雲南風味過橋小鍋米綫

营业中

休息中

好耐之前問過一位司機有關長沙灣既食店，當時佢推介左呢間米線店，之後睇埋網上既評價，都讚佢米線好食，尤其係佢既氣鍋雞。雖然想食，但深知一個人唔會食得哂米線加雞。終於等到有朋友要去黃金睇電腦產品，所以就捉左佢陪我試😆。氣鍋雞 $98職員一拎上枱就掀開個蓋，一陣陣雞味，非常香!🤤! 呢度係用芝麻雞，肉唔多，兩個人Share岩岩好；肉質唔滑亦唔算太鞋，可以接受；雞無腥臭味，因為用左好多胡椒粉同酒去煮，所以隻雞幾濃味。雞下面舖左好多木耳，木耳吸哂d精華，雖然好油，但我覺得比雞更好味😋全套過橋米線 $50原來呢度既過橋米線咁傳統，湯、麵、料分開上，但當我撈哂之後，職員先話我知次序應該係先落料後落麵😮。呢度既米線係我食過咁多間裡面，最彈牙既一間；配料當中，我比較中意腩肉，厚實又唔鞋，一改我對腩肉既印象晚上七點左右已經爆場，估唔到附近咁多美食，但呢度都不減人流😯。

猛烈陽光下的一個星期六下午一踏進店內就有門口位可搭枱坐下來冷氣源源不絕係咁吹，十分涼快。我地兩人叫左三餸過橋米線share食腩肉都幾大塊幾多脂肪 魚蛋都幾彈口食落唔錯米線味道同其他地方唔同 幾特別黎到呢度仲有樣出名嘅氣鍋雞一定要食雞肉都好入味好多汁多滑鍋底入面有好多黑木耳 平時嘅我都唔會點食 但佢呢個味道我接受到 而且仲覺得好好食再嘆枱上沖定一壺又唔計茶芥嘅普洱茶 真係perfect match最後我們戰鬥到鍋底 勁多油浸住d黑木耳都唔敢再食 好油膩好飽不過都值得我地返黎再食嘅

點完阿爸去買糖水，又點佢去買氣鍋雞。一個氣窩雞同四隻炸雞全翼外賣。炸雞翼新鮮炸起。脆漿唔厚，味道比KxC好得多。雞肉依然嫩滑。氣鍋雞份量都幾多。倒出黎有成個煲咁多。咁當然唔係全部都係雞啦。仲有一大堆雲耳。雲耳吸晒d雞味，好正。雞都幾嫩，不過應該都係雪雞。略嫌藥材味不夠勁。