Top Blade Steak Lab (希慎道)

营业中

休息中

平時喺香港食扒，多數都係食西冷/肉眼扒，無咩其他選擇，唔知大家有冇食過flat iron呢？原來係指「牛肩膊」係全隻牛第二最嫩滑架～ 我就喺倫敦食過，真係好好食！香港好少地方有得食，今次就黎到呢間係銅鑼灣既扒房食靚扒🤤💓 「美國390日榖飼Prime級平鐵牛扒」390日聽落已經好吸引，店員建議我哋食三成熟，平時我都唔敢食咁生，不過佢推介到就一於試吓🤪 三成熟，塊肉呈現好靚既粉嫩色，食落去好juicy，啲肉汁完全鎖住，咬落去好軟腍，一啲都唔銀，仲牛味勁重，好耐無食過咁高質既牛扒喇😭圖二係「黑桃black jack平鐵牛扒」好香，個汁有濃烈既黑桃味，甜甜既香桃配上鹹鹹地既牛扒，好特別，第一次食咁既組合！😍另外，跟餐每人都有一個沙律，都幾有誠意，有好多藜麥，好健康，即刻balance番個牛扒😍 餐湯，蕃茄羅宋湯都好濃郁，好好味👅 另一個重點：薯條係任fill，新鮮炸好脆卜卜🥰我地仲叫左兩杯飲品，分別係lemonade同dirty lemonade。鋪頭嘅lemonade都係自家製，好有誠意，飲落去酸酸甜甜，好有層次感，dirty既意思係加咗酒精，更加有特色！🤣如果大家想食下flat iron

臨近生日，點都要抽Ｄ時間同Chicken好好慶祝，因為大家都係巨蟹寶寶，相差三日之隔，所以年年都一齊慶祝ｘｄ最後，我地搵左間期待已久既扒房～夜晚７：３０左右入座，己經坐滿一半人，裝修風格偏時代風，有別於一般扒房既果份嚴肅。每人嗌左份扒，加左一份前菜，前菜包括沙律，餐湯，食番少少黑醋沙律開開胃先ＸＤ是日餐湯係南瓜湯，口感軟稔，每啖都充滿陣陣南瓜蓉，比想像中高分～呢到除左最吸引既牛扒外，另外一樣令人目不轉睛既就係薯條任食！見到呢四隻字真係額外有魅力，因為我地都係薯條控！！！薯條新鮮即炸，每隔一個時段店員就會問客人要唔要再加薯條，佢地既薯條係用新鮮薯仔製成，絕非Ｍ記薯條可相比，每條都香脆好食，近距離睇仲會見到薯仔皮～美國390日谷飼Prime級steak ，嗌左店員推薦既三成熟，肉質採用390日長谷飼牛，口感肉嫩多汁，油脂香味均勻配上充滿奶油香既薯蓉，為牛扒增添色彩。客席主廚平鐵牛扒，嗌左五成熟，以慢煮方法烹制，嫩稔香濃，牛味濃郁，每啖都充滿幸福感～～bliss 冷壓蘋果伯爵茶，清新蘋果味加上感感伯爵茶，我好中意！

平日晚上第一次來到銅鑼灣希慎道抵食夾大件的扒房 <Top Blade Steak Lab>！ 趁復活節假期第二次幫襯！平日晚上，當我一入座，女店員即時告訴我，享餐時間75分鐘！ 簡約型格的裝潢！桌上的餐具沒有水漬，衛生程度令人滿意！主菜款式貴精不貴多！+$48 配沙律及餐湯，特別在於薯條任食，不時會有店員走過來添加新鮮炸好的薯條，配上茄汁，真是最佳拍檔！冷壓蘋果百爵茶 $35這是品牌 bliss，入口帶冰涼，酸甜中略有茶味，口味清新！真 Dirty 檸檬特飲 $70加入威士忌及檸檬乾，攪拌後，味道酸得來幾獨特！甘筍湯 +$48甘筍湯質感濃稠，味道甜美而不膩！周打蜆湯 連喜歡濃口味的朋友也嫌鹹！藜麥沙律 沙律缺乏醬汁！勝在除了新鮮爽脆的沙律菜之外，還有纖維高的藜麥！西班牙栗飼豬鞍架 $160當店員送上豬鞍架，認真大件！百多元的確抵食！豬扒抵食夾大件！ 烹調至15分鐘，散發肉香，肉質柔軟多汁，加入洋蔥及紅燈籠椒絲的醬汁，鹹中帶甜幾惹味！美國390日谷飼 Prime 級平鐵牛扒 $268要求7成熟！牛扒肉味濃厚！ 相對醬汁可能是由牛肉熬製出來的，入口不夠突出！Daily sp

