影片
更多
2021-09-10
1027 浏览
Nonsense主打多款fusion菜式，有松葉蟹甲羅盛海鮮煲仔飯、軟殼蟹海鮮芝士咖喱鍋、香煎帶子蟹膏味噌risotto等等，亦有意粉扒類供選擇。實不相瞞，今次遠到而來其實係為咗每日新鮮製造嘅卷蛋！除左長駐嘅蝶豆花草莓、特濃伯爵茶、小山園抹茶，仲有每日限定嘅口味~▪️黑毛豬肋肉日式煲仔飯 $168煲仔飯舖滿黑毛豬肋肉、雜菌、爽口盧荀。豬肋肉厚厚一條帶咬口，肉味都幾濃，其油脂會滲透至米飯中。米飯粒粒分明有咬口，個底仲有香口飯焦！篤穿温泉蛋，拌匀蛋汁，淋埋甜甜地嘅醬汁，齋食飯都完全無問題。▪️避風塘日本小茄子 $68茄子一口size，軟腍多汁，裹滿炸蒜同辣椒，鹹鹹地帶微辣，惹味得來唔會太重口味。▪️雙重芝士蟹肉焗大啡菇 $63一切開芝士大啡菇，就會見到絲絲蟹肉。底下舖滿軟滑帶薯粒嘅薯蓉。多汁嘅大啡菇配上芝士蟹肉 基本上係不敗組合，略嫌整體調味偏淡，如果芝士更具鹹香 薯蓉更富奶香 蟹肉更為鮮甜就好啦。▪️黑松露白松露炸薯條 $82炸薯條份量十足，外脆內飽滿，唔會太油膩。松露醬又幾濃喎！▪️特濃伯爵茶日式卷蛋 $58厚切日式卷蛋 中間啲忌廉多到！蛋糕體濕潤，較一般嘅綿密。伯爵茶忌廉茶香濃郁，質地較為杰身
實不相瞞，今次遠到而來其實係為咗每日新鮮製造嘅卷蛋！除左長駐嘅蝶豆花草莓、特濃伯爵茶、小山園抹茶，仲有每日限定嘅口味~
▪️黑毛豬肋肉日式煲仔飯 $168
煲仔飯舖滿黑毛豬肋肉、雜菌、爽口盧荀。豬肋肉厚厚一條帶咬口，肉味都幾濃，其油脂會滲透至米飯中。米飯粒粒分明有咬口，個底仲有香口飯焦！
篤穿温泉蛋，拌匀蛋汁，淋埋甜甜地嘅醬汁，齋食飯都完全無問題。
▪️避風塘日本小茄子 $68
茄子一口size，軟腍多汁，裹滿炸蒜同辣椒，鹹鹹地帶微辣，惹味得來唔會太重口味。
▪️雙重芝士蟹肉焗大啡菇 $63
一切開芝士大啡菇，就會見到絲絲蟹肉。底下舖滿軟滑帶薯粒嘅薯蓉。多汁嘅大啡菇配上芝士蟹肉 基本上係不敗組合，略嫌整體調味偏淡，如果芝士更具鹹香 薯蓉更富奶香 蟹肉更為鮮甜就好啦。
▪️黑松露白松露炸薯條 $82
炸薯條份量十足，外脆內飽滿，唔會太油膩。松露醬又幾濃喎！
▪️特濃伯爵茶日式卷蛋 $58
厚切日式卷蛋 中間啲忌廉多到！蛋糕體濕潤，較一般嘅綿密。伯爵茶忌廉茶香濃郁，質地較為杰身但不失軟滑，甜度唔會太高，食晒成個都唔會覺得好甜膩。伯爵茶控表示滿意~
▪️玫瑰芋泥卷蛋 $58
是日精選卷蛋！卷蛋卷滿軟滑忌廉同芋泥，面頭仲擠有士多啤梨忌廉同好香嘅玫瑰花瓣。芋泥綿密保留左芋頭顆粒，略嫌甜度偏高 稍微掩蓋左天然芋頭香。士多啤梨忌廉毫不人工，酸酸甜甜，可以中和芋泥嘅甜度。不過甜度都係比茶味卷蛋高得多，螞蟻人可能會岩啲。
▪️法式焦糖布丁 +$12
呢個布丁值得加喎！焦糖薄脆金黃甘香，布丁滑溜富蛋香，甜度恰到好處。▪️Lychee Berry $58
當香甜荔枝撞上酸甜莓果，入口清新，充滿夏日氣息~
张贴
