雞翼山 (T.O.P This is Our Place)

营业中

休息中

旺角TOP商場地下開嘅呢間雞翼山，近排超hit，想試好耐了，今日有幸得到美女嘅陪伴，同我一齊去叫雞食🤤呢到嘅雞翼口味各有特色，心大心細之下，我哋決定叫其中4款嚟試吓，所以我哋叫咗12件+1杯飲品 $118 再加多4件 $38。01 文青風玫瑰 我嘛嘛哋玫瑰味，但係都好鍾意食呢一款，雞翼面頭鋪滿糖漿，加上玫瑰花嘅清香，出奇地夾，甜甜的💕02 我係鹹檸七 好地道嘅一款口味，鹹鹹哋，加埋少少檸檬嘅酸，夠開胃！04 港式避風塘蒜香 一睇賣相唔嘢少，勁多蒜啊！雞翼外皮脆脆哋，加埋啲蒜，有咬口之餘，又夠惹味，超推！06 檸香山葵蟹籽 呢款好特別，淡淡嘅山葵味，再加上帶有鮮味嘅蟹籽，口感亦夠哂豐富。水蜜桃粒粒甜果茶 有粒粒果肉喺底，真材實料，飲落亦唔會過甜，食完熱辣辣嘅雞翼，飲返杯清甜果茶作結，超正！唔駛加一，埋單2人約$160。如果你鍾意睇我嘅食評，不妨關注我，支持吓我，謝謝你☺️💕

男朋友係一個超鍾意食雞翼嘅人，平時諗唔到食咩嘅時候就會提議kfc，但成日食佢唔厭我都厭啦，今次帶佢試一間專食雞翼嘅舖頭surprise下佢😛呢到好近旺角地鐵站，B出口一出就係啦。餐廳無櫈椅，靜係有個俾人企係到食嘅位，同埋櫥窗個木框都可以坐下總共有九隻味，咁我地諗住當正餐咁食，所以都諗住叫成十幾隻，又順便試下唔同味文青風玫瑰本來無諗住叫呢款嘅，感覺雞翼係應該配番啲濃味惹味嘅醬汁，文青同玫瑰呢兩樣聽落去好似好淡味咁，但店員話呢款係推介所以就叫咗最後變咗我心目中嘅top 1🤩 成個面都舖滿蜜糖同玫瑰乾花瓣，個醬汁唔會靜係得蜜糖甜味，而係真係有玫瑰花香味，超正！ 女仔必食！港式避風塘蒜香呢款做咗我男朋友嘅top 1，喜愛程度直情變咗佢食三隻我食一隻！佢特別鍾意啲蒜粒，食落超惹味少少辣辣地，食完外面層雞皮仲可以用雞肉點下盤上面嘅蒜粒，務求啖啖都充滿避風塘風味火辣泰仔仔冬蔭呢款都係男朋友想試嘅，我自己本身都鍾意冬蔭公湯，但對於放落雞翼到超級質疑，點知都係好正🤩 真係exactly冬蔭公嘅味道，又辣又酸，個味仲要係濃烈個種，重口味朋友必試檸香山葵蟹籽佢比起上面個三隻，個味道無咁出，但都有佢優勝之處！

