hoo韓國包車

营业中

休息中

厚福街唔淨止H8多嘢食，其實仲有一座大廈都有唔少餐廳，今日我就選址Hoo韓國包車。入面環境佈置到好似喺韓國首爾街頭享受地道美食。前菜有兩款唔同嘅泡菜，分別係椰菜同芽菜，兩款都好味。其實我覺得韓式魚蛋比港式魚蛋更好食，所以就揀咗炸魚糕。炸魚糕仲分別有幾款，可以試到唔同嘅口感。呢度嘅裝修咁有風味，當然要叫返個更加地道嘅傳說中的部隊鍋先夠入戲。部隊鍋入面有韓式腸仔同午餐肉，仲有啲茄汁豆，真係啱晒我。加埋韓式即食麵就成為一份美味嘅部隊鍋啦！另外我哋重點咗泡菜炒飯，上面灑上滿滿嘅紫菜碎，喺入面就係紅紅嘅炒飯，味道香而帶微辣，真係甚有水準。

[ #caloriefoodie尖沙咀 ]• 𝚑𝚘𝚘韓國包車 •🦦成個裝修都好似韓國嘅路邊小食檔就係平時睇韓劇都會見女主角飲到醉晒🤣之前去韓國都未有機會去到估唔到係香港感受下嗰種氣氛😗成個餐廳都比較嘈 大家講嘢特別大聲 真係好有大排檔感覺（｡ò ∀ ó｡）冇影到餐廳環境 因為實在太多人食同等位喇-🐟街頭魚糕串串(𝚖𝚎𝚍𝚒𝚞𝚖) 💰$138魚糕用個鍋熱住 保持住熱熱嘅溫度特別好食😋有五串魚糕 另外仲有蘿蔔同其他款嘅魚糕喺鍋入面有醬汁可以點 但我覺得就咁食已經好夠味(*╹▽╹*)魚糕口感非常軟腍 好啱配埋燒酒一齊食👍🏿-🔥泡菜炒飯 💰$85有腸仔粒、煎蛋、超多紫菜簡單配料但係味道非常惹味(⊙ꇴ⊙)辣嘅程度我覺得係辣過譚仔小辣少少對我嚟講有少少辣但又忍唔住一口接一口食😋-🥔薯仔煎餅 💰$76好特別的薯仔煎餅 第一次食😗一上菜時熱辣辣🔥同樣都係有醬汁可以點 食落冇咁dry~如果冇咁油膩同香脆啲就更好！-📍尖沙咀厚福街12-12A號藍馬商業大廈22樓-#caloriefoodie#caloriefoodie韓國菜

記得餐廳剛開冇耐個陣，瘋魔全IG😂長期full booking，我就等到而家唔洗排隊+午市我先去打個卡～🤣🤣餐廳位於尖沙咀厚福街大廈樓上，以韓國夜攤為主題，都好多打卡位，鐵閘、洗衣機牆、漫畫玩具櫃等~-💕 一雞兩味 $198💕 泡菜炒飯 $85✨設加一-💕 一雞兩味 $198👅好味指數：7.5/10味道叫左甜辣同醬油～雞肉鮮嫩😍多汁juicy！炸粉薄，炸得香脆甜辣味味道略偏酸味，辣味剛好 甜味重番就更好喇🤣醬油比較推薦，醬油味剛好~兩款都冇油膩感覺👍🏻-💕 泡菜炒飯 $85👅好味指數：9.5/10好有驚喜！😳影相影耐左都冇影響佢質素😂炒飯炒得粒粒分明，飯底仲要有獲氣味道足夠，泡菜味重 辣味剛好惹味😍配料除左泡菜、煎蛋、紫菜，仲加左腸仔令到更加有口感～又大份又飽肚，必食❗️-環境：8/10服務：8.5/10整體味道：8/10回頭率：8/10

Happy Friday！今日決定試新野！去左尖沙咀厚福街一間新既樓上韓國餐廳食lunch。一入到去就覺得好特別，好似喺韓國街頭食飯，但係又唔洗日曬雨淋。裝修好有特色。午市有做套餐，午餐一共有十一款，湯飯，炒飯，蓋飯，沙律都有。價錢由$45 到$72 不等。可以加$10叫小食，有三款小食揀。又可以加$8叫無酒精罐裝飲品，包括粒粒葡萄汁，韓國檸七，蜂蜜柚子樂同忌廉溝鮮奶。首先黎前菜兩小碟，分別係魚餅同辣白菜。辣白菜正常。魚餅比較特別，食落唔油唔辣，有微微既魚味，片片薄切，少少煙韌，同爽脆紅蘿蔔絲一齊食就多一重口感。服務員見到我地清得差唔多仲主動同我地refill。泡菜炒飯 $58叫左個泡菜炒飯。個汁好正，微辣微甜，炒飯濕潤，好開胃。上面鋪上一隻煎蛋，蛋白煎得都好香脆，蛋黃仲有蛋汁。炒飯配料有腸仔粒，爽脆泡菜，碎京蔥，紫菜碎同白芝麻粒。材料平民但味道正斗，食落濕潤多層次。釜山豬肉湯飯 $68服務員體貼介紹個湯本身係冇味，可以自己選擇加另上嘅蝦醬加鹹味或者辣椒醬加辣度。豬肉大概有十舊以上，選用豬腩肉所以脂肪都多，不過豬肉味濃質感彈牙。個湯好清，我哋加左唔少蝦醬同少少辣椒醬之後就調啱味飲得，其