰹魚碎,有咁多蔬菜唔會只得芝士同蘑菇咁膩,好適合下午茶剛剛好飽肚,輕食必選。*榴槤飄香椰皇子$56,一大舊榴槤可慢慢撈埋爽脆既水晶珠食,最特別系用椰皇水做成的果凍

五一勞動節就梗喺要勞動吓，趁未到盛夏，天氣仲喺廿度鬆啲，約咗朋友行吓山，由城門行去金山，正正喺衞奕信徑第6段，全程5.3公里，上山落山多，平路少，有啲挑戰性，唯一缺點喺無乜景，但勝在樹蔭多，唔使點曬住行。搭埋頭頭尾尾出入口位，成段路慢慢行，行咗3個鐘，大家都夠晒皮，再落番沙田食嘢。都幾年無嚟「甜入心」，都喺知道佢哋新加咗啲鹹食，專登順路入嚟撐吓朋友場。所以，午市嚟到，都見有唔少客幫襯，相信好多客同我一樣，食啲鹹點後再試佢哋甜品，始終，佢哋嘅甜點一向有水準。芒芒不忙 $28行完山就梗喺要補充多啲水份，芒果一向喺「飛弗」，本來喺想要杯凍鮮奶咖啡，可惜話部咖啡機有問題，無得供應，所以，要杯「芒芒不忙」，其實即喺芒果汁，不過，就加入啲咬口嘅水晶珠，而個芒果汁嘅芒果味鮮甜濃郁，但有些微偏甜。北極光 $28友人嘅「北極光」賣相極之靚，紫紫紅紅，有少少極光感喎，不過，味道又唔算好特別，辨別唔到咩味，只可以講喺酸酸甜甜，清涼得嚟有啲似梳打飲品，底下同樣有啲水晶珠。鹹食方面，多咗幾款意粉、全日早餐及班尼迪蛋，定價$58-$78，都唔算貴，當然，如有啲加餐飲嘅優惠就更好啦，哈哈！全日早餐 $68從餐牌所見

呢排肥左好多，但其實我十幾年都KEEP住一百零幾磅(好難得架喇)，只不過一肥就肥喺塊面同肚腩，手腳係纖幼，但塊面同肚腩爭幾磅肉就超級明顯。口裏一直話要減肥，食少啲，亦都多做左啲修腰瑜珈(面肥左就冇得救架喇)。去完朋友屋企探B，佢話發現佢樓下有間野食All Day Breakfast好正喎，話帶我去食，原來係甜入心。我上年成日都去深水埗間甜入心食韓式伯爵茶飄雪冰架啦，一大個水壺上，好吸引，味道又清新唔太甜，可以睇返我上年八月嘅食評- 「一壺飄雪冰」!沙田呢間裝潢好童話FEEL，未食已經甜左一浸~我哋7點已經到左，當時仲未FULL，趁機會影張靚相放FB吸吓LIKE先~冇諗過甜品舖竟然會有全日早餐$68。仲要咁高水準，未食已經覺得好正。炒滑蛋，兩個字:「嫩滑」!仲有黑松露炒香菇~多士焗到金黃色，咬落去非常鬆化!將炒滑蛋放上多士食，好正煙肉都幾厚，但都幾咸:蜜瓜很鮮甜而且清涼入心，用新鮮芒果汁做點綴:小蕃茄很Juicy開胃，一流! 腸都好食，可惜只有一條，兩條就更完美。新鮮芒果醬汁淋喺沙律菜上，香甜而不膩，依然清爽!茄汁豆是凍的，但我喜歡食熱嘅，全份早餐就係爭呢個。最窩心的是焦糖布甸，香滑無比

係沙田行街行到攰想搵個地方休息下, 唔想飲咖啡就諗到食下甜品, 見到呢間門口幾吸引就推門入去啦!以粉紅色為主題裝飾, 未食都有種甜蜜感覺............哈!打開餐牌都見提供唔少甜品選擇, 一時花多眼亂, 好彩唔趕時間可以諗多陣姐.................呢款屬於椰皇子家族成員之一既榴槤飄香椰皇子 ($56), 以原個椰皇作器皿, 上枱時已聞到濃郁榴槤香味面頭有球榴槤果肉, 食到香濃絲絲果肉, 一解想食榴槤之相思苦底部以椰皇水製成既果凍, 食落清甜無比, 有清熱氣之用, 中和榴槤之燥熱呢碗係以樹記腐竹作賣點既腐竹薏米糖水小丸子 ($24), 仍然見到未煲至熔晒既腐竹, 食落有陣豆香味, 仲有煙韌既小丸子及薏米, 增加口感, 甜度唔會太甜,感覺健康D!價錢屬合理價, 經開呢頭都會再幫襯!

