慢理牆城

营业中

休息中

餐廳：慢理牆城地點：油麻地M1酒店菜式：西式餐牌：主菜，全日早餐，6色意大利飯，7色扁意粉，熱盤，冷盤，小食，甜品。飲品有特飲，拿鐵，咖啡，Superfood飲品，鮮果飲品等等。真係估唔到油麻地酒店會有一間咁chill嘅餐廳。一坐低就有杯紫色既碟豆花檸檬水，味道好淡，餐碟好有異國風情。水牛芝士焗菠菜大啡菇 $98 另加一水牛芝士焗菠菜大啡菇一客兩大件，多汁大啡菇上面加上菠菜蓉同大量水牛芝士，灑上香草，烤得熱辣辣上枱，未食先聞到芝士香。芝士拉絲又煙煙韌韌，健康好味。伴有加左黑醋既沙律菜同車厘茄，蔬菜量足。慢落豬慢煮西班牙冰花酸梅黑毛豬串燒配甜蕃薯條 $288 另加一落單時服務員特別提醒慢落豬需時15至20分鐘，果然值得等。慢落豬份量驚人，慢煮西班牙冰花酸梅黑毛豬串燒三大條，每串有五舊左右，每舊都好大件，中間穿插有紅有青有黃燈籠椒。豬肉燒得少少脆皮，豬有豬味，個汁少少酸，面頭灑上蔥花，味道唔錯。口感就有咬口。甜蕃薯條好粗身，炸得外脆內軟，味道甜甜地，伴有茄汁。另外都有沙律雜菜加黑醋伴車厘茄。新鮮蘋果菠蘿石榴羽衣甘藍汁 $62 另加一呢杯新鮮蘋果菠蘿石榴羽衣甘藍汁係超級食物飲品之一，好快就有

以森林為題的cafe，木系裝飾加上綠油油的植物，有置身叢林的感覺，仲有陪食公仔非常可愛🔆Dinner set for two $𝟞𝟠𝟠▫️白酒忌廉煮藍青口 雖然青口較細小，但有12隻咁多👏🏼不太感受到白酒存在，但個醬汁味道都可以▫️慢落豬三大串西班牙黑毛豬串燒，搽了冰花酸梅醬所以看起來很有光澤，酸酸甜甜。可惜結實的串燒有點膩感，另外肉有少少騷不太合我口味👉🏻👈🏻不過香脆甜蕃薯條就幾好食😌▫️黑松露野菌扁意粉就咁睇可能唔覺，但夾開意粉其實份量係非常之多，成隻碟卷滿左🫣黑松露忌廉醬汁好好地掛在麵條上，聞落食落都幾香，穩陣嘅選擇▫️西西里的檸檬向日葵好有藝術感嘅表達🎨是一個加了檸檬甜酒的雪糕球，類似雪葩的口感，相當清新呢個set份量真係好多，足夠我地三人食到飽仲要打包。不過由於餐廳設最低消費($100/pp)，而set係for二人，所以要叫多一款食物🔆水牛芝士焗菠菜大啡菇$𝟡𝟠軟身的水牛芝士完全地覆蓋住菇，有彈性會拉絲🧀大啡菇超多汁，一切就流滿碟，而且熱辣辣上枱更添滋味🤩🔆伯爵茶拿鐵$𝟝𝟚Set本身有兩杯$58以下的飲品☕️伯爵茶味香濃，但甜左啲啲🐰食物份量真係好多好足料，店員服務周到又積極，見到我地

餐廳裝修走文青+森林風，極有心思，入到餐廳感覺好chill好relax。最搞笑係有一張2人枱淨係會俾公仔坐🐻🐼，夠晒盞鬼。-講重點先有位男員工真係好有禮貌服務態度100分每一句說話都唔該前唔該後客人問題/要求多多都唔會嫌煩絕對會為咗服務態度再回頭-擺盤靚中意佢用丹麥麵包代替普通方包本身for客人當小食但餐廳所有食物都大大份由於我比較細食份大啡菇已經足夠我做主食水牛芝士菠菜大啡茹味道不錯，但沒有驚喜建議試煙三文魚流心蛋大啡菇（左）奶昔好飲，真材實料，好飽肚🥑🥬🍌如果你中意super food，會好岩你（右）好似係芝麻咖啡（？）好飲，芝麻味濃郁飲完棚牙黑蚊蚊不過咖啡味就唔突出杯偽黑啤好神奇點可以整到咁多泡上枱一刻我以為係真啤小文字（轉載）以前覺得堅持肯定就能有結果後來才明白家庭 距離 三觀 我們都打不破放棄是很可惜 但堅持並沒有什麼意義

