斯慕奇 (已結業)

同啲朋友为九月嘅花东之旅开「茶会」，晌旺角嘅上楼咖啡店食晏兼交待行程细节，因为店家嘅是日甜品只有普通嘅芝士饼一款，满足唔到友人嘅喜好，所以，建议不如一齐试试一间主打法式泡芙棒嘅「Smuki 斯慕奇」，就晌两个街口不远处。嚟到门口，有3数个客正在排队，排队期间已传来阵阵香气，皆因所有泡芙棒都喺玩场即焗。现有两款口味，分别喺原味及抹茶味，可能新张关系，试食价都喺廿零蚊一支，而后者售价会贵少评。不过，两款口味夹埋买，又有啲优惠，平均$20支。泡芙棒正名叫法国臻品奶脆，个名够晒华丽，简单而言，就喺加入唔同味道吉士嘅长形泡芙棒。法国臻品奶脆（原味）$20由于泡芙棒都喺即场烘焗，见佢哋唔会一次做得太多，所以，入口都挺脆身，又富牛油香，而且，外观又铺满杏仁粒，更添口感。棒内填满清凉嘅原味吉士浆，顺滑的嚟「凉朕朕」，好有蛋香，又唔似一贯法式甜品咁甜，整体不俗。法国臻品奶脆（抹茶味）$20对比原味，就喺用上抹茶味嘅吉士浆，但原来，就连条泡芙棒都有加入抹茶成份去做，所以，外表嘅色泽深啲，同埋有少少暗绿。入口同样松脆，而吉士嘅抹茶味一啲唔弱，茶香中带点甘，故此，我哋都较钟意抹茶味。包装纸后有食用提示，说明两