川滿居 (京都廣場)

营业中

休息中

呢間裝修得好有中國風專嘅川菜，食物選擇好多。入到嚟唔知揀咩，店員都好有禮貌詳細講解菜單，好貼心。涼拌黃金皮蛋：啖啖皮蛋嘅滑嫩，加上啲辣椒油同蒜末，鹹香又帶點辣，開胃得嚟又唔會太重口味，正！京蔥羊肉配麼麼皮：呢度菜炒得好香，麼麼皮就似食片皮鴨嗰種，可以包埋羊肉食，呢個組合真係冇得輸，羊肉嘅香味同京蔥嘅清新味道好搭。水煮魚都係必食嘅一道。魚片新鮮，湯底辣中帶麻，辣得嚟但又唔會蓋過魚肉嘅鮮味。當中仲有其他配菜有金菇同埋薯粉，而且份量都好多。

約了友人到銅鑼灣吃中菜，友人喜歡吃辣，嚐過香港很多中菜館的酸菜魚水煮魚，卻甚少找到好吃的水煮魚，這次我們特意來試試這間的水煮魚。店內以中式裝潢為主，大量紅色的燈籠高高掛，一邊牆上有紅紙扇裝飾，桌面上是中國人物圖案，甚具中式氣氛。餐廳的一邊有包廂，我們在其中一間包廂的其中一枱，另外還有兩枱人。我們六時便到達，至七時多全場已差不多滿座。水煮魚($188)，友人非常滿意這碟水煮魚，幾乎整盤都是她吃的。我一向不太吃中式魚，吃了一件後也禁不着多吃幾件。魚肉非常彈牙和新鮮，肉多、厚、大片，加上盤中的辣椒，十分惹味之餘又不會過辣。魚片大約有八至十塊，加上吸滿辣汁的一大盤彈牙滑口的薯粉，川香四溢又飽肚。麻婆豆腐($66)，豆腐香滑，能掛上辣肉醬汁，份量多，拌飯甚佳，所以我們各點了一碗白飯($15)。手撕包菜($72)是著名的川菜，辣度可自選，微辣，油比較多，蔬菜新鮮香口，爽脆之中有包菜的清甜，拌以辣椒爆炒，令人胃口大開。這道菜是拌飯良菜，作拌酒的小食也非常適合。籐香雞($66)，看見網上推介這道菜，所以點了一碟試試。肉多，雞肉嫩滑，滑肉中有獨特的麻香，既有清香，又有帶點川菜麻辣鮮香的濃郁。Hoegaa

又喺一個星期五，係出街搵食的日子。行過銅鑼灣，忽然諗到已經好耐冇食川菜，即刻上OpenRice睇吓有乜嘢介紹，見到呢間川滿居食評幾好，咁啱又喺附近，就上去睇一睇有冇位。咁好彩我哋到的時候啱啱有人埋單，咁就俾我哋攞到位坐低喇。平時食川菜我哋多數會揀烤魚，但係今晚就想食第啲嘢。餐牌上嘅選擇唔算太多，但係比較出名嘅菜式都有。老公話好肚餓，所以我哋嗌咗一個水煮魚，一個孜然羊肉，半隻片皮鴨。老公係個需要澱粉質的人，所以最後仲加咗個羊肉炒麵。水煮魚一上枱我就知道大劑，咁大碗嘢一定食唔晒。水煮魚用嘅係鱸魚，份量非常多，魚肉非常甜美鮮滑。配料方面有芽菜，雲耳，金針菇，同芹菜，墊底仲有甚多薯粉，早知喺咁就唔需要再叫個炒麵。跟住上嘅係孜然羊肉，仲跟埋六塊麽麼皮。孜然一向係我非常喜歡的調味料，呢碟羊肉亦都炒得非常有鑊氣，我會強烈推介俾鍾意食羊肉的人。接住上嘅係半隻片皮鴨。諗唔到半隻鴨嘅份量有咁多，跟埋仲有十塊麽麽皮。片皮鴨嘅味道唔錯，啲麼麽皮亦都做得非常之薄，比其他嘅餐廳做得好。其實我哋今晚叫嘅兩個餸都有麽麽皮，係我哋嘅失策，加上每一個餸嘅份量都好多，四個人食我覺得都足夠。上羊肉炒麵時，我已經飽到食唔落，所

今日去到銅鑼灣附近行街，諗緊去邊到醫肚嘅時候，朋友介紹銅鑼灣有間新開嘅川菜唔錯，就上黎試下。我地叫左一個優惠二人餐，食到我地超飽。舖頭唔係好大間，小逼。主菜：水煮魚 我地叫左小辣，對於唔係好食得辣嘅朋友黎講，辣度啱啱好！水煮魚嘅湯好濃，而且好入味，本身夜晚唔食白飯嘅我地，都忍唔住叫左一個白飯拌黎食😋 水煮魚嘅魚片都好滑，無骨，亦都好新鮮！冷盤：藤香雞 藤香雞好有驚喜！ 就咁睇賣相，會覺得依碟雞平平無奇，但一食落口，就知道廚師係調味方面落左好大功夫！雞嘅肉質好滑，而家花椒味重。依道菜都適合撈飯食，我地都食到唔停口。小炒：酸辣土豆絲土豆絲都好出色，鑊氣十足，酸酸甜甜，再加上辣辣地，我地真係越食越開胃。而家土豆絲炒到好爽，唔會好淋。總括而言，依間川菜嘅菜式嘅味道都唔錯，見隔離檯食烤魚都好正，下次再上黎試埋先得！😋

☘️☘️突然好想食川菜，上open rice 搵倒呢間響銅鑼灣京都廣場上面嘅川滿居。一出電梯就係餐廳，環境普普通通，裝修係平實嗰隻，有卡位也有靠窗景座位，尚算舒適。 ☘️☘️我哋點左佢招牌嘅水煑魚，一大盤賣相好吸引，食落啲魚片好滑同厚身，口感好爽，唔似一般食嘅咁「淋」。老闆話用嘅係鱸魚，所以口感唔一樣👍 墊底嘅粉條好煙un 😋 好味👍☘️☘️另外個葱爆牛肉都幾惹味，只係份量少咗啲，不過兩個人食就剛剛好。☘️☘️涼菜係涼拌木耳，不過相比其他兩個菜就比較失色了。味道酸咗啲，可能因為落少咗糖。可惜今晚我哋只有兩個人，食唔倒太多嘢，下次嚟一於試吓佢嘅招牌香煱！