環境4分：門面有D日式，入面D畫就西洋得好新潮，樓面幾高，爆場唔算嘈，可以畀四分。衛生4分：地方，枱面，餐具好乾淨，一樣四分。服務5分： 服務員快手快腳，唔囉唆，添薯條速度非常之快同密，可以畀五分。味道5分：1)      任食薯條幼身鬆脆，好好食。2)      忌廉蘑菇湯味道好香濃，但就唔會話好杰果隻，好light。3)      沙律菜分量都算足，清新爽口，沙律汁又唔會太酸，可以中和任食薯條嘅飽肚感。4)      美國390日谷飼Prime 級平鐵牛扒，推介medium rare。一上枱時見到D肉都算紅，但食落又冇血淋淋嘅感覺，塊牛扒好嫩滑同埋好淋。服務員真係冇介紹錯，全場最貴，但真係物有所值，絕對畀五分。抵食5分：268蚊有塊咁靚嘅牛扒同埋任食薯條，雖然地方冇酒店五星級扒房咁靚，但係服務員同食物絕對比得上，絕對成為鋸扒首選！

今日朋友帶小妹去食牛扒, 話岩哂小妹呢個食肉獸 地點係銅鑼灣, 平時行過都唔覺眼有呢間小店平日既晚上都爆滿, 好彩等左10 分鍾左右就有位因為係小店, 枱與枱都比較CLOSE一坐底, 店員就好細心咁講解, 話佢地係用一隻牛flat iron既部分, 所以會冇咁油膩 MENU 有3 款牛扒, 仲有1款豬同1 款漢堡小妹梗係揀牛扒LA 仲有一個特別之處就係薯條任食!!! 店員仲會不停問你洗唔洗添食, 好貼心 呢個薯條超驚喜, 外脆內軟, 仲要係新鮮整起 甘筍湯& 沙律 ($48): 甘筍湯味道濃郁, 飲完一碗想再ENCORE 沙律就比較普通Guest chef's flat iron steak($188): 呢個佢推介食medium, 上枱提我地要順紋切, 煮得剛剛好, 肉質好淋, 正 Usda prime 390days grain feed flat iron(268):  呢隻佢建議係medium rare, 呢塊扒肉味更濃,  連薯蓉都好正 Dirty Lemon Tea($40): 正正常常 Virgin Mojito($48): 呢款係冇洒精既, 入口感覺清新, 小妹比較偏好

朋友補祝我生日，我又想食牛、又想飲酒，但又唔想食太貴，搵下搵下，就揀左呢度喇！地點雖然唔太近地鐵站，但都算易搵，係利園附近，而鋪頭門口都幾清新，其實唔多似食牛排的地方，反而似Cafe，鋪頭細細咁，可能新開，未太多人知，所以就未好多人。店員會介紹menu上面的牛扒有咩分別，每一個價錢的分別係咩，佢有份朱古力牛扒，限量發售，果時淨返五份，價錢298，但我地覺得貴左少少，所以都係揀返188，根據店員講都係多汁的，medium會係最好，所以我地都揀medium!另外薯條係免費refill，對於薯條控黎講一定好吸引！咁岩今日like同share FB加20蚊有酒，所以我地都做左呢個動作！我地都加左沙律同湯，其實比較普通，唔突出。薯條就好多，見到你差唔多食曬就會加，薯條有黑松露味架！唔係淨得食薯仔咁！呢樣有surprise!我都加左3 round!!主角牛扒登場，又真係幾juicy，切開入面係紅紅地，所以一定唔會over cooked!牛係幾有牛味！值得encore!