南北小聚

营业中

休息中

Sheung Wan lunch againToday 太多同事一齊出去lunch la咁人多嘅話要搵返可以坐到多啲人嘅餐廳先得啦所以今日就黎咗呢間叫南北小聚嘅餐廳一人揀一個餸再share大家一齊食我係冇影晒咁多碟餸我地total有成九個人 所以叫咗九樣嘢黎食成都老城口水雞 $68呢個係我叫嘅辣辣地 幾惹味又開胃 我覺得呢個唔錯毛氏紅燒肉 $68個汁都唔錯嘅 算係咁但比較肥 邪惡個啲麻婆豆腐 $58一般麻婆豆腐呢個冇乜人夾黎食所以一般般但我覺得都ok嘅 辣辣地咁跟菜飯 或者 担担麵兩款我都試過唔錯嘅整體黎講算係ok嘅但價錢都差唔多每位六十幾左右加埋嘢飲我覺得ok la

上環多嘢食就係架啦，今次跟同事去間位處偏多少少既地方食，但味道十分有驚喜，推介！首先，見到12:45pm前賣單享有85折優惠，已經係打工仔既福音黎再睇睇餐牌，發現係以set lunch 形式，可揀一樣餸，配菜飯、上海麵、擔擔麵、薯粉或白飯，仲有飲品如奶茶咖啡檸茶檸水。除左白飯，仲可以配擔擔麵等麵食，值得一讚我就揀左毛氏紅燒肉配四川擔擔麵，賣相相當不錯四川擔擔麵個湯少少辣並有陣陣花生味而個麵既質地亦有咬口大家睇睇個紅燒肉，真係好靚每粒肥瘦均勻，食得肥豬肉預左實有啲肥架啦，但真好食到想講「食埋今餐先減肥啦」湯味濃肉質好最後，講下佢杯奶茶，都幾有茶味，唔會得個甜字，幾好

今日專登係公司做耐啲先落樓食飯,就係為咗等依間餐廳既食飯人潮散緊啲.去到已經13:20,可以即刻入座,計劃成功.枱好濕,侍應用好濕既枱布抹完都係好濕…打開餐牌,見到有”毛氏紅燒肉”,記得係電視睇過,相傳依味餸係當年毛….算啦總之我即時叫咗紅燒肉啦.都等咗差唔多10分鐘,係依個分秒必爭既monment,我正想催單既時候,紅燒肉送到.一睇個賣相,真係so amazing囉.首先講下碗飯,雖然我知道廚師想我食多啲既心情(?),但係格硬將碗半飯壓落一隻碗度實在有違天意,舊時我咁裝飯係會俾阿媽鬧架.一隻飯碗裝一碗飯吖唔該.另外菜飯要有菜無錯,但係應該係菜碎而唔係1條條菜喎,飯裡面有幾條幾完整既菜.之後就係紅燒肉,真係不得了.成碟都係油,正解.肉雖然肥但總算肥瘦相間,唔錯.難得瘦肉既部份竟然唔鞋,非常好.皮膏炆到入口即溶,香甜軟滑,極品呀!如果依間係高級餐廳而我又係有錢佬,絕對要叫師傅出嚟握下手.或者因為紅燒肉味道太搶,咖啡飲落好稀,好啖口.如果你係年輕人,運動量大,有quota,而又係中意食肥膩野既吃貨,叫紅燒肉無得輸.

前陣子，同事帶我到南北小聚食中午，這是我第一次來到這間菜館食中午，這間粵式中菜館別具雅致，儘管中午時段人山人海，但幸好不用等太耐就有位。入到菜館之後，我們看了餐牌，餐牌上，中午餐的菜式和配搭都很多， 可以選一款小菜，再配飯或者麵。小菜有天府川皇水煮牛肉，天府川皇水寫魚片，毛氏紅燒肉，八仙醉雞，成都老城口水雞，鎮江陳醋小排骨，廣元麻婆豆腐，京城咕嚕雞球，小聚上海排骨，巴蜀辣子雞等，而可與四川擔擔麵，江南菜飯，重慶麻辣紅薯粉或白飯。菜式名稱加入地方名，睇到都令人唾涎欲滴，但不知味道如何， 嚐過之後，覺得味道唔錯，但價錢則偏貴。那天我點了毛氏紅燒肉配菜飯，因為紅燒肉和醉雞都是推介的菜式， 所以就點了前者，配菜飯，原本想配其他，但想到紅燒肉是餸飯的好拍檔， 所以就決定選菜飯。毛氏紅燒肉，味道有點像東坡肉，甜甜的醬油，帶有微微的果醋香，味道不俗，只是紅燒肉畢竟有點膩感。八仙醉雞雖然酒香不太濃，但味道清新，淡而不寡，菜飯比白飯美味一點，傳純菜飯用豬油炒菜的，但現在為了健康，多改用其他油，菜飯味道可以。整體而言，這餐中午很飽，而且味道不錯，只是有點膩。