新華茶餐廳

营业中

休息中

街坊介紹嘅茶餐廳，叫咗個沙嗲牛肉麵同埋叉燒意粉餐，就知道要慢慢座下等佢新鮮蛋撻出爐，喱間嘅沙嗲牛肉都幾出色，啲牛肉都好嫩滑同埋個醬都好濃烈，配上公仔麵沾哂啲沙嗲醬一啖擺入口，果然喺最好嘅配搭。餐飲方面就無咩特別，都喺普通凍檸茶同埋奶茶。蛋撻方面新鮮出爐嘅同唔係新鮮出爐嘅我都食過，唔係新鮮出爐嘅話，酥皮會有少少可能唔夠鬆軟，但係蛋漿都好綿密入口即溶。如果咁幸運遇上新鮮出爐嘅幾飽都需要再叫多一個，新鮮出爐真係熱辣辣，酥皮食落口係好鬆化，咬一啖好脆同埋會跌好多碎碎出嚟，中間個蛋更加唔使講，接近流心狀態，同酥皮融合，都係等大家過嚟朝聖。

🥰 廿年前初試 “新華”, 屬經典舊式茶餐廳, 後起嘅 “翠華” 同埋 “敏華” 不可相提並論, “乜乜冰室” 等新派茶餐廳又係另一回事.🤗 今日重回舊地食早餐: 沙嗲牛肉麵, 火腿奄列, 配熱奶茶, 盛惠$45. 🥢 餐廳裝修懷舊, 唔係扮懷舊, 冇怪嗅味, 可惜冇咗茶味. 🍜 沙嗲牛肉麵. 用經典嘅 “淺碟” 上, 麵質軟硬適中, 牛肉唔係高質, 但至少食唔到雪藏味, 沙嗲味道啱啱好, 唔會 “渴撻撻”, 即煮就係即煮, “中央廚房” 冇得比.🍳 火腿奄列. 新鮮, 蛋汁香滑, 配火腿口感一流. 奄列製作麻煩, 一般茶餐廳少玩.☕️ 熱奶茶. 用傳統咖啡杯, 夠熱, 燙口, 略嫌茶唔夠澀, 哈.🤗 總結: 長沙灣舊區四十五蚊一個早餐, 唔平喎, 但 真.懷舊 係無價嘅, 有緣再見!

近期大熱的酥皮蛋撻之一，當然要去朝一朝聖，去到門外已經看到很多人在排隊買蛋撻！由於已預計到午餐時間會非常多人，所以特意選了下午茶時段到來，大約等了十分鐘入座。室內環境方面，這裏樓高兩層，燈光充足，裝潢算是用心，非一般老字號茶餐廳環境。不過由於實在太多客人，所以室內室外都較為擠迫，而且客人一個接一個，在其他客人的眼神注視下，並沒有太多時間可以自在享受美食。看過餐牌，點了著名的「沙嗲牛肉麵」特餐($41)，餐飲配「熱奶茶」，當然少不了「酥皮蛋撻」($7)！先到的是餐飲。熱奶茶口感濃郁順滑，茶味重，回廿鮮明，符合水準。接著是「沙嗲牛肉麵」。公仔麵麵條軟硬適中，爽口彈牙，牛肉份量雖然偏少，不過質地軟稔又夠入味，沙嗲醬鹹淡得宜，帶甜而不辣。套餐還包括了「火腿奄列」。鬆軟白麵包內塗著牛油，滿滿牛油鹹香。可惜火腿奄烈卻讓我大失所望，因為蛋煎得過火了，過於乾身，而內裡則很多油，火腿都被油浸着，十分油膩。終於品嚐期待已久的「酥皮蛋撻」。「酥皮蛋撻」外層夠酥夠鬆脆，新鮮出爐散發著滿滿牛油香，內裡的蛋則香而口感軟滑。這裡的蛋撻甜度不算高，特別適合不喜歡太甜的朋友！蛋撻真材實料，吃一個都有飽足感呢！走的時候還

