URBAN Cafe (彌敦道)

营业中

休息中

係Openrice見到好高評價，而且有2間分店，望過價錢亦唔貴，上到來先知原來Cafe唔止食物，仲有貓貓！環境入餐廳前要套上鞋套確保地下衛生，店都幾大，因為貓貓都多，有足夠空間比佢哋，佢哋無處不在，係你身邊走來走去，跳上枱，坐你大腿，坐係你包包上面，好鬼正😂 餐牌好抵食！二人套餐$300有找，就算單點亦唔貴。水牛城雞翼 $58有五大隻，隻隻都有超多醬汁裹住，味道甜甜辣辣好開胃，鍾意佢無雪藏味，肉質仲唔嚡口添！二人套餐 $278包餐湯、沙律、Risotto/Spaghetti、Main及餐飲。餐湯用南瓜打成蓉，勁足料，真係啖啖都有南瓜絲，啱哂我呢啲南瓜控。日式青蟹籽大蜆大蒽忌廉扁意粉 比較少食青蟹籽，所以就揀咗呢款，蜆嘅份量眾多，都無有腥有沙嘅情況出現，意粉就唔算掛汁。西班牙黑毛豬肋骨配薯菜 勁抵食，平時食西班牙黑毛豬都比較貴，呢到set dinner唔洗再加錢。有約6條，質素同價錢對等。雪山心太軟  +$35另外，仲加左$25要個雪山心太軟，可以揀原味朱古力／抹茶，叫左後者，外層略妝嫌厚粉，但流心無問題。藍花皇家伯爵荔枝紅茶 +$31原價$69，跟set包$38以下飲品，補返差價$31

這間餐廳bookmark左好耐，一直都想來試試，今次友人好醒目book定位帶我來。由於有不少貓貓會在餐廳內行走，所以餐廳做好防菌措施，每位客人進入餐廳前都要在門口的鞋套機把自己的鞋套好，消毒好雙手。坐低後店員給予指示及餐牌給我們。二人套餐包括有沙律、餐湯、兩份主食同埋飲品。沙律、餐湯，沙律菜拌上了沙律醋，還有車厘茄和菠蘿，感覺很fresh!而餐湯是忌廉蘑菇湯，湯內有蘑菇、洋蔥等，都幾足料!即磨芝士黑松露野菌大啡菇忌廉意大利飯，即磨芝士份量都幾多，意大利飯不算很creamy，飯有點偏硬，而飯有淡淡的黑松露味，還有不少菇菌肉，味道都不錯!巴馬火腿拉絲水牛芝士手工薄餅，薄餅是細批，有4件，批底算是厚批，不過都幾脆口，薄餅上的芝士可以做到拉絲的效果!薄餅有濃濃的芝士味，巴馬火腿味道剛剛好，不會太咸!雪山心太軟，套餐加$25可以有心太軟，有兩款味道可以選擇，而我揀選了綠茶味!味道不會很甜，有淡淡的綠茶味，再配上紅豆味雪糕，很滿足呢!水牛城雞翼，雞翼份量都幾多，有五隻，炸得香口又juicy，雞肉嫩滑，而且水牛城醬份量多，令雞翼味道酸酸辣辣，十分刺激味蕾!紫薯拿鐵、芒果荔枝梳打，這裡的拿鐵不含咖啡成

同朋友搵Cafe book位食個飯，喺網上搵到呢間人氣之選，仲有貓貓可以玩。咁就梗係同朋友share一齊食，第一樣嚟嘅係卡邦尼意粉，意粉硬度適中，而且幾creamy，個溫泉蛋亦都整得唔錯，撈埋意粉一齊食更滋味。第二個主食叫左芝士黑松露忌廉意大利飯，佢啲芝士唔會好流，仲同個飯幾夾，黏住啲飯，總括來講都幾鐘意。然後仲叫咗個小食水牛城雞翼，同想像中有啲唔同，味道好似酸酸甜甜，同埋醬汁比較多，唔會覺得乾。飲品都有好多款揀，今日養生揀咗蜂蜜生薑茶，驅寒暖胃，普通正常。

難得有間就腳 價錢又親民既黃店cafe當然要幫襯下😚2個人叫左1個pizza 1個主菜 2個小食最推薦既係挪威煙三文魚水牛芝士pizzaPizza上枱唔大 大概6/8吋 2個人分食啱啱好 唔會太飽或者唔夠Pizza面有滿滿既芝士混合千島醬醬既甜加上芝士同煙三文魚既鹹香好食到唔捨得食完兩款小食都同樣擊中要害😍水牛城雞翼係睇相已經覺得吸引上枱好有驚喜 58蚊5隻大大隻每一隻雞翼既炸皮都有滿滿既醬汁包裹住個汁就唔算太辣 偏重香料味同茄汁既酸甜食落相當惹味！另一款係黑松露芝士薯角開頭以為會用芝士醬 點知係真芝士！！薯角炸得夠脆 黑松露同芝士味濃郁實在太好味啦❤️反而係主菜西冷牛扒就一般黑松露燒汁好味 但塊扒本身就無咩牛味勝在薯菜都好多 塊扒又大 就抵食

