百利冰室

营业中

休息中

百利冰室開業於1960至70年間，現址是搬遷後的舖位，坐櫃位的相信是已故老闆的女兒，她的年纪亦50開外了，開業之初太安樓對開仍是海邊，由西去東只靠電車，當時的茶餐廳非常大衆化，記得百利也很旺塲。今日一早行完龍躍徑，從大浪西乘小巴到筲箕灣落車行去百利，疫情期間他只做外賣，今日開始有堂食。十一點了，店前仍有十數人排緊隊，拿了飛仔等15分鐘上下，可坐下了。店内裝修一般，顧客大多數是街坊。叫咗個$38常餐，有火腿通粉、西煎雙蛋、餐包和奶茶。通粉算大碟，夠熱湯底清甜，加些pepper更添風味，對於我這個爱吃清淡的人來說非常適合，份量之多可當為午餐👍餐包形狀看似偏大，可能放久了有點乾，好彩看見櫃位前的沙翁蛋球，買了一個做外賣，喝杯红茶，吃件沙翁，冇得顶，沙翁表面舖上一層薄薄的沙糖，蛋香皮脆内軟，因為製作複習，需時又長，現時的港店已很少製做了👍其他煎蛋和奶茶都製作認真，奶茶味濃奶滑，夠熱可口。大部份伙計都是上了年纪的姐姐，招呼殷勤不會高聲呼呼喝喝，也不會催促下單，比一般茶餐廳好，價錢又冇因疫情轉好而加價。

次次經過呢間冰室都見到有人喺門口等位同等外賣，好受街坊歡迎。門口玻璃櫃裝住呢間冰室嘅名物-沙翁，聽講係每日限量供應賣完就無，太晏嚟會賣晒。特餐包括火腿奄列、餐包同餐肉通粉。火腿奄列有好多火腿絲餐包中間已經搽咗牛油，但就無翻熱，如果翻熱咗會好味啲。葡汁豬扒意粉一上枱就聞到好香葡汁味豬扒煎得好香口感鬆軟。葡汁包住每條意粉，意粉有預先炒過帶點鑊氣，有驚喜茄汁豬扒意粉賣相好靚，茄汁有鮮茄，茄味濃郁但唔會太重口味，撈埋意粉食好好味呢度嘅名物係沙翁，而家好少地方食到。本身以為沙翁只係球形嘅冬甩，但原來口感完全唔同。沙翁表面沾滿砂糖，食落蛋黃味香濃，內裡有氣孔，口感帶點嫩滑軟綿綿。但因為唔係新鮮出爐，所以已經凍咗，外殼亦無鬆脆口感，可能外賣返屋企用氣炸鍋翻熱會更加好味總括嚟講豬扒意粉好好味，而且份量大。奶茶亦好高質，難怪咁受街坊歡迎。

沙翁（$10）賣相：🐧🐧🐧🐧🐧味道：🐧🐧🐧🐧沙翁尺寸比我的拳頭還要大。外表金黃香脆，內裡軟嫩夾心層佔一半以上，不會空蕩蕩。砂糖量足，平均地沾滿整個沙翁，非常吸引。沙翁外皮香脆不會過油，內裡嫩滑軟綿，蛋味十足，搭配砂糖甜度剛好。唯一扣分點，沙翁已冷卻一段時間，不夠新鮮熱騰。茶餐 ($38)(1)火腿麵（+$3）賣相：🐧🐧🐧味道：🐧🐧🐧公仔麵質感偏軟，略嫌不夠彈牙。正常麻油麵湯底，不會過鹹。火腿絲量頗多，送麵一流。(2) 牛油餐包、炒蛋賣相：🐧🐧🐧味道：🐧🐧🐧牛油餐包並未加熱，冷冰冰的外皮略硬。内裡麵包實心，不算太乾太硬。牛油量剛好，不會過膩。炒蛋即叫即炒熱辣辣，炒蛋大大塊，蛋味足，可惜太薄身欠軟嫩。(3) 奶茶賣相：🐧🐧🐧🐧🐧味道：🐧🐧🐧🐧🐧奶茶以黑白奶茶杯盛載，色澤金黃，質感細滑，陣陣茶香非常誘人。奶茶入口滑而不澀，茶香味濃，令人再三回味。座位輪候時間：🐧🐧🐧🐧🐧平日上午9點幾，不需輪候能直接入座。環境：🐧🐧🐧🐧經典懷舊茶餐廳裝潢，整齊清潔，走廊位置寬闊。大型卡位多人時需要搭位，搭位形式並非平常的2人一邊，而是打對面坐。這導致坐內側人士出入時，需要外側陌生人讓位，有點不便。座位桌面位置

