斯慕奇 (已結業)

經過西洋菜南街，聞到陣陣香味撲鼻而來，發現這裡有一家新開的小食店！香香的泡芙味惹起我的好奇心，行前一看，原來這間賣的不是普通的泡芙，而是法式臻品奶脆棒！你可能會問，什麼是法式臻品奶脆棒？這就是那長條狀的酥皮脆條，中間會有濃郁奶香的吉士醬！小編我看到後覺得很吸引，而且現在有新店優惠，各口味都相約平便大概10元，就決定買下來慢慢品嚐了！我光顧那時，法式臻品奶脆棒有兩種口味，分別是：原味和抹茶味。聽朋人說，現在還多了草莓味呢！最後，我選擇了原味的，因為店鋪新開優惠，原價29元的法式臻品奶棒(原味)只要20元就能買到，不知道優惠價會到何時呢！法式臻品奶棒食落似泡芙，好脆口，外皮奶味超濃，涼涼的吉士醬口感香滑，天時熱食真的好正！因為是條狀的，吃的時候很方便，每一口都能平均吃到吉士醬和脆棒，味道不錯！整體來說，這家奶棒味道可口，推薦大家試吃喔！

同啲朋友為九月嘅花東之旅開「茶會」，晌旺角嘅上樓咖啡店食晏兼交待行程細節，因為店家嘅是日甜品只有普通嘅芝士餅一款，滿足唔到友人嘅喜好，所以，建議不如一齊試試一間主打法式泡芙棒嘅「Smuki 斯慕奇」，就晌兩個街口不遠處。嚟到門口，有3數個客正在排隊，排隊期間已傳來陣陣香氣，皆因所有泡芙棒都喺玩場即焗。現有兩款口味，分別喺原味及抹茶味，可能新張關係，試食價都喺廿零蚊一支，而後者售價會貴少評。不過，兩款口味夾埋買，又有啲優惠，平均$20支。泡芙棒正名叫法國臻品奶脆，個名夠晒華麗，簡單而言，就喺加入唔同味道吉士嘅長形泡芙棒。法國臻品奶脆（原味）$20由於泡芙棒都喺即場烘焗，見佢哋唔會一次做得太多，所以，入口都挺脆身，又富牛油香，而且，外觀又鋪滿杏仁粒，更添口感。棒內填滿清涼嘅原味吉士漿，順滑的嚟「涼朕朕」，好有蛋香，又唔似一貫法式甜品咁甜，整體不俗。法國臻品奶脆（抹茶味）$20對比原味，就喺用上抹茶味嘅吉士漿，但原來，就連條泡芙棒都有加入抹茶成份去做，所以，外表嘅色澤深啲，同埋有少少暗綠。入口同樣鬆脆，而吉士嘅抹茶味一啲唔弱，茶香中帶點甘，故此，我哋都較鍾意抹茶味。包裝紙後有食用提示，說明兩