鳳雛燉雞

营业中

休息中

❝鳳雛燉雞❞由韓國人主理的燉雞店，隱身於旺角商廈，唔太顯眼，本身擔心中伏，點知意外地高質，特別是招牌燉雞，價錢亦唔算太貴，值得一試💯࿐🐣鳳雛燉雞 $𝟐𝟒𝟖💫醬汁濃稠，附上的冬粉吸滿醬汁超好食，主角燉雞肉質嫩滑，份量都算幾多，無骨更易入口，另外亦搭配紅蘿蔔、薯仔等蔬菜，索滿醬汁超入味😋🦐海鮮煎餅 $𝟗𝟖💫外表望落平凡，不過味道幾出色！煎餅外皮香脆、薄身，唔會太厚及油膩，夾雜海鮮粒粒都幾足料🍶水果米酒套餐 $𝟏𝟐𝟖可以自由搭配三款米酒，揀咗青提、草莓、西柚，酒味唔會太濃烈，容易入口，不過建議快手飲，免得等冰融咗後溝淡晒😖

之前去過韓國安東食過安東燉雞，但當地嘅辣度太高，一食就鼻水長流同埋勁飲野解辣，但最後都後頂唔順，食唔曬敗走左，今次喺香港食會唔會都係咁辣呢🫣？唔理咁多啦，或者我進步左呢～～🌗鳳雛燉雞（小辣） $248招牌燉雞🐔有得揀唔辣、小辣同中辣，平時食開🔟小辣嘅我可以接受到小辣，只係會流少少鼻水，就算唔飲野都ok，但記得辣🌶度會稍為累積，所以叫定飲品穩陣啲～無骨雞肉食落夠方便，而且唔會太肥；冬粉滑劣劣超煙韌，另外配料仲有青瓜🥒、紅蘿蔔🥕、薯仔🥔，味道唔會太鹹，中心位置仲會食到蔬菜嘅甜味。🌖水果米酒套餐 $128米酒套餐可自選三款味道，我揀左藍檸、青提同士多啤梨🍓，每款都有果肉浸釀在內，有米酒獨特味道，但濃度又唔會太高，就算平時飲一罐啤酒🍺都會面紅嘅我都無反應。個人最鍾意青提口味，清爽唔太甜又唔會有藥水味。

🐷🐔豬手芝士燉雞（無骨） $348可以客製化辣度，揀左小辣，好多雞，而且啖啖肉同超級滑，佢自帶嘅配菜有燉到軟淋淋，入哂味嘅紅蘿蔔、薯仔、洋蔥同青瓜啲份量真係好大，3個人share都好夠食😎配茶方面推介另加多份冬粉，冬粉吸哂啲汁真係好好食，煙煙韌韌，仲好食過啲雞🤤同平時比較常見嘅韓國炸雞比，佢用秒製醬汁煮成，甜甜地，唔會令人覺得油膩！但芝士豬手就無乜特別，芝士唔夠溶，同豬手唔係好夾，想試可以單叫燉雞已經夠🍹水果米酒套餐 $128個人覺得口味太甜，無想像中清爽同fresh,尤其係士多啤梨味，好啲似藥水，唔太推介🙈

韓國除左出名炸雞, 安東燉雞都出名好味🐔醬汁以豉油為主, 再配上秘製醬汁同蔬菜熬製而成甜甜地, 唔會好似炸雞咁油膩🤪🤪🔸鳳雛燉雞 (無骨) ($248)醬汁好清甜美味😋 薯仔, 蘿蔔, 青瓜, 洋蔥等蔬菜好淋, 仲索曬d汁👍🏻底部仲有冬粉, 同樣索曬d 汁, 但仲keep到煙韌口感🍜而且份量勁多, 兩個人食會有d 太多😂略嫌雞肉煮得太耐, 有dd 鞋🥺🥺🔸牛肉紫菜包飯 ($78)擺盤係個笑樣😊 睇得又食得~ 🔸水果米酒套餐 ($128)有三款米酒, 包括士多啤梨, 青提同青檸🍹三款都甜甜地好易入口, 仲好fresh😋不過士多啤梨米酒有dd藥水味🙈燉雞都唔錯, 不過我叫左唔辣, 可能辣辣地會好食d🤪份量好多, 小胃王要叫多d朋友同你share啦😂評分: ⭐️⭐️⭐️

