米走雞Deluxe (已搬遷) 新店位置

之前係太子食過米走雞，覺得芝士雞煲好正，今日行開銅鑼灣亦有分店，就決定再去吃。一坐下，我們便即點了一個雞煲。睇住芝士在煲內慢慢溶化，口水快要滴下來了。芝士濃郁，每一件雞都沾滿了芝士，非常邪惡。煲內有大量洋蔥，店家選用的全是雞髀🍗肉，食起上嚟啖啖肉，正！水餃大大粒，脹卜卜，新鮮豬肉，彈牙鮮蝦，再有木耳絲，餡料豐富，食落爽口彈牙，鮮味十足。牛柏葉大大塊，再蘸上䜴油和鮮磨蒜蓉，唔係蒜粒，蒜味特香特濃，好滋味蔬菜翠綠新鮮，爽口清甜。這個挺特別，墨魚滑釀竹笙，口感又爽又彈，好食。魚片份量足，新鮮，魚肉爽脆。打邊爐熱辣辣，又點少得了一枝冰凍啤酒呢🍻

開始天氣入涼，打邊爐一定最好不過～一入到去睇個menu其實款款都好想叫，種種都好吸引,但因為天氣涼涼地既關係都係叫左個藥膳美人鍋，補一補。值得一讚嘅係火鍋材料竟然可以半份半份叫，就算兩個人食都可以叫多幾種食不同既食物，最岩我呢d每樣都想食小小嘅人👍🏻職員一開始都攞左D調味醬料豉油比我地,可以先調教定自己要既醬汁口味,有齊曬火鍋要用既用料👍🏻一開始黎左個藥膳美人鍋已經飄出陣陣好濃既香味，呢種天氣再飲呢種濃濃既藥膳湯更加會想一口接一口，跟住佢叫我地飲住個湯先。職員都好細心比定個衫套幫朋友套住左件衫等佢唔洗整污糟，呢個舉動好貼心。再上左個開胃紫薑流心皮蛋，平時出面好小紫薑配皮蛋，幾特別，係開左個胃就開始上其他火鍋配料～樣樣望上去都好新鮮。五香鮮牛肉我非常推介一定要叫！好耐未食過呢種入口即溶又有牛味既鮮牛肉，我食完馬上心心眼望住我個朋友，兩個都非常享受呢個鮮牛肉。蟹子鮮蝦滑絕對唔馬虎，好小可見到咁足料，每一羹蝦滑都非常多蝦係入面。而且蝦滑非常爽口，彈牙。鵝腸洗得非常乾淨，入口爽👍🏻油麥菜同紅薯粉配藥膳湯好入味～對於整體全晚既全部食物我非常滿意，會再同屋企人或者朋友再來吃，再吃多次這個藥膳美人鍋

最近心情太差，懶理脂肪囤積，盡地一鋪吃鷄煲要釋放當然要坐得舒適！華麗版米走雞全是寬闊的卡座店員先奉上醬料讓我們自由配搭因為不吃芝士的關係，點了火焰麻辣鷄煲！大火煮沸後店員為我們開蓋兼點火，火光熊熊，嚇得拍照的我立刻退後，炒香後，侍應再加入麻辣濃湯，待再次沸騰就可以吃！估不到小份也份量十足，而且所有雞件都是厚肉的雞腿斬件吃完雞後就加湯吃配料！Wasabi 鮮墨丸一咬下芥末味道撲鼻而來，充滿墨魚香，爽口彈牙鮮蝦雲吞一份有八粒，而且每粒都脹卜卜，有幾隻鮮蝦，餡料十足翡翠苗味道清新，纎維質豐富油麥菜沒苦味，反而有清香甜味火鍋良伴竹庶茅根味道清甜、清熱下火

天氣凍凍哋, 又到咗打甂爐嘅好時間. 今次選擇咗雞煲+甂爐.一來就先叫咗個<<黃金芝士雞煲(小)>>一大盤雞件, 加上滿滿嘅芝士粒,未食已經聞到濃郁嘅芝士香味!!等到芝士熔哂就食得. 真係啖啖芝士啖啖雞!! 雞脾肉嫩滑, 芝士拉絲, 仲食得出起碼有兩款不同嘅芝士, 就連洋蔥都好食! 不得不讚服務員, 會主動換骨碟, 又會幫手睇火怕你燶. 食哂雞件就會幫你加湯, 有芝士湯同清湯揀, 準備打甂爐啦.先睇醬料: 莞茜、蔥、生蒜、芝麻、辣椒同熟蒜, 任君選擇.<<手打五寶拼盤>>五款丸, 好大粒. 個人特別鍾意墨魚丸同蝦丸!!<<廣島蠔>>隻隻肥美有鮮味, 打甂爐一流!!  蔬菜我選擇咗油麥菜同生菜, 夠爽口, 夠新鮮! 再飲勝埋罐可樂, 真係飲飽食醉暖笠笠 !! 