歌仔都有得你唱，燒雞翼我鍾意食~~證明雞翼真係有好多捧場客，今日行經旺角見到間新開嘅食店叫〈雞翼山〉人山人海，〈為食小肥兔〉當然不甘後人要試一試啦！！店鋪位置軟細，只設有立食區域，但依然十分多捧場客。〈不要儀態。。。只想吃雞翼〉相信最能道出食客們的心聲。其實裝修都幾靚，雲石加上粉紅色少女風格，可惜一直都人山人海影唔清楚。到我哋食到最後，接近收舖時段先可以勉強影到一張環境嘅相。😅😅😅口味方面有九種味道可以選擇，另外亦可配埋嘢飲。如果一大班人仲可以瘋狂的叫50隻甚至乎更多的雞翼。🤪🤪🤪餐廳仲提供埋獨立包裝的手套比大家方便食雞翼，好貼心。兩位女生，隻隻口味都叫就肯定食唔曬，唯有忍痛揀最想食的四款吧！！〈港式避風塘蒜香〉超惹味之選，辣辣地加埋避風塘口味的金莎蒜粒，超香口~~〈黑松露蒜香武士〉特別之處除了有濃郁嘅黑松露香味外還加了脆脆紫菜，口感層次更加豐富。〈檸香山葵蟹籽〉香濃嘅蛋黃醬再經檸香和山葵等秘製調味後另有一番風味，還加上大量脆卜卜蟹籽，好吃好吃。〈濃味三重芝士流〉煎得香脆的雞翼上淋上濃郁滋味的三重芝士醬，無限芝味一級棒。另外還想吃〈鼠尾草鹹蛋黃哥〉口味，可惜已經售罄了，唯有下次早些再來

潮流興食雞翼，而我細細個就鍾意食雞翼，聽聞旺角新開左有唔同款既雞翼店，仲唔拿拿臨黎朝聖一下咩！🤩🤩今次我就叫左$128/有12件雞翼同杯飲料，可選擇雞中翼或雞槌，但個人我比較喜歡食雞中翼，所以就叫晒雞中翼！店員都話即點即整，熱辣辣好新鮮！😋😋今次點左：1.文青風玫瑰🌹（舖滿蜜糖+玫瑰花瓣係面，肉質鮮嫩多汁，又唔會太甜！）2.黑松露蒜香武士（灑左紫菜條係面，及好香濃既黑松露蒜香味道！）3.檸香山葵蟹籽（大大隻雞翼上面有wasabi 醬加超多既蟹籽，食落口脆卜卜！）4.鼠尾草鹹蛋黃哥（這款味道相對較濃，鹹蛋香味醬都好濃郁，真係好似食緊蛋黃一樣！）最後飲埋杯水蜜桃🍑粒粒甜果茶作ending, 不會太甜及很多桃肉係杯底！😋 今次真係不要儀態，只想吃雞翼！😌😌

旺角又開左新食店，仲係好多人既至愛，食店專賣「雞翼」，連店名都叫「雞翼山」就知有多款口味的雞翼，而且味道幾創新又好味。有九款口味，有文青影相一流的玫瑰味、又有辣味蒜香的避風塘味、濃味之選都有兩款，真係款款吸引，要食多幾款先得。單點雞翼 $38/4隻，可揀雞翼或雞鎚，亦可以要套餐有埋飲品，有4-7 款飲品選擇。可以即場立食，提供膠叉或手套，都好方便。也可外賣帶走，返去慢慢嘆，我地緊係即刻食啦，好野等唔切就食。濃味三重芝士流，煮到溶化帶芝士香的醬汁倒在即炸雞翼上，十分誘人，仲好香噴噴。用了三款芝士，味道層次豐富，食到有藍芝士的獨有味道同濃郁芝味，亦好夾雞翼，炸皮吸哂芝士醬，每啖都好濃郁，雖然味道濃，但就不太咸。檸香山葵蟹籽，好特別也好有新意，顏色鮮豔奪目，已經贏哂。味道帶點和風，有山葵微微刺激配沙律醬，咬落脆卜卜蟹籽，增加口感之餘，仲有咸鮮味。雞翼炸到熱辣辣好香脆，肉嫩多汁。鼠尾草鹹蛋黃哥，好名已經覺得好味，話哂用大熱鹹蛋黃增加味道，呢款口味亦很受歡迎。香草味唔太明顯，但鹹蛋味好突出，咸香惹味，剛好完全沾滿雞翼，做得好好，也是不太咸的，所以食完都唔會好膩，也不會好口乾。雞鎚的肉同雞翼瑋樣j