沙翁 (冰花蛋球) $10一個買少見少的傳統小食我會話係港式Donut但比西式更好味 這裡的沙翁簡直是XXL 大過我拳頭👊🏻沒有餡令令口感更鬆化 蛋味亦份外香濃突出外面炸至金黃再沾滿砂糖添加額外脆感同甜味可惜當日非新鮮出爐 攤凍左所以冇咁好食但依然鬆脆既 難得見到無理由唔食姐鹹牛肉蛋治烘底 $38 (配熱飲)又係我的茶餐廳必食之選 熱辣辣新鮮即叫即整 打開時餡料仲冒煙架 多士都算烘得脆鹹牛肉有炒香 味道突出 炒蛋都幾香滑蛋牛治控表示滿意😌

呢問舊式茶餐廳冇做夜市嘅，6點就閂鋪，次次11點黎到都要排隊嘅，最耐果次排左40分鐘，今次星期六好好彩只係排左10分鐘就有位啦。呢度最好食係通粉，奶茶都好飲，但我鍾意飲樽裝鮮奶同朱古力奶，所以我會叫常餐或者特餐，再加2蚊要凍鮮奶今日叫左特餐，餐肉通粉+火腿奄列+多士(+$1)+熱鮮奶 (加熱係要+5蚊) 呢度出餐好快，全部野都夠晒熱餐肉通粉，湯底係用金寶雞湯整嘅，夠味，通粉煮得啱啱好，啱會太淋或太硬火腿奄列，蛋好滑個餐都大份，我其實係食唔晒架Lunch 都唔洗食，飽晒😋不過最後都忍唔住買個沙翁留返tea time食沙翁都幾好食，成日都賣晒架

永遠門庭若市人山人海、職員制服背脊大大隻字印住常餐餐牌、老闆出錢出力幫員工渡過難關、收六點為咗令員工可以有家庭生活--百利回家好......百利嘅傳奇故事總係源源不絕外賣沙翁做散水沙翁，七蚊一個，大過拳頭。六個有盒。好鬆軟，有蛋香，無臭油味，好多砂糖。雖然超煩忙，但員工們仲係非常有禮貌，果然有好老闆就有好員工。

這位於西灣河的老牌冰室已光顧多年, 給電視介紹過後太多遊客, 弄到很久沒去, 今天剛好去西灣河買餸, 試吓和它再續前緣茶杯靚左, 但茶味冇變, 多左特色沙翁差左d, 油左少少茄汁雞絲意粉 : 充滿老香港的味道, 酸得開胃, 意粉亦用茄汁兜過, 正炸雞脾意粉 : 這個炸雞脾經常一早賣哂, 識食一定食這個, 充滿南乳香味, 已經冇乜地方食到這種老香港式中西合璧的味道, 興幸這冰室能維持這老味道

「一日之計在於晨」, 一個星期的好開始當然在於一個美味的午餐! 一星期普遍都帶4日飯的我, 通常都是開心星期五先外出午餐, 不過今個星期一有事做所以就懶得帶飯盒, 早上openrice左一輪就約同事去食飯! 一向都幾中意食茶餐廳套餐, 有碗熱辣辣既粉麵+炒蛋麵包, 食得飽又有香港特色! 所以今日我叫左特餐食! $27有餐肉通粉(轉麵要加錢), 火腿奄列+餐包, 仲有飲品~餐肉通粉有2塊餐肉係通粉下面, 湯的味道有少少咸不過唔會好味精, 通粉煮得不錯, 軟硬剛剛好! 餐肉雖然不厚, 不過味道適中!火腿奄列炒得幾香! 蛋都是剛熟, 滑嫩的蛋包住火腿口感不錯! 餐包略嫌唔夠熱, 不過配炒蛋一齊食就OK!其實我地2人仲叫左個咖央多士黎試! 不過唔記得影相, 其實都係普通多士樣 中間塗左層幾厚的黃色咖央醬, 甜甜地再加脆卜卜的多士, 好味!因為沙翁好出名, 所以臨走都買左返公司當下午茶食! 倨沙翁仲大過我拳頭, 外層甜絲絲脆卜卜, 內裡軟綿綿又鬆化! 果然不錯! 只係幾大個食到好飽~見到其他人都會點午餐食, 而且又係抵食夾大份喎! 可惜去呢到要坐4個叮叮站先到, 下次有時間都可以再食!