首首.韓式小館 (已結業)

利東街，好多貴餐廳，首首算唔太貴。無訂位，入到去環境暗暗，非常浪漫！待應都幾有禮貌。今日都係飽肚為主：燒牛肉伴飯($128)：賣相傳統，牛肉味道唔錯，但無驚喜。牛肉炒粉絲($98)：牛肉無伴飯咁好食，但香港好少食到韓式炒粉絲唔油，OK。泡菜海鮮煎餅($108)：呢個有驚喜！上枱美美的，色彩鮮艷，味道微酸微辣，外脆內軟，仲有粒蝦，正！另外，餐廳免費提供前菜兩碟，有泡菜，蘿蔔，同埋唔知乜，記得添食啊！

利東街翻新後開了好多新派食肆，呢間係唯一嘅韓國嘢，一於約好友試下。餐廳裝潢就好西式，座位有點迫。Menu選擇不少，還有季節性嘅menu如冷麵可選。先送上每人3碟配菜，一般韓國餐館會送上6碟唔同嘅，但呢間送嘅係2set3碟一樣嘅，其中令人驚豔嘅係藕片，竟然係柚子味，絕對係第一次見。第一個上嘅係泡菜海鮮煎餅，一碟3個，配上類似苘蒿嘅沙律。煎餅唔算大，每個都有蝦同八爪魚喺中煎，餅皮亦煎得脆，只係餅略嫌厚，薄點口感會更好。第二個叫嘅係排骨年糕，排骨應該有用水果醃，幾甜肉質又淋，敗筆係年糕，好大塊，無味道，只係煎過表面，食了一啖就吃不下去了。按大家嘅推薦仲叫咗個牛肉炒粉絲，我覺得粉絲太乾了，朋友就覺得油，結果剩好多。埋單時嘅驚喜係銀聯卡周末有9折，平常有8折。結果每人200有找，利東街呢個價錢好合理，可再嚟試下其他嘢

是日有開心事慶祝，所以要食餐好嘅不嗜辣的男友再一次好好人咁讓我食韓國菜，記得之前有報紙介紹過Bistro Seoul，就來試試。餐廳位於利東街，呢條翻新咗嘅囍帖街好靚，d舖頭都係賣高檔嘢多~七點三左右去到，唔使排隊，但店內已經人潮滿滿。打開menu，價格算係中上，但以佢位處嘅地段嚟講唔算貴。食物方面大都跟住餐廳推介(有"首"字icon嗰d)嚟叫嘅，叫咗泡菜海鮮煎餅、韓國山野菜大醬拌飯、牛肉餅伴年糕、石頭鍋米糕伴雪糕。落完單，侍應就奉上三碟小菜。其中一碟竟然係中華沙律，男友勁中意山野菜大醬拌飯。之前睇韓國飲食節目介紹野菜拌飯嘅時候已經好想試，但平時去韓國餐廳又唔多見有。見呢到有供應，好開心個大醬有豆香，微咸，連埋d蔬菜放入大碗攪拌後食。因為係素食，成件事感覺好健康好fresh，加一小塊泡菜再放入口又係另一種滋味 四個菜式入面我最中意呢個，如果再嚟，我一定會encore呢個雖然男友唔食得辣，但食韓國嘢點都要叫少少辣嘢食先開心所以就叫咗呢個泡菜煎餅。平時喺香港食到嘅泡菜煎餅都整到好似薄罉咁，麵粉多過泡菜，但呢到嘅唔係。有少少厚度，邊位脆脆地，有唔少泡菜喺入面微辣，唔食得辣嘅男友都接受到。牛肉

這夜，跟比我年輕的他到灣仔利東街 <首首.韓式小館> 食飯，當日最低氣溫 12度，寒流下，嚐一頓韓式晚餐是一個不錯的選擇啊！ 餐廳佔地兩層，我們被安排到下層較盡頭的二人桌子，直至走上上層的洗手間，才得知上層別有洞天， 感覺較寧靜舒適，卻是不及下層寛敞！供應新派韓式美食為主！我們尚未落單，店員先送上韓式小食！服務殷勤有禮，不時走到每桌為食客添茶，此外，勝在上菜速度快，很有效率，值得一讚！蓮藕 ~ 爽口的蓮藕，醬汁是甜甜地！泡菜 ~ 泡菜口感清爽，入口酸辣又夠入味！ 風味十足！黃瓜 ~ 同樣以辣椒醃製，辣度霸道， 對於不食辣的我不太接受得到！ 以上桌次序：熱韓國人蔘梨茶 $35以厚身的黑色茶壺及茶杯盛載，保溫度高！窩心暖胃的水溫，入口微酸，順喉滋潤！ 就算食完餐飯，飲到最後一杯仍然暖笠笠！荷香韓式牛肉炒粉絲 $88他建議食炒粉絲，的確是美味的選擇！粉絲晶瑩剔透而煙韌彈牙！味道甜甜地，帶有麻油香，食得啖啖韓式滋味！卻是牛肉麻麻地，缺乏肉味不入味之餘，肉質有韌勁，難以入口！還有其他配料如菌類…等！泡菜海鮮煎餅 $68以又大又厚如粘板的灰色器皿盛載兩塊泡菜海鮮煎餅，已佔去桌子不少

灣仔利東街現在已經成為了灣仔區內聚餐的好地方之一，這晚我們就選擇來到這裡新開不久的韓國菜餐館「首首‧韓式小館」Bistro Seoul。佔地2層的Bistro Seoul裝修摩登時尚，氣氛休閒舒適。沒想到平日的晚上都座無虛設，好在我們一早訂好枱。前菜有好幾款，當中我最喜歡就是爽口香辛的韓國香菜神仙草，有點像韭菜，好吃得我忍不住encore了。另外醬油蓮藕與泡菜也很開胃美味。Menu菜式選擇頗多，好在我們這夜人數夠多，大家可以一次過點來多款菜式齊齊share。Bistro Seoul的菜式都賣相精緻，其中我最喜歡的一道菜是「烤半熟極品 1++ 韓國西冷扒伴脆蒜片及芥末醬」($498)。韓牛肉香軟嫩，讓人回味～「嫩煎薄切韓國牛腩芯伴香蔥神仙草沙律」($398)，薄切韓國牛腩芯的確相當嫩滑，味道甜美。配起爽脆辛香的神仙草、細蔥與洋蔥，無論食感與味道都層次豐富。「香煎韓式薯仔脆餅」($68)，食起來條條薯絲，很有薯餅的質感，而且就帶點微辣，香口又美味。還有「辣炒八爪魚配冷素麵及水芹菜 」($138)，這夜相對較辣的一道菜。八爪魚件煙煙韌韌，味道香辣中帶點鮮甜。醬汁與冷素麵撈勻，惹味。其他菜式包