星期六八點行完書展，即興想食雞煲，經朋友介紹就打電話去問話八點半有位就去咗食啦。間餐廳都易搵，環境好過一般雞煲舖，耐何我地坐既位成日都俾條柱遮住，啲伙計成日都睇唔到我地嗌🤦🏽‍♀️ 廢事煩我地就加湯都係自己黎講返隻雞先，個芝士雞煲可以揀普通/極量芝士，我地怕太膩就揀咗普通，普通已經好好食！好有芝味但又唔會太膩，啲雞都算滑同多肉，唔會剩係俾啲骨你，食到最後發現好多洋蔥，不過啲配料洋蔥都好食👍🏻😂。我地之後仲嗌咗個公仔麵諗住煮芝士撈麵食，但發現唔係太可行，因為個湯太水😂 下次要食都係要嗌返極量芝士。因為我地係四個人既關係，我地仲嗌咗個細既辣雞煲（提外話，我地芝士雞都係嗌細），因為朋友唔係好食得辣就嗌咗半隻辣椒。個煲一黎到先知原來佢會點火整啲火焰俾你睇😂，都幾驚喜，因為我地唔知有呢樣野😂 因為係半隻辣椒既關係，唔係好辣（我覺得冇咩辣味，因為本人食得辣），麻麻地，下次再黎應該剩係會嗌芝士雞。我地四個女仔，其實食完兩個細雞煲已經飽飽地，好彩我地嗌既配料都係菜呀菇呀個啲，都叫食得晒。嗌咗一jar野飲，最後埋單都係700頭，每人二ma蚊都唔洗，都幾抵食，會再返兜👍🏻😋

環境4分：雞鍋店好多卡位，唔會坐得過迫，Ｄ櫈厚得都幾好坐，可以畀四分。衛生4分：地方都叫整齊，獨立電爐最安全，有齊乾濕紙巾都幾衛生，四分。服務5分：樓面伙計熟手又爽手，態度好又會教路點食芝士雞煲，仲不時會添加紙巾，畀硬滿分。味道5分：1)      個黃金芝士雞煲呢可以自選芝士碎份量，多少同價就梗係要激量。睇住Ｄ芝士滾到溶曬就食得。入面Ｄ洋蔥又爽又多汁，Ｄ雞件有白肉同黑肉，Ｄ肉大大舊都好滑好嫩，有兩款芝士互相配合，食起上嚟同啲雞好夾，真係濃郁而不膩！2)      食完Ｄ雞加湯就變做打邊爐，個芝士湯底真係幾得。3)      打邊爐Ｄ生菜同油麥菜又爽又脆。4)      慢慢食個芝士雞煲結果隊左八支青島。抵食5分：一個細芝士雞煲可以食到三四個人，二百蚊唔使已經夠飽肚，打邊爐嚟講呢廿幾蚊支大啤唔算貴，抵食可以畀五分。

上星期四去咗上次去長沙灣好好食嘅火鍋店道係銅鑼灣嘅分店食，因為上次覺得好好食。今次我哋都係叫咗特色火鍋-火焰麻辣雞煲，因為佢哋呢個麻辣雞煲都好有特色。首先佢哋要煮滾咗個雞煲，跟住點火落啲雞度，好似用明火咁樣燒下燒下跟住再落啲辣汁落去煮煲等多一陣。嗰啲麻辣雞香味就已經係一震震咁樣一漂入我個鼻嗰度啦。其實我已經急不及待想食架啦。但係個服務員叫我地等多陣，因為啲雞未熟晒。等咗一陣服務員一打開嗰個蓋，我就即刻夾咗嚟食啦。其實個雞都幾滑，唔錯。同埋佢嗰個麻辣醬汁我覺得真係幾香濃架，好味。總括嚟講呢間鋪頭個環境都長沙灣果間一樣都唔錯又乾淨又光猛。啲服務員態度都和藹可親。以下就係我地叫嘅嘢食：高山雲耳青瓜$48-呢個前個汁調得剛剛好，有蒜味又酸酸地好開胃。雲耳同青瓜都好爽囗同甜。鮮製韮菜餃$88 -呢個韮菜餃，都係皮薄餡靚，非常之新鮮同好食。因為d韭菜又香又甜，正到爆！手切新鮮牛頸脊（小）$208-個牛頸脊切得薄薄地，又香牛肉味，最緊係個湯到煮一煮之後，啲牛肉加埋啲麻辣味，真係非常正，因為牛頸脊都ok滑。油麥菜（半份）$22-啲油麥菜都非常之新鮮同脆。兩個人食就啱啱好啦。鮮炸響鈴$48-呢個自家製嘅

同朋友來到渣甸中心，望住眼花繚亂嘅選擇，最後決定食米走雞！落大雨淋濕全身，都係食雞煲最暖身。坐低後店員很快就捧上調味醬盤，有蔥、辣椒、生蒜、熟蒜、芝麻等配料。我們選擇了二至三人份量的芝士雞煲，因為太愛芝士就選擇了激量，來到的時候有點被嚇到了。芝士份量十分多完全遮蓋了煲面，等了10分鐘，雞煲滾了芝士溶了，而且香味十足，每件雞件都被芝士包圍着！放入口芝士味濃郁雞件都頗嫩滑，我們兩人分別吃了七、八舊雞已經飽了，所以都沒胃口再吃其他肉類，只點了蔬菜、雜菌等配料。見到蜂巢豆腐個名咁特別，點了半份試試，原來是雪到結冰的豆腐！好過癮，而且用了較長時間淥，所有湯底精華都被吸盡！入口爆哂芝士濃湯，好滿足！手打墨魚丸又係要必試！夠爽口彈牙，有咬口真係好重要架！其他蔬菜、雜菌、豆卜處理得幾衛生，打邊爐最怕菜有沙有蟲的！而且菜可以半份半份點，不怕浪費。下次再試要叫多幾個朋友，雖然細雞煲係2-3人量，但其實4人食都夠，希望下次再黎可以食到肥牛啦！