榮記茶餐室

营业中

休息中

出名慈雲山榮記茶餐室 😋有冇人同我一樣咁鍾意食茶餐廳早餐嘅沙嗲牛公仔麵？😇 如果鍾意嘅話就一定唔可以錯過慈雲山嘅榮記茶餐室啦，之前成日見到有好多人推介佢嘅沙嗲牛肉麵😌黎到食午餐當然就要叫佢嘅沙嗲牛肉麵啦，見到隔離枱嗰個都叫呢啲就知一定好食！佢熱辣辣serve係個煲入邊，慢慢滾住佢好濃嘅沙嗲醬，超好食呀！同埋好大碟😂 佢另外都推介芝士撈丁🧀 可以配雞扒豬扒或者牛扒等等，不過食完一定要配番杯凍飲🥤

同朋友行完山，啱啱經過慈雲山，你試吓依間好出名嘅沙嗲牛肉麵。果然……名不虛傳！個湯汁沙嗲味超濃郁，又有幾粒豆卜做伴碟，總之好食到唔識得形容。但價錢確實略貴，如果平番啲我諗會更吸引。但整體我會比10分同埋依度服務非常之好，員工非常體貼。因為其中一個朋友着白色衫，佢即刻問佢需唔需要俾個口水肩佢。好似日本食拉麵咁有個口水肩俾你擋住啲湯汁，唔使整污糟件衫。唔會好似一啲好出名嘅餐廳咁態度差趕客

終於嚟咗榮記食沙嗲麵，聽講食完人人都讚不絕口！當晚我地到咗餐廳全場滿座需要搭枱，個晚我地唔算太餓，但山長水遠嚟到慈雲山點都要試下呢到既名物。見到對面兩位少女叫咗一人一煲好杰好杰既沙嗲麵但最後食唔哂，我同男朋友就決定叫一個小菜同一個沙嗲麵就夠。跟小菜送既例湯飲落唔太濃味又清甜似無落味精我叫嘅蒜蓉炒油麥菜，正常水準無話好食定唔好食。主角終於嚟到！一上枱成個煲都係滾燙仲煮緊，個麵仲係生麵，當下望到覺得個湯唔算杰。食落花生味重，濃濃沙嗲味，極重口味。後來點知愈食愈杰，個麵索哂啲湯，一路食一路覺得開始有啲滯事後得地好覺得好彩我地兩個人叫一個沙嗲share，因為如果一人一個一定會食唔哂，除非你好鍾意好鍾意食沙嗲。其實呢個沙嗲煲既噱頭好好，幾得意，可以一試，但真係試一試體驗下就夠，下次再嚟食我地未必會再食沙嗲題外話：餐廳好細心，如果食沙嗲麵怕彈污糟衫餐廳可以提供小圍裙比客人。

呢排不停見人post 沙嗲牛肉煲仔麵，今日lunch專登去慈雲山試一試，13:15去到坐到出門口，好彩等了15分鐘左右，有位坐底，坐底望望四週，何其壯觀全場都食緊沙嗲煲仔麵，我當然都叫。沙嗲牛肉公仔麵$68⭐️⭐️⭐️⭐️ 沙嗲味好濃，小小辣，好香好味，麵就硬左d.牛肉好滑有牛味👍🏻，食到一半麵吸了沙嗲汁更美味。沙嗲豬扒公仔麵$68豬扒正常.但沙嗲都係牛肉襯d.榮記17:00後有煲仔飯有機會要再試下回味之數⭐️⭐️⭐️⭐️

由於老婆想試，老公必定帶佢去食到既使命，就去左榮記食聲稱自行再調配既沙嗲牛肉面，睇佢宣傳片，嘩，煮法係好正確，麵同沙嗲分開煮，攪掂再放埋一齊就上得，好，就會一會呢個好似好勁而且前個排社交平台幾個人講好食到飛天既沙嗲牛肉麵，(利申：本人多年前由一入茶餐廳早餐就一定叫沙嗲牛肉麵到改成近幾年多數只叫火腿通)，人人口味唔同，沙嗲我就一般，不過佢係濃同傑身，味道夾牛肉都幾好，牛肉就淋，呢兩方面就無乜問題，問題出係出前一丁度，價錢68蚊唔包野飲，個麵食落漿口，嗱，我就好鐘意食出前一丁，出前一丁就煮好個麵先，再另外放落一碗新既滾水度，料包就加先加後無所謂，我就鐘意食彈牙，煮一個出前一丁，一係起骨，一係彈牙，一係淋，佢個做法係起骨做法，煮唔熟，再用滾既沙嗲焗熟佢，大家都試過煮完個麵既水係帶白色，其實就係將佢表面既野清左佢，但佢既做法變左將表面既野一齊食埋，就攪到個麵漿口，浪費左個麵，其實佢可能用普通叫貨既咩大×麵啊，可能仲好，街方生意其實可以平返d, 而家經濟唔太好， 呢個價錢進取過龍，不過我就唔會再試，可能食粉絲好食d, 呢煲野我比50分個沙嗲同牛肉，不過沙嗲在我而言都係落多少少沙嗲加多少少花生就做