慢理牆城：萬里長城諧音門口位已經唔少打卡位置，都同媽媽影多咗幾張相先入餐廳，非常之期待熊貓、長頸鹿都坐晒你附近😂，超有森林、綠色氣氛，亦擺咗好多精品設計系到，睇得出好用心咁設計餐廳風格+裝修，不蓋係打卡聖店💃🏻打卡打夠之後，系時候點餐，menu選擇唔少，特別系飲品有得叫沙冰/奶昔！🌹美式甜辣香脆雞翼（4隻） $58外皮超脆口，加埋上過粉炸嘅外皮比平時食到雞翼再大隻些少，有啲甜酸加上有香料味嘅微辣感，入口內汁即刻流出，真系好好食嘅雞翼有得自選4隻/8隻，啱晒因應喜好叫多叫少，伴碟仲有埋沙律🥗，少咗啲熱氣感🌹水牛芝士焗菠菜大啡菇 $98呢個菇大到手握拳頭👊🏻，上面滿晒水牛芝士，中間仲有層菠菜汁，一定要襯最熱食！芝士溫度、菠菜汁、彈牙嘅菇3種口感口味都好夾，停唔到口，一樣伴碟仲有埋沙律🥗🌹牛油果忌廉蟹肉意大利飯 $178呢個外形上已經非常特別，蟹肉做到好似雪糕球咁、中間牛油果、少少芝士片、最底就系忌廉燴意大利飯，建議食個時唔好一次過搞均，每次分啲牛油果同蟹肉咁食系最正，蟹肉食到帶甜味、牛油果夠熟夠軟身、配比較硬身意大利飯都幾夾一般嚟講意大利飯粒偏大同硬身，如果汁太稀太傑都會影響到口感，呢到燴

今日我哋一行五人嚟到油麻地嘅慢理牆城，餐廳唔算好大，好彩我哋預先訂枱，嚟到即刻可以坐抵點野食餐牌設計非常有心思，菜名新奇有趣，尤其係甜品同埋飲品，我哋後尾揀咗一個叫「陪你去流星雨」嘅甜品先講下我哋點咗嘅小食，呢個係牆城小食拼盤（大）：有香腸、雞翼、芝士條、薯條、蕃薯條成個小食拼盤炸得好香脆最鍾意食佢嘅番薯條，甜甜地又夠脆其次係炸芝士條，咬開一半，真係有芝士拉絲既效果，芝士味非常rich第二個點嘅小食係水牛芝士焗菠菜大啡菇切開個大啡菇，見到入面係填滿晒菠菜，再用熱溶既芝士鋪面，一啖咬落去，嘴巴充滿呢三種食物既味道，呢個菠菜啡菇真係好好食第三個小食是芝士焗黑松露薯條本身芝士薯條已經夠吸引，面頭再放埋惹味既黑松露醬，呢個組合真係令我地真係食到唔停口之後係呢個明太子蟹肉扁意粉，呢道菜係我成晚最欣賞食嘅一道菜真係不得不俾五星佢首先係扁意粉軟硬度適中，每條意粉都拈上濃郁嘅明太子醬同蟹肉，呢兩種縱橫交錯嘅味道深深刺激我嘅味蕾 ，估唔到蟹肉同明太子既味道係可以咁夾另外，我哋仲點左日式芥末魷魚意大利飯，鍾意食芥末嘅朋友可以一試個意大利飯既魷魚都幾多，上面仲鋪咗一片片嘅芝士，口感都幾Rich～主菜方面我哋

早前網上比文青Cafe慢理牆城不停洗板，地點方便而且好多打卡位，係今期絶不可Miss的餐廳。位於油麻地的M1酒店內，大家只要上一樓就會見到大量花花草草的裝飾。餐廳只有15張枱到，大家記住記住Book位！網上人氣高企的水牛芝士焗菠菜大啡菇果然無令我失望！大啡菇的體積唔小，上面舖滿菠菜及大量的芝士。一咬開塊菇，D汁吱曬出黎，加上由幾種芝士混合的滋味溶芝士，難怪咁受歡迎！另外一提係大菇旁的沙律菜用了好濃郁的黑醋汁，味道絶對可以消滯，並減少因大量芝士而做成的油膩感。墨西哥粟米片一上菜時，我被其份量嚇一嚇！超級大份的粟米片上面舖滿芝士及辛辣辣地的蕃茄沙沙，味道好豐富。雖然粟米片被大量的芝士及茄醬覆蓋，但粟米片無即刻變到淋身，脆卜卜的口感Keep。牛油果忌廉汁蟹肉意大利飯的份量都好大碟，D飯多D到凸起個半圓。意大利飯有咬口，唔似其他餐廳煮到好似普通飯咁，加上入口Creamy，但又唔會濕，煮得剛剛好。鮮味的蟹肉加上牛油果的軟滑感，加埋高質的刨芝士，就成為令到大家流曬口水的意大利飯。本身都考慮叫唔見呢兩杯特飲好，因為真唔算平。不過最後朋友話佢試，我就跟風了⋯ 朋友呢杯帽事嘅，傻朱，其實係薄荷焦糖朱古力

今日約左客喺佢住既酒店樓下餐廳傾野，但睇個名係估唔到佢個佈置會咁特別。小弟當然要早啲到吧～ 一開樓梯就見到好多啡色同綠色既野，木格架加仿草牆。另外又放左唔少動物既座地擺設。我地都叫左少少野食，首先黎左份大啡菇，上面加左水牛芝士同菠菜一齊焗，水牛芝士香得黎又唔會太濃，菇又好多汁非常juicy！另外叫左份墨西哥粟米片，淋左蕃茄沙沙，令到脆卜卜熱辣辣既粟米片食落無咁熱氣。不得不提我叫嗰杯野飲，左邊嗰杯係有少量薄荷汁喺底，上面係非常企身既cream，而右邊係朱古力。職員教用金屬飲筒喺中間開個窿直到底，之後將朱古力喺中間個窿倒入去。上面既cream就會向上升而又唔會瀉出黎。另外啲cream原來都好滑，仲以為咁企身會唔好食。