好彩有book位🤩 我約18:45 餐廳內外都咁多人見到呢部機感覺好新奇😂 防疫措施都做得好足註: 餐廳比較細 會坐得比較逼😉🥕是日沙律 $38🥕蘋果醋薄荷梳打 $58🥕青檸薄荷蜜糖梳打 $58呢兩個都係健康之選 飲落都好fresh 但我都仲係好想試啲朱古力smoothie 見到好多人飲🥕水牛城雞翼 58有啲肉醬係面層🥰 雞翼炸過 仲係好鮮嫰多汁🥕日式磁煮鮑魚薑蔥香蒜炒意大利麵 $108呢個CP值勁高!!!!鮑魚都幾新鮮😍 爽口彈牙!!啲意粉炒過 有少少蒜吊下味之餘 仲可以做到少少乾身既效果軟硬度適中😍🥕菲力牛柳配香草荷蘭汁薯菜  $158本身想叫西冷牛扒 但無貨哦!叫左菲力牛柳 令我好surprised!!菲力牛柳係牛腰接近尾既地方因為唔太用到啲肌肉組織所以菲力牛柳既特色就係超嫰😍口感勁軟腍 而且一啲都唔乾身!牛味無西冷咁重 配香草荷蘭汁食就更fresh!🥕雙層朱古力蜜糖吐司配精選是日雪糕勁鐘意食呢個!! 多士烘底+朱古力榛子醬 配埋oreo雪糕仲有啲toppings 好正😭

聞說呢間cafe好受歡迎,喺疫情放緩的情況下，星期一晚上來碰碰運氣，豈料七點半的晚上cafe座無虛席，很是厲害未坐低先興奮 一入門口已經見到一群毛孩躺著歡迎我們, 毛孩們氣定神閑 , 彷彿似model般 無懼鏡頭 定焦, 任摸及自拍都唔嬲。與朋友2人點了一個2人套餐($278), 包括餐湯及沙律 x 2, 飯或意粉 x1, 主菜 x1, 餐飲 x2 ($38內) 。套餐可加二十幾蚊叫一分小食拼盤, 但我哋冇加, 因為大家都鍾意食水牛城雞翼, 所以額外點了一份水牛城雞翼$58。餐湯忌廉湯, 口感creamy 及糊狀，飲落好實在好飽肚，與酸酸甜甜又清新的 菠蘿沙律配沙律醋，剛好互相平衡一下。小食-水牛城雞翼 好大隻呀! 每隻雞翼又大又飽滿, 朋友最初還擔心雞翼很 辣，誰不知一試便愛上。酸酸辣辣的醬汁很開胃，雞翼本身應該烤焗得香脆，即使醬汁滿滿的包圍著雞翼, 外表依然香脆可口, 而且雞肉十分滑嫩多汁芝士黑松露野菌大啡菇忌廉意大利飯 分量很豐富, 聞得出也看得出，除了聞得出黑松露的香氣外，啡菇及黑松露充分融入在每粒飯之間，每口飯都充滿著碎菇粒及黑松露，可見食材 用料絕不吝嗇，還有鋪得滿滿的芝

貓奴🐾注意事項及守則⚠️🐾🐾🐾🐾🐾🐾🐾🐾🐾🐾🐾🐾🐾🐾🐾進入貓之國度🐾前需要著上鞋套👍🏻你有9️⃣0️⃣分鐘時間服侍貓主子們🐾記住準備褸🧥/包包👝為貓主子做皇座😌呢度既貓貓🐱數目好多😍 總有1隻在左近🥰佢地都好乖又會好主動接近奴才們😳見貓主子的奴才人數眾多🥺 記緊預約☎️🐾🐾🐾🐾🐾🐾🐾🐾🐾🐾🐾🐾🐾🐾🐾貓主子🐾為奴才準備既食物🔖🐾🐾🐾🐾🐾🐾🐾🐾🐾🐾🐾🐾🐾🐾🐾1️⃣: 水牛城雞翼🐔雞翼大大隻🐔 啖啖肉仲炸到好香脆💥醬料爆多🙈 帶有微微既辣味🤤 勁惹味😋🐾🐾🐾🐾🐾🐾🐾🐾🐾🐾🐾🐾🐾🐾🐾2️⃣: 藍花皇家伯爵荔枝紅茶☕️透明既花茶壺☕️太靚太吸睛👀茶壺☕️下有蠟燭保持溫度😌伯爵茶☕️香得黎帶點點荔枝味🌹食完野飲返啖花茶同貓主子🐾們玩下夠曬Chill😎🐾🐾🐾🐾🐾🐾🐾🐾🐾🐾🐾🐾🐾🐾🐾3️⃣: Oreo脆脆特濃朱古力🍫面頭鋪滿Oreo脆脆💥 裡面又有朱古力碎碎🍫朱古力🍫味道算幾濃且唔會太甜太膩😍🐾🐾🐾🐾🐾🐾🐾🐾🐾🐾🐾🐾🐾🐾🐾4️⃣: 生日美式鬆餅🥞配雪糕🎂🥳呢個係奴才👦🏻生日😳既驚喜🥰 少貴🥺鬆餅🥞暖暖地仲堅鬆軟架🤤 D cream好香甜🤗仲有彩虹🌈朱古力碎碎&棉花糖添😌石板街雪糕🍦有別於食開既味道係超正😌 大推❗️

