甜牙牙

营业中

休息中

好耐無黎過旺角食糖水，因為呢邊幾間糖水舖得呢度係10點後仲有堂食，所以無得選擇下就食呢間。叫左一碗水晶仙草芋圓杯，黎到嘅時候打左個突，個碗係好細同好淺㗎，基本上張相見到嘅就係全部料。個水晶本身係無乜味嘅，好似係煙韌版嘅大菜糕咁，要撈埋啲椰汁一齊食。個椰汁係唔錯嘅，椰子味夠濃同埋唔會好稀。啲芋圓都好食，煙韌得黎食得出佢係咩味，有一隻係綠茶味都幾好食。但係個仙草就普通啦，得幾粒都算，佢似係涼粉多過仙草。最終我食左無幾多啖就食晒，48蚊真係有啲貴囉！

今日食完飯後，好想食甜品，見到廣華街有呢間甜品店，望落去menu都幾吸引，就入咗去食😋經典焦糖燉蛋 ($42)- 焦糖燉蛋幾好味，焦糖脆面甜甜哋，咬落脆卜卜，燉蛋都幾香滑，食落超滿足- 焦糖燉蛋上面都有啲水果配料，有芒果同藍莓，酸酸甜甜，幾開胃，同嗰甜甜嘅燉蛋好夾水晶仙草芋圓杯 ($48)- 配料好多元化，有寒天水晶、仙草、芋圓、西米、脆珠，質地偏紮實，所有配料夾埋食，口感好豐富- 椰汁底都好香甜，甜度適中，作為飯後甜品一流餐廳內部環境都幾乾淨，老闆都幾好nice，整體食得都幾開心👍🏻

今次同靚女foodie👩🏼去旺角人氣甜品店打下卡，叫了兩個甜品。🍮水晶仙草芋圓杯 (TaroBall Jelly Cup) $48👉寒天水晶、芋圓、仙草、西米、脆珠、椰汁幾香甜幾清新又彈牙。🍮抺茶心太軟 (Matcha Lava Cake) $55👉抺茶雪糕、忌廉、紅豆、曲奇餅碎、杏仁、水果切開有抹茶醬流出來，味道香濃。兩個甜品一百蚊左右，而且分量都不少，性價比算OK，食物質素唔錯。好彩早左入黎，人唔係好多，可以盡情同靚女foodie打卡📸。不過為了要影一張滿意的top shot，影相影到雪糕都熔了🙈，食客亦愈來愈多，但是作為美食攝影者就是有一種對拍攝的執著🔥！

晚飯後心思思想食甜品，同先生行咗嚟廣華街覓食，選擇亦唔少，最後揀咗呢間頗有人氣嘅甜品店。甜品選擇多元化，主打窩夫雪糕同刨冰，亦有芋圓西米露、燉蛋、火焰雪山同傳統中式糖水等比較主流嘅甜品，價錢亦算合理。雖然窩夫非常吸引，但剛剛食飽飯實在食唔落，唯有留返下次再挑戰，最後我哋揀咗兩款冰涼消暑嘅甜品。水晶仙草芋圓杯份量唔少，有寒天水晶、仙草、芋圓、西米同脆珠，口感各有不同，配搭清甜嘅椰汁糖水，非常合拍。三色芋圓份量頗多，大小適中，味道雖然唔算突出，但口感非常煙韌，非常討喜。寒天水晶入口滑捋捋，味道偏淡，配搭糖水一齊食就啱啱好。榴槤小丸子西米露一上枱就散發住醉人嘅香氣，榴槤西米露配搭小丸子同脆珠，西米露同脆珠賣相相近，但口感就好唔同，西米露入口軟糯，而脆珠口感爽脆，加上煙韌同帶少少糯米香嘅小丸子，令成個糖水嘅口感非常豐富。成個糖水嘅主角當然係榴槤，入口質感冰涼軟滑，味道非常香濃，完全係幸福嘅滋味！兩款西米露甜品各有千秋，兩款都冰涼透心，好適合炎炎夏日，下次一定要留肚再嚟挑戰雪花冰同窩夫！

呢間甜品店每次經過都話想試，但每次晚餐都食得太飽了，未能試試，今次晚餐留定個肚，黎試試這裡的甜品!餐廳都算幾大，大概晚上9點已經開始有人龍。餐牌上有多款中式、西式甜品可以選擇。水晶仙草芋圓杯，這款甜品有齊我喜歡吃的仙草和芋圓，仙草嫩滑，芋圓煙煙韌韌，西米都幾大粒，而中間的水晶其實是寒天，入面還有藍莓，味道不會太甜，口感很豐富!榴槤鬆餅，其他味道的鬆餅時常都可以食到， 至於榴槤味就真係第一次食!這款甜品的cream也是榴槤味，出面好少甜品店會這樣整，除了cream是榴槤味，還有榴槤蓉，所以整體好重榴槤味!鬆餅厚身，而且都幾鬆軟，再配上雲拿尼雪糕一齊食，口感更豐富!下次要來試試這裡的窩夫，感覺上也不錯!

今晚同朋友喺呢條街食完晚飯，但係仲未傾夠喉，又時間尚早，所以就同朋友轉場去食甜品，順便繼續講吓是非，見到呢間甜牙牙個名幾得意，所以就二話不說入去坐低食個甜品慢慢傾。首先我就好欣賞佢嘅Menu，好多都係圖文並茂，印刷亦都好精美，已經感覺到佢係誠意之作。我哋一向好鍾情於台式甜品，所以就揀咗呢個水晶仙草芋圓杯，所謂嘅水晶其實係用寒天做嘅啫喱，而佢嘅芋圓我相信係佢自家製嘅，因為除咗平日食到嘅紫薯味同地瓜味之外，佢仲有綠色嘅綠茶味同埋黑色嘅芝麻味，真係特別又好味！再配埋西米同埋少甜嘅椰汁底，真係好好味呀！另外仲叫咗個朱古力鬆餅，佢嘅鬆餅係即叫即做，所以要等15分鐘先有得食，不過唔緊要，因為我哋都唔趕時間。呢個朱古力鬆餅另外仲配左一球朱古力雪糕、朱古力忌廉、同埋有大大粒嘅棉花糖，真係甜入心呢間甜品店果然唔錯，有機會我都會嚟試吓佢其他嘅甜品！