韓家韓國料理 (已結業)

我地試左佢既外賣自取2人餐($198)，先講結論💬好抵食啊~飽到食唔晒呀!🤧2人份量黎講真係超多，幾大食既你都肯定夠食!😝外賣竟然跟埋韓式前菜，好貼心💕今次係薯仔，好淋好入味!呢個幾好食😋✅泡菜煎餅 🌟2.5/5分煎餅超多塊😱~完全係平時散叫既份量，味道普通，略嫌厚粉左少少😜✅韓家無骨炸雞(半份)(甜辣) 🌟4/5分有6大舊炸雞，係6大舊‼️‼️痴線跟本又係主食既份量...小食黎講真係好多＠＠炸雞juicy🤤醬汁可揀甜辣/柚子，前者惹味外賣都仲熱辣辣脆卜卜! 抵讚👍🏻如果肉質再嫩啲就更好😳基本上細食既朋友食完煎餅同炸雞就夠飽...😂但其實套餐除左上述2個小食之前，仲有2個main!🤯✅嫩豆腐湯配白飯 🌟3/5分見到咁大碗已經有啲驚😨...呢個湯就無乜特別，內有泡菜、豆腐等，微辣﹐撈飯食不過不失~✅韓式烤肉飯(牛) 🌟3.5/5分呢個都係份量十足，烤肉充滿油香，非常惹味😋只係略嫌部份有啲韌>< 太陽蛋煎得靚仔，送飯一流!☺️仲有豬/雞/蔬菜可以揀添韓家雖然唔算超正宗同世界級美食，但唔使二百4款野食仲跟2罐野飲真係完全收貨了😋👍🏻👍🏻男朋友仲話建議可以減啲份量，驚佢無錢賺啊🥺嗚良

近排成日睇韓國綜藝節目《新西遊記》🐒睇到好想好想食韓國野😂今日係觀塘收工就簡左呢間外賣試下。收工時間大概4點 諗住嗌少少醫下肚🔅韓式炒年糕（甜辣汁）- 年糕好煙韌 好有咬口好正😆 不過個汁就麻麻 唔好睇色水好鮮好結但其實無乜味 得少少辣味 唔甜唔咸好寡。好似無味道既汁加左少少辣椒粉，搞到成個年糕淡茂茂。🔅泡菜煎餅 - 泡菜煎餅幾好食，酸酸咸咸。煎得幾香口，唯獨反面煎得比較燶，好彩冇影響到個味道。另外仲配一個汁，沾左汁食仲好味呀😋😋P.S Order嗰時太肚餓無留意到佢地6點先營運番 白白等左2個鐘先拎到外賣 大家外賣嗰陣記住留意番 唔好好似我咁蠢呀😂‼️

韓家鋪頭唔大，但位置方便，野食種類都幾多。平時食中午就食得多，呢日就嚟試吓佢嘅晚餐。當晚好好彩，雖然無book但去到就有位。喺門口就睇到佢哋為香港人打氣嘅說話💛店入面仲有大量韓星嘅相同mv😂。-食物種類唔少，Menu只影咗小部份。兩個人都叫左好多野食，而且好好彩當晚上菜好快⋯⋯--💛炸雞大推！每件都好Juicy，咬開真係有肉汁，而且係滑嘅一啲都唔嚡。牛油蜜糖醬都好高質，見到佢好稀點知原來味好濃。-💛豆腐湯飯本身有配飯，但驚太多嘢食唔晒所以走左飯。湯入面超多雞，但無炸雞咁滑。個湯就偏鹹唔太辣。-💛拌飯嘅白飯份量極多，一樣唔係太辣，配菜種類多。-💛泡菜煎餅比較遜色，因為太軟身似無煎過嘅感覺。另外味道太淡，如果唔點醬汁接近無味。-💛兩杯飲品，份量多味道亦算不錯。-由於韓家鋪頭細細位亦唔多，真係要撞手神睇吓多唔多人排隊同等外賣，否則真係有排等⋯⋯另外鋪頭漏單同錯單嘅情況當晚都有出現，可能人手太少都係一個原因，但整體黎講食物質素同味道都好唔錯。