甜品除了是飯後必備外，也是行山後的必需品。無論行得多熱多累，一口甜後，甚麼辛苦也置之腦後了。與朋友在沙田行山，完成後搭巴士出沙田市中心，解散前就先在附近食個糖水。＊＊＊＊＊＊＊＊＊＊＊＊＊＊＊＊＊＊＊甜入心以它的椰皇甜品見稱，單是椰皇甜品也有近十款，當然要令一間甜分店越開越多分店單靠一款甜品是不行的，店內亦提供多款港式甜品、吐司和飲品等等。榴槤飄香椰皇子($56)甜品以原個椰皇上，入面有榴槤肉、椰子啫哩和水晶珠。榴槤肉富榴槤味而不苦瀝，吃光所有食材，還可以吃椰皇子內的肉，椰皇肉不會過老過硬，不用花太多功夫已經能把椰肉掏出。咖啡布甸椰皇子($45)椰皇子中間是咖啡布甸，旁邊還有焦糖啫哩和椰子啫哩。咖啡布甸入口尚算幼滑，也能輕影吃出咖啡味，整體味道不錯。雞蛋布丁($36)雞蛋布丁以原個蛋殼盛載，賣相別緻得來又像真。布丁入口香滑，蛋味十足，中間橙紅色的原來是焦糖糖漿。

大熱天時逛完街，最理想當然是吃甜品，清涼消暑又能過口隱。早幾個月前來好運中心的甜入心吃甜品，當時它在一樓商場外的舖位。幾個月後的今天，它已搬家到底層近巴士站的舖位。重新裝修後的甜品店，以綠悠悠的彷製植物作佈置，感覺清新醒神有朝氣。榴槤飄香椰皇子 （$56）榴槤和椰子為夏日甜品必備的材料，兩者的味道合拍得可稱得上為天作之合。甜品以原個椰皇盛載著，最上層亦最亮眼的是那大片的榴蓮蓉，它的周圍被晶瑩剔透的粒粒爽口西米包圍著。榴槤蓉沐浴在椰汁雪花冰中，香甜的榴槤蓉搭上香滑的椰子冰，非常非常好吃！甜品的最底層是採用天然椰子水製作的啫喱，同樣很好吃。吃完甜品後，你會發現椰皇內層還藏着一層椰子肉，椰子肉香甜嫩滑，切勿浪費。自製雪糕椰皇子 （$48）雪糕有四款選擇，有黑松露、焦糖布甸、香蕉和椰子。四款選擇中，我選了椰子雪糕。椰子雪糕香甜又幼滑，椰香豐富，奶味十足，愛椰子的人士不能錯過。雪糕的下層，跟榴槤飄香椰皇子一樣，是椰子水啫喱。同場加映：免費自助水果冰茶有免費飲品提供的甜品店，實在非常罕見。此甜品店提供免費的水果冰茶，客人可自助任飲。紅茶加入淡淡的蜜桃味，雖然說不上好喝，但在解喝功能上仍不錯。

最近呢間甜品店搬咗去對面商場嘅地舖，係正巴士站隔離，所以都有唔少人係到等位入面裝修幾靚，有啲假葉假花做裝飾，但係啲櫈無椅背就無咁好坐，不過普遍甜品舖都係咁呢到好貼心咁免費提供暖茶 ，茶係蘋果茶黎，食甜品可能會好漏，所以有茶可以平衡下膩感啲甜品都幾特別，但係由於有我大愛嘅榴槤，所以其他野都可以bye bye ～首先到嘅係榴槤飄香椰皇子，將椰皇入面啲椰子水倒出黎，再用椰子水整成果凍，口感比啫喱更加實，有啲似大菜糕嘅質感，仲有淡淡嘅椰香。但係成個甜品最重要嘅係最上面嘅榴槤肉 !!!一上枱就已經聞到濃濃嘅榴槤香，用肉眼睇就已經知道係真材實料，濃濃嘅榴槤味同淡淡嘅椰香，配搭非常融洽 跟住嘅係好似青蘋果形狀嘅榴槤Pancake，第一次見班㦸個皮唔係乾身，而係濕潤嘅，我都好好奇係點整出黎 ! 中間有層層嘅榴槤肉同忌廉，榴槤味又係超濃郁，而忌廉又唔會過多而蓋過榴槤嘅味 係表面仲有爽囗嘅珠珠同少少玫瑰乾花做裝飾，不過兩者都無咩味，真係純粹裝飾雖然有免費茶飲，不過又點會滿足到我呢個吃貨吖 ，所以就嗌多杯Oreo薄荷奶昔黎飲，薄荷味幾重，而且仲凍冰冰，即刻為炎熱嘅天氣爽一爽啊，再加上有