長沙灣深水埗青山道老舖一蘿蘿，舊香港風味情懷滿載，好多都係家族經營一代傳一代，好似新華咁。要懷舊就去到盡，睇吓餐牌封面個餐廳電話號碼就知，後生啲嘅都唔知係乜東東。有二樓，疫情下一入去太子女就幫你探熱之外，坐低後有人會幫你噴消毒液清潔枱面，10分細心周到。有咩食你自己慢慢睇啦，其實都係嗰啲，要快我叫個特餐就算。絕對係好食唔好睇，每樣野質素都高。奶茶係港式茶記靈魂，呢杯不負所托，細滑回甘，絲絲入扣。沙嗲牛肉麵個面煮得啱啱好，麵爽彈又夠香。牛肉亦鮮嫩有肉味，可惜偏鹹唔係太啱自己口味。多士用嘅麵包亦高質素，新鮮有麵香而且質感軟熟稠密。每次去茶記都令你諗起全世界最難食嘅係嘉頓麵包。奄列個樣好平淡，用料亦係，但係煮得夠香滑，雖然覺得油膩咗少少。食得幾開心於是試埋佢哋出名嘅蛋撻，結果中伏。個酥皮入口即溶令你覺得唔係食緊酥皮，咁樣好唔好就見仁見智。蛋漿略嫌太稀蛋味亦都唔夠濃，整體感覺係水汪汪得個甜字。如果就係咁嘅質素我以後都唔會再食。呢餐勝在夠氣氛，食物質素亦可以接受，除個好好賣嘅蛋撻之外整體來講相當唔錯。

中學時代開始黎食，都差不多18年前既事雖然住附近，但不是成日黎，因為早餐黎講比較貴（由$20食到而家差不多$40）每次必叫的特餐個人喜好，會轉炒雙蛋，因為不喜歡吃火腿。餐包通常都是比較凍的我的最愛，而家係香港都幾難再食到舊式冰室既沙嗲牛肉（以前長沙灣還有一間仲好食的，不過結業左都十幾年）這裡的麵通常比較硬身，岩晒我口味，湯是忌廉雞湯煮成（大多數舊式冰室湯底都係忌廉雞湯）沙嗲牛肉味道夠晒濃同入味，食落唔會好淋，好有口感，係份量少了一點，唔夠喉

茶餐廳最能夠感受到嘅係快！靚！正！豬先生係茶記粉絲 今日豬先生 豬小姐就尼到新華茶餐廳打躉捧場門口前放住兩個包櫃 裏面放住好幾種茶記必備嘅包款 例如菠蘿包 雞尾包 卷蛋 椰撻 蛋撻等等 懷舊風味出哂尼 都幾多街坊幫襯喎 唔講咁多啦 入去嘆番個茶餐先入到去岩岩好有張卡位唔洗等 新華有兩層嘅 地方幾大 都算闊落 比一般茶記算乾淨企理諗都唔洗諗 豬先生叫左個特餐 有沙嗲牛肉麵 火腿奄列同餐包 而豬小姐就叫左個米粉餐 特別在可以唔配米粉改配粉絲 有得揀粉絲係茶餐廳的確少見 一於就食榨茶肉絲粉絲啦 在茶記飲奶茶多奶是常識吧哈哈 再整番個蛋撻添落單後 好快香噴噴嘅酥皮蛋撻就到啦 熱辣辣夠哂鬆脆 蛋漿出哂煙 又香又滑 新鮮出爐果然唔同啲 五個半好抵食！飲啖奶茶濕濕口先 多奶奶茶真係無得頂 奶味重得尼香醇 唔會搶走哂茶味 紅茶底帶甘唔會有苦澀味 好正呀隔渣做得好 飲到底唔會有過量茶渣 抵讚我地認為茶餐廳嘅奶茶真係最有味道同風味架餐包無嘜特別 不過質感就幾軟熟嘅 火腿奄列幾大件 蛋就熟左啲啲 豬小姐比較喜歡有蛋汁流出尼嘅感覺 火腿絲幾足料 食落都唔算太油膩 加啲啲鹽係面食仲登登登登 到主菜沙嗲牛肉麵同榨