星期日同兩個朋友去咗食鳳雛燉雞🥘☺️☺️☺️睇得韓劇多開始中意食韓國菜🇰🇷，同埋見人哋話幾好食先去試吓。芝士燉雞🥘🧀 $278💸嚟得梗係要食返個燉雞🥘，我哋叫咗個有芝士嘅🧀，少辣🌶，無加錢另加其它嘢。齋睇價錢感覺有啲貴但佢份量非常多，一大碟。我哋3個女仔無叫其它嘢齋食佢都飽咗😂😂老實講啲雞肉🐓唔係特別出色🤡🤡🤡，入味嘅都總算滑，份量適中，但因為我幾成日食有雞嘅菜式，咩走地雞/白切雞/豉油雞咁，對於我嚟講佢唔係exceptionally出色。不過我就好欣賞佢啲配料，其中薯仔好好味，好軟林入味，正👍🏻。芝士🧀份量唔少，入口味道濃濃。之但係比起原味，呢款貴咗$30，如果淨係多咗面頭啲芝士🧀，好似有啲唔抵🧐🧐🧐最正一定係啲冬粉，索曬啲汁，本身粉又好滑🍜，好正👍🏻👍🏻我覺得可以加錢叫多啲。燉雞🥘行重口路線，食開清淡嘅要諗諗。水果米酒套餐🍹 $128💸我哋叫咗青提🍇、西柚🍊同藍檸味🍋。米酒個樣好靚🤣🤣🤣其實都係見佢靚先order。我唔多飲酒，所以唔太精於，不過都飲得出酒精唔高，可以當係水果飲品🧃，但加咗啲米酒，無咁平淡。抵就唔抵架啦，但可以影下相開心下🥳算係咁。💡餐廳會收加一服務費。服務👫👫👩🏻‍🍳🇰🇷

相信大家食唔少韓式炸雞，而烤雞香港有一間都有唔小分店，但大家有冇食過韓式嘅燉雞？因為今次介紹嘅係韓國嘅過江龍燉雞代表。鳳雛燉雞係一間16年12月喺香港開業嘅韓國過江龍餐廳，係韓國有唔少嘅分店，店舖分布喺明洞、鐘路、弘大等地區，可以話係韓國嘅第一燉雞，餐廳主打韓式傳統燉雞，做法同韓國一樣，醬汁都係由韓國直送，令到大家食到韓國嘅原汁原味。燉雞其實係韓國慶尚道安東嘅傳統料理，融合咗雞肉嘅鮮甜同埋辣椒，用醬油做底，加入已經煮熟咗嘅雞肉、香菇、紅蘿蔔、薯仔等蔬菜，燉煮而成，最後放Q彈既寬冬粉，吸收濃厚嘅醬汁，味道夠重口味，送飯一流。而呢度嘅招牌鳳雛燉雞，有細、中、大辣可以揀，份量夠一大班人食。餐廳係喺旺角既一個商業大廈上面，之前喺呢度食過韓燒同埋越南菜，夜晚七點嚟到都唔算好多人，仲可以坐到卡位，座位大概有80個，座位都幾闊落坐得舒服。餐廳仲有好大塊落地玻璃，如果係日頭應該會望到旺角繁忙嘅街，聽講餐廳嘅設計都係參考返韓國。餐廳都係由韓國人主理，就連店面嘅服務員都係韓國人。打開Menu可以睇到第一頁就係招牌嘅鳳雛燉雞，可以加唔同既配料，之後係炸雞、韓式主食，仲有米酒、燒酒。-1️⃣ 前菜 💰0（👅: 7