又去觀塘食飯，今次搵左間韓國菜食，坐底左後，竟然話冇海鮮我地首先叫左2款湯。韓式牛肋骨湯，勁多白蘿蔔，但牛肋骨偏少唔韌，湯底好甜。另一個係嫩豆腐湯好好味，勁多泡菜豆腐，雖然個湯好紅但辣味調得好好。食韓國菜一定要叫石頭鍋飯同炸雞，甘我地叫左韓家八色石頭鍋飯，個飯勁多料，佢比既辣醬落哂都冇問題👍🏻👍🏻👍🏻。炸雞叫左半份柚子蜜糖無骨炸雞，酸酸甜甜唔錯，雞大大舊唔鞋肉係唔夠脆。泡菜煎餅煎得唔錯，但泡菜真係好酸🙈，同嫩豆腐湯既泡菜係2回事。韓式炒粉絲雞蛋卷，賣相已經麻麻，但唔知點解要加茄汁同沙律醬，搶哂蛋同粉絲味道，很怪🙈鐵板芝士辣年糕味道唔錯唔係好辣勁多芝士燒酒同飲品種類都算多，我膽粗粗叫左韓國紅醋梳打😆😆😆我個人覺得飲落唔錯，但老公反左眼，佢覺得蜜桃燒酒好飲。

有日心思思想食炸雞，咁我就搵下有咩地方有炸雞放題可以試下喇，一搵就搵到呢間韓家韓國料理。禁入openrice就見到佢地88蚊任食放題，咁我禁係即刻落訂第二日去試下。地鐵站去既地理位置比較偏但都算近地鐵，5分鐘路程左右。入到去同佢地講訂左openrice既炸雞放題佢就叫我坐底同幫我scan qr code再俾張紙我點餐。兩個人叫左三碟炸雞同一個泡菜煎餅，再拎埋openrice訂餐送既兩罐可樂。知道佢地賣得平都無預想幾好味，但第一碟既泡菜煎餅煎得唔錯，起碼唔會好水，有少少脆邊。之後黎左醬油味、辣味味同芝士辣味嘅炸雞，全部都係即叫即炸，醬油味同辣味都唔錯但芝士味就真係唔建議叫，同埋期待食到雞翼同雞腿嘅你可能要失望，畢竟價格比較平唔會有。服務正常，價格非常親民，食物水準正常偏上，但唯一唔滿意係服務費唔可以俾卡同八達通，只接受現金。

觀塘除左有大型商場入面既食肆，仲有超多樓上小店，今日我地黎到呢間專賣韓國餐廳既食店一試！入到去坐底驚見有住食炸雞套餐但我地兩個都好熱氣所以冇叫呢個set😂二人套餐相對好多選擇，所以我地叫左呢個set沙律幾新鮮，豆腐切到大大舊，加埋芝麻醬感覺好fresh好健康前菜有泡菜芽菜同青瓜，泡菜幾辣，但好快就冇左辣味幾好韓國粉絲都ok豬肉幾稔粉絲幾香，如果可以少啲肥肉就更好菜都有好大著柚子蜜糖炸雞半份都有好多舊，啖啖肉皮幾脆柚子蜜糖味都入到啲肉泡菜煎餅似係落左茄汁去煎所以會有啲酸酸地既味，好香脆，幾開胃柚子蜜真係有啲柚子粒係度紅棗蜜唔太甜，感覺滋潤成餐我最鐘意就係個雪糕，有麻糬粉佈係雲尼拿雪糕上面再加埋紅豆，如果佢有埋啲煙韌麻糬係裡面就perfect喇😭

前幾日先食咗韓國菜但係果條癮又起啦啱啱去觀塘接朋友收工順便就試一試啦環境比一般韓國菜唔同燈火通明有冇擺啲老土韓國裝飾好似返咗屋企一樣咁舒服揀咗二人套餐每人都有一碟三款嘅配菜我朋友上菜前已經食曬成碟佢好鬼心急芽菜調味較淡但有清香的麻油味泡菜ok甜薯仔正正子啦🥔因為佢係薯仔蓉 入面再配切成粗粒嘅薯仔粒有豐富雙重口感味道不會太甜太假我覺得佢仲有另外一個好偉大嘅用途。。。就係當其他食物太辣嘅時候中一中和返個味道我食豆腐湯嘅時候就係用咗呢個做法蜂蜜柚子梳打🍊二人餐之中 要加五蚊搭配🐝簡單清新好味嘅飲品飲啖清一清 味蕾 之後準備食大餐呀通常韓國菜係得個樣好紅但係唔太辣我抱住呢個心態大大啖飲呢個湯。。。結果出人意表如果五隻辣椒係滿分 佢起碼有四隻🌶🌶🌶🌶開頭仲超級擔心食唔到心裏面狂諗:"死啦咁鬼懶點樣食呀?"但係一配搭白飯 味道就剛剛好 仲越食越過癮唔一定要選擇豬牛羊可以揀雜菜我就真係揀咗雜菜 個湯清啲之餘可以試清楚豆腐嘅味道唯一美中不足嘅地方就係所謂嘅雜菜只係蘿蔔絲茄洋蔥絲加多幾種蔬菜例如生菜，薯仔等等相信可以令到湯頭鮮味更重更甜事實證明我冇選擇錯誤泡菜煎餅質地軟淋就咁食酸酸辣辣但係如果點咗甜豉