雖則現在胃納較全盛時期低,只是一碗豆腐花及四件煎豆腐也不能令我完全飽肚,半餓不飽之時仍在思考再吃什麼時,新華茶餐廳這名字就剛好出現眼前!傍晚六時多未到晚餐高峰時間,週末總是座無虛設的新華在這刻人客不多,在地下一層還有卡位之時,居高臨下的樓上就掛著休息牌了。 現今的新華感覺比幾年前的光猛,曾經有過的古老茶記氣氛絕對不多,客人一坐下熱茶餐具隨即送到,看似粗魯的阿哥侍應絕無待慢任何客人。心中雖已有選擇仍循例看看餐牌,絕不黏答答的餐牌裡有著新式茶記不會出現的食品如牛肉茶、鳳凰奶糊名字,多士西餅一欄中還有鮮忌廉蛋糕這名字!想當年在荃灣美而廉真的有件裝忌廉蛋糕吃的唷,在那些年仍流行有著粉紅色玫瑰花奶油蛋糕之時,感覺較輕盈的忌廉蛋糕相對是高級一點,並不像現在隨處可見的唷。在豬扒燴意粉及常餐中仍選了後者,這個街坊全日早餐總是有著魔力似的!只比澳牛慢一點的速度,熱奶茶先行送上,以有風霜痕跡的厚身杯盛載的熱奶茶有著少有的紅茶香,濃度連我這奶茶怪也覺得可以,花奶份量不輕使奶茶更為香滑,有著這水準的奶茶不加糖更可啖出其真味,管他已是快將七時的晚上,我還是要飲熱奶茶。 新華另一名物沙爹牛肉麵令人垂涎,水吧叔叔日

是日特意再到新華, 已好一陣子沒光顧了, 對這店的幾樣食物都印象深刻剛出爐的蛋撻, 超級香級的皮, 比內裡的蛋更為搶鏡, 當然蛋味是不差呢!牛油包沒有預熱, 是涼的, 稍為扣分, 但火腿奄列不錯, 由於不是全熟, 所以很滑, 火腿有很特別的香, 不像一般火腿, 不是是其牌子還是店有秘密呢!沙嗲汁不知為何那麼獨特, 的確帶點辣但很香, 在其他傳統冰室亦未必吃得到, 真是新華招牌! 整個麵的精華所在!超香滑及香濃的奶茶, 奶及茶比例之完美, 真是天衣無繨, 奶有奶香, 茶有茶香, 難得難得!超讚的一頓, 吃好東西不一定要昂貴, 簡中一試傳統美食, 都是一種享受! 侍應們有禮有效率, 讚!

上次食過金園,大讚。今日試埋新華。新華保留完完本本的冰室的枱櫈/環境,加分!食左份特餐、奶油多。特餐中的火腿奄列,蛋已煎熟透,沒有蛋汁,no good no good!沙嗲牛肉麵,沙嗲極濃!牛肉當然係腍啦!麵,沒有「大光麵」的”旱”口味,軟熟兼連沙嗲渺味,正!奶油多雖然係傳統薄切麵包,但即叫即烘,香脆到不得了!而且兩片多士,夾住奶油,比單片厚多士上查醬,來得好食!奶茶茶味好濃!略嫌奶多左D,不過對奶茶講究既老公,覺得這裡、金園、金華都是奶茶最好飲的地方。離開時,買件雞批$5。又係好食啊!裡面清楚的食到有火腿粒、蘑菇、雞肉。批皮乾爽不"立"口,食克唔覺膩滯。