放工直剷旺角，無非都係想叫雞，仲要唔係北菇雞同本地雞，要叫越洋而來嘅韓國雞，唔喺1樓，而喺10樓，可以喺半空之中親佢事前就唔係飲湯，而係食前菜先，佢地啲醃菜唔會勁鹹，剛剛好帶點麻香唔知飲咩米酒好，一炮過嗌晒三支，有士多啤梨、藍檸同青提，渣渣都好多果肉，果酒味平均想試韓國平實嘅味道，非紫菜包飯不可，同日本壽司唔同，佢係油香為主，多以醃菜同熟肉為餡，係阿豬媽嘅味道食完澱粉質就到蛋白質，醬汁鋪滿嘅雞蛋卷，連埋內裡嘅芝士，達到非常juicy嘅效果到花魁炸雞出場，眾多芝士擁護之下，更顯光芒連埋芝士一齊食，雞肉格外外脆內嫩仲可以食開胃蘿蔔乾，有助消滯可惜坐唔到窗邊位，如果唔係更加有mood

食均全世界第八站嚟到韓國,今次想食比較特別嘅料理就揀咗嚟食韓式燉雞 🐔🐔🐔一開始會有幾道小菜開開胃雖然中間有唔少芝士但係個蛋卷煎得太乾身冇咗平時綿密嘅口感,略為失望🙈極度大份,適合3-4人食,有雞肉洋蔥冬粉薯仔等食材,絕對夠飽,而且醬汁都幾好食。不過！主角雞肉實在係有啲乾,反而洋蔥吸唒醬汁仲好味🙈水果米酒甜甜地,酒精濃度偏低,適合飲酒初哥🤣整體而言食物冇想像中好食,性價比一般,唔會特別推介🙈

朋友去完韓國返黎之後對韓國既燉雞念念不忘！竟然俾我哋搵到喺香港都有得食梗係要去試吓先啦！我哋喺平日晚上到訪，客人唔太多，我哋四位店員都安排左卡位俾我哋！落地大玻璃望到出邊嘅景色（黑漆漆嘅商廈🤣一坐低就叫左份燉雞先！我哋叫咗小辣，不過對於唔食得辣嘅我哋嚟講都算有啲辣🥺入邊好足料，除咗主角燉雞之外仲有配菜薯仔紅蘿蔔咁仲有一份冬粉係入邊～冬粉太彈牙啦，彈到我哋成身都係汁🤪🤪見到上網唔少人話要加飯焦，於是嗌左一份，本身唔係好期待點知一食難忘！同個燉雞汁好夾！之後再加左份芝士雞蛋卷同埋芝士紫菜包飯！超好食！轉個頭就一掃而空～見到隔離枱飲緊水果米酒好似幾得意咁就嗌咗一個套餐黎試下～甜甜嘅水果味蓋過米酒嘅味🤣一不小心就可能會醉啦！店內有韓國人👍👍服務都唔錯～值得我再次到訪😺😺

韓式炸雞係香港近年來非常流行，不過其實韓國最傳統的其實係燉雞，今日就同友人去左這間係韓國過江龍。傳統的鳳雛燉雞係濕身的，以特調醬汁燉，配上蘿蔔、薯仔、洋蔥、韓式冬粉。冬粉的份量都唔少，而且煙韌，質感有啲似薯粉，而且就算係醬汁放得耐都唔會糊掉。至於雞件大部分都肉質鮮嫩，不過雞胸就有啲老，配上醬汁，係足夠惹味的。但是係我地叫左小辣的情況下完全食唔出辣就有啲令人失望。我地仲追加左飯焦，非常脆，不過唔建議點太多醬汁，因為醬汁太濃，點太多會咸得濟。