最近的情況，出街的人可能比較少，但其實只要著重衛生，都可以食得安心。入去前先著上鞋套，防止鞋上的細菌帶進店。再量體溫，沒有發燒先可以用餐，再一定要用門口洗手液洗手。然後就可以入內了。 以保安心。我們同枱的食客還有佢地。好可愛的貓貓。不過當然，我地避免打擾他們的生活，亦吾好嚇到佢地。他們真係好受歡迎，每枱客人都把焦點放上去。2人套餐，十分抵食。有沙律，主菜，餐湯，飲品。只是$268。沙律🥗 餐湯是南瓜湯，好香好綿滑。在主菜黎之前，先食個沙律及餐湯，正好為之後做好準備。湯律還有波蘿粒在裡面，開胃。黃金卡邦尼意粉溫泉蛋，配上炒香煙肉及雜菌。將溫泉蛋汁絆在一起，好好味道。麵creamy ,煙肉份量又夠。辣肉腸拉絲水牛芝士手工薄餅等了一會才上菜，即叫即焗既pizza. 芝士十足，拉絲不成問題。配上辣肉腸食， 好好味道。熱辣辣，批邊鬆脆。另外，個人喜好，去cafe 一定要食雞翼。水牛城雞翼比想像大隻，雞翼大大隻，炸好後沾上酸酸甜甜的醬汁。飲品是峰蜜柑桔檸檬梳打，還有oral 脆脆特濃朱古力. 脆脆正！ 好特別既飲品，又吾會太甜。 最後可以加$25換雪山心太軟，可選綠茶味及朱古力味。 選了朱古力，一

旺角樓上cafe質素參差，每次去試一間新嘅都係一場賭博🤣今次去嘅呢間urban café令我喜出望外，食物質素好，服務亦都好，仲好有樂趣添！.呢到嘅食物種類比起一般嘅樓上cafe多，除左有意粉、小食、飲品外，都會有漢堡、牛扒、豬肋骨呢啲較復雜嘅西餐菜式，黎到一定會搵到啱自己口味嘅食物。我同兩位朋友一齊去食晚餐，叫左一個二人套餐(包餐湯、沙律、兩個主食同兩杯飲品，仲可以加$28加小食拼盤)、一杯散叫飲品同一個小食，食物份量都算多，所以我地都夠飽。.套餐餐湯係南瓜湯，味道濃郁而且有南瓜蓉係入面，飲得出唔係就咁開粉嘅湯，鍾意南瓜嘅我十分滿意呢個湯！沙律有菠蘿、車厘茄同沙律菜係入面，加左少少醋調味，味道酸酸地幾開胃。我地加配左個小食拼盤，入面有薯角、腸仔同炸雞，食落香口唔油膩，三個人食份量啱啱好，過下口癮又唔會太熱氣！主食方面我地叫左意式辣肉腸拉絲水牛芝士手工薄餅同即磨芝士黑松露野菌大啡菇忌廉意大利飯。手工pizza調味唔錯，而且水牛芝士夠多，真係做到拉絲效果，如果多少少辣肉腸片就更加好味😋意大利飯值得大讚，好耐無食過咁高質嘅意大利飯！飯煮得好creamy好入味，硬度適中，咬落去有少少煙韌，唔

Urban Cafe 已經成為了我最愛的cafe 之一，除了因為這裡能接觸我最喜愛的動物外，還因為這裡的食物好吃。這天放工，同樣選了Urban Cafe 做晚飯的落腳點。預先在網上訂了座位，根據預訂的時間來到，在門外穿上即棄塑膠鞋套，為雙手噴上消毒噴霧，來到了窗邊的位置坐下。兩人共點了三款食物，當中便有逢到必點的薄餅。水牛城雞翼外層沾滿酸辣番茄醬的脆炸雞翼，味道開胃又惹味。厚厚的番茄醬味道很香濃，酸甜的蕃茄味中又突出了辣醬的滋味，味道調配恰到好處。巴馬火腿拉絲水牛芝士手工薄餅這兒的手工薄餅是我的心水之選，薄餅皮的軟硬度適中，鬆軟得來又帶點點脆感。拉絲芝士味道香濃，推薦給愛芝士的人士。蟹籽意式佛羅倫斯牛肋條意大利飯意大利飯的醬汁香濃，味道像牛尾湯，緊緊包圍每一飯粒。醬汁在飯粒之間穿梭，加上蟹籽的點綴，加強了豐富的口感。在我們晚飯途中，亦到了貓咪的晚飯時間。店員把貓糧放在樓面中間一字排開，頓時貓頭踴踴開餐的場面，又壯觀又可愛，謀殺了全場客人不少鏡頭。