錦麗 (創紀之城五期(apm))

营业中

休息中

不經不覺，越南牛肉粉老店「錦麗」都已經過江接近一年。湯頭幾香牛味，再落九層塔、鵝蒂、青檸汁，非常清爽。要注意係河粉上碟時係黏埋一餅，唔係未煮開，只係等大家食時先拉鬆佢，唔怕浸得太淋，幾細心。牛肉方面，個人比較鐘意生牛肉片。熟牛有少少un，而牛丸我覺得好似振興貨色，所以我寧願去振興買返屋企煮…所以相比綜合粉，我以後會選擇叫生牛河。牛油雞翼雖然賣相一般，但幾抵食，算皮脆肉嫩，牛油味同蒜味好香。小米糕係香港獨家小食，其實係粘米糕，上面淋左魚露、肉鬆、蔥花、花生碎。稍嫌魚露多左，整體上安南比較好味（但貴一倍）。

錦麗越南牛肉粉專門店自1970年越南胡志明市開業依家喺香港 觀塘同九龍灣都有分店之前聽朋友講佢啲嘢幾好味所以有一晚咁啱經過APM就去錦麗食個晚餐先繁忙時間需要排隊等候餐廳算係速食型 食完就會被收碗餐具唔會坐得耐嘅一種所以等位都算快等左十分鐘就有位依度馳名嘅越南河粉基本上湯底同河粉都一樣所以只係需要揀餸有牛丸/熟牛肉/生牛肉或者綜合咩都有第一次黎食梗係揀綜合可以試晒所有三款餸裏面牛丸最好味好有牛味又彈牙 超鍾意下次黎食一定會叫全牛丸粉食河粉前先飲左啖湯底幾濃郁嘅牛湯味配料例如九層塔等香菜丶芽菜會分開上自行添加小食類叫左蝦餅丶牛油雞翼丶春卷蝦餅有芫茜味 個人唔食芫茜所以就不太喜歡牛油雞翼炸得過火左春卷就正常飲品叫左推介嘅凍椰青崩大碗崩大碗係越南特式飲品可以清熱解毒崩大碗屬性寒涼 孕婦同體質弱都不易飲用我覺得味道好似飲緊D芹菜汁帶少少甜環境氣氛： ★★★☆☆食物質素： ★★★★☆服務態度： ★★★☆☆

本來偏愛食牛河的我，去完越南更對牛肉Phở念念不忘。得知觀塘APM開了家有Phở食的錦麗，當然當然是去試試！店位於四樓，空間不算大但裏面食客都坐得密密麻麻。店內除了用越南帽做燈飾就沒有其他能代表越南了每位客人枱上都放一隻裝著芽菜、香葉等預備放入Phở內，這更是無限量供應。三個人叫了一碗雜錦牛河、生牛河及兩份越式小食店員放低食物時態度真是有待改善。錦麗綜合粉有生牛肉、熟牛肉、牛丸湯頭偏甜，牛肉份量當然不能跟越南媲美，味道亦一般，牛丸的牛味極濃，最像樣是河粉了，但都偏腍小小。這個Phở不過不失吧。法式牛油蒜蓉雞翼一碟四件，炸得略脆，牛油味豐富反而蒜味不出，非常邪惡越式炸春卷以米紙包著木耳絲、甘筍絲等，用料正宗，配酸汁食非常開胃又減少熱氣感是日APM店本來寫兩點關門個最後因爲湯底沾清，所以提早關門。真係人人愛食Phở👅

創立於1970年的錦麗於今年2月登陸觀塘apm，當時錦麗給窩夫與蝦子餅的印象是長龍和負評不少，一直沒有機會光顧，近日窩夫與蝦子餅終於試了這間來自越南胡志明市的著名牛肉粉店。某星期一晚上約8時40分左右到達錦麗，還是要排隊等位，等了一會，後面多來了兩個人，店員便截龍，並換上「多謝支持！」的牌通知大家當日的牛肉粉已經售罄，窩夫與蝦子餅有點運氣才可以吃到呢。窩夫與蝦子餅一人點了一碗錦麗綜合粉($62)，一次過試勻生牛肉、熟牛肉和牛丸。牛湯看來很清但味道非常濃郁，嚐過一口湯後將九層塔等香葉、青檸汁和芽菜放進碗中，拌勻後粉連粉同吃，非常滋味。窩夫與蝦子餅沒有去過越南吃最正宗的牛肉粉，不知道最地道的味道是怎樣，只知道這碗錦麗綜合粉叫窩夫與蝦子餅感到很滿意。除了錦麗專心做好的牛肉粉，窩夫與蝦子餅還點了兩款小食。炸手作蝦餅($38)一客有兩件，每件再一開二，帶有蝦的鮮味且口感彈牙，水準不錯。法式牛油蒜蓉雞翼($34) 一客有四隻，炸得十分香脆，有牛油的香味，但稍嫌蒜蓉份量不夠。

APM有唔少美食餐廳，天氣開始熱，想食點濕口食物，所以選了越南粉。看過門面就知有唔少人食，但小弟今次早到，唔駛等，但要搭枱（必須）。先來是小食米紙卷，蝦就唔爽，但點醬汁食都算OK的。主菜其實得三種，生牛，熟牛，牛丸三樣互相配搭，小弟見意一係牛丸，一係綜合，因為只有牛丸好食，有牛味，生熟牛有點老。雖然主菜得牛丸見得人，但這牛油雞翼卻十分野味，牛油香加上點點蒜蓉味的炸雞翼，是不怕肥的各位必食小食。普通蔗汁，無野講。結帳214元，兩人兩粉兩小食兩飲品，中價。枱上一早準備香葉牙菜，越南粉上有大量蔥，唔喜歡的可以走青，雖然小弟忘了。牛湯底清而有牛味，但總感覺到有少少芫茜味。無二人枱，兩個人必須搭枱是一個問題，位置唔算寬敞，上菜時間一般，總之早食完早點走。整體感覺一般。

每次經過呢間越南粉都排哂隊，我又帶住小朋友排好耐隊係無可能既事。今日6點無人排隊就試下，有bb櫈供。熟牛肉粉唔係牛肉係牛腩，湯好濃牛腩好淋河粉好滑法式牛油蒜蓉雞翼，炸完入面既雞肉仲好juicy👍🏼