湘蜀人家

营业中

休息中

收工約左老友兩公婆兩pair人係灣仔開餐, 老友推介呢間係大有廣場二樓嘅湘蜀人家食四川菜。雖然老婆唔太食得辣, 不過佢好鍾意食水煮魚。😆我地四個都係收6點, 7點未到已經到齊, 剛到餐廳時客人唔多, 不過7點後已經差唔多坐滿。餐廳裝修都好花心思, 掛畫同吊燈都好有中式古風, 四人卡位好多, 我地都被安排坐係卡位, 幾寬敞舒服。👍由於我地兩個係第一次黎, 今次就由老友發辦點菜。連埋甜品佢一共點左八個菜, 由於辣野都唔少, 雖然已經開左壺茶, 我地都預先點定可樂解辣, 老婆就點左熱豆漿, 佢話熱飲先解得辣喎。😜擂椒拌皮蛋雖然係涼菜, 不過份量都唔少, 四個人share一份剛剛好, 皮蛋好入味, 唔辣, 蛋黃唔會太熟, 非常醒胃。四川擔擔麵就唔講得笑, 都幾辣, 不過麵質彈牙軟滑, 老婆唔食得辣都不停添食。😚泡椒腰花我地第一次食, 配料好豐富, 豬腰左花炒香後更易入味, 口感爽脆, 連辣椒味道都唔錯。孜然羊肉係其中一款唔辣嘅茶式, 羊味濃有咬勁, 羊肉份量都好多。👍鮮肉蒸餃餡料肉汁豐富, 一份四件, 一人一件剛剛好。😁同老婆們開餐點菜係常識吧😂 呢個鮮魚湯浸時蔬清清地啱哂佢地食。今晚嘅主角

誤打誤撞行大有商場本身想試新開安南越南菜，但發現角落位置開了間四川湘菜，湘蜀人家，有最愛水煮菜式即使二人同行，明知食唔哂，但都忍唔住嗌左幾款試下水煮桂花魚由於太怕骨的關係，叫親水煮魚都只能叫水煮魚片，但今次錯有錯著，叫左呢個唔多骨嘅桂花魚。桂花魚柳片得好薄，可以每片魚柳都沾左辣油，個魚亦好鮮味。當然有骨嘅部分，包括魚頭同魚尾，完全放手交俾同行嘅人。（下次一定嗌番魚片）順帶一提，紅油完全滲透入薯粉條之中，令薯粉食落又香又辣。食完辣野加上凍豆漿更突顯豆漿嘅甜味。紅油抄手唔錯嘅前菜，個汁好濃，抄手的肉質各方面配搭都很好👍乾煸四季豆最欣賞係佢個配料，有菜甫、榨菜、芹菜，爆到非常咁香口，夾埋個四季豆係一絕。蔥油醬炒飯超驚喜，個飯炒得超香，上台時仲係一粒粒，味道方面都好好。必試