是日經openrice買左餐飲劵，可以用88蚊一位任食炸雞，去到要以正價去計返加一服務費。甘經openrice訂座，所以去到唔洗等直接入，我地一行7人，但因為佢鋪位細，所以7人俾左張6人枱我地，坐得好逼下，唔太舒服。雖然話任食炸雞，但可以揀既食物好少，少到係我地係叫哂每樣可點既野，炸雞有6款，但另外可揀既食物得兩款沙律同兩款小食，連平時食開韓國野有既泡菜小菜都冇。至於飲品方面，我地因為用特價88蚊任食，所以要加30蚊先任飲，唔係就只包一杯野飲，但正價任食係加15炸，所以我地一人嗌左一杯就算，冇另加30蚊。我自己點左紅棗蜜梳打，冇咩特別，係即沖果隻紅棗蜜加左梳打水同冰甘。先講沙律先，兩款沙律，一款係芝麻醬，其實味道唔錯，不過就同出邊差唔多，冇咩驚喜。另一款係韓式醬汁，佢係韓式辣醬加沙律醬，再面鋪一大堆紫菜，辣醬唔係辣果種係酸甜果種，整體黎講好食，非常驚喜。然後兩款小食，泡菜煎餅同辣年糕。辣年糕不過不失，正常味唔會太辣。泡菜煎餅，第一輪好好食，所以再點，點知第二輪黎到煎燶左，所以食落有苦味，呢到扣左分。到主角炸雞，佢有6款，分別係蜜糖、柚子、芝士、辣味、芝士辣味同醬油六重點味道，佢炸雞唔厚

今日男朋友收工去左官塘睇中醫，我哋就喺觀塘解決晚餐，見好耐無食韓國野咁岩有人派傳單見到呢間，又唔係好貴就去試下叫咗個紫菜飯卷，韓式烤雞配生菜，豬肉炒粉絲同泡菜煎餅紫菜飯卷好有屋企嘅味道，偏淡味，健康啲，但料既種類都多，口感夠豐富👍韓式烤雞肉就辣辣地，濃味惹味啲，雞都幾滑，啲生菜好新鮮爽口，配埋生蒜幾夾😁豬肉炒粉絲同平時食開嘅相比望落顏色淡好多， 不過幾香黑椒味好夠味泡菜煎餅就食到好多泡菜，比較厚身，好飽肚😅食果陣見到好多後生仔女都食炸雞放題， 如果鍾意食既朋友都可以去試下🙈

23/10/2018 收工約埋朋友係觀塘覓食 見呢排最多人介紹就係90mins 炸雞🍗任食記得用餐之前3小時係openrice買coupon先用得 第1 round 就全部都叫一樣試下 都好快就上菜個辣炒年糕完全唔ok 漲哂又無味 唔建議叫呢樣 泡菜煎餅食落唔錯 入面好少有D芝士咁 雜菜沙律🥗啲菜好新鮮 麻醬好食 個韓式沙律醬好漏至於炸雞 🍗 每份都有6件 無骨的好方便 而且炸得唔錯 唔會好多粉醬個人覺得韓式芝士味最唔好食 都係用芝士粉灑上去 有D羶另外4種口味：傳統甜辣味 牛油蜜糖味 柚士蜜糖味同醬油香蒜味好食好多 總結 $88 +1 仲有一杯飲品 都算係唔錯叫左2 round 已經好飽 都總算一完我想食炸雞的心

呢日去接阿妹放工，講真真係唔係好熟觀塘區，所以跟住阿妹去搵食😋。估唔到觀塘工廈區都好多食肆，其中呢間阿妹話佢lunch都成日食，所以就向韓國菜進發🇰🇷呢間食肆離地鐵站都有點遠，坐落嘅商場星期六晚人流不太多，但估唔到間鋪頭細細都坐到滿座！😮原來佢有任食炸雞🐥套餐，價錢非常之吸引，似乎全場都係叫炸雞！不過今日喉嚨不太舒服費事食炸野，所以我哋就散叫！首先食邪惡野之前叫了一個豆腐麻醬沙律，估唔到份量非常之多，又有好多沙律菜🥗🥗非常抵食😍另外當然唔少得泡菜煎餅🍕新鮮即煎熱辣辣脆卜卜，塊餅嘅厚薄度亦都適中，同埋又唔會太油👍🏻👍🏻韓國菜之中春川辣雞🌶🐥係我嘅至愛，所以係必點，另外仲可以加芝士同麵等等。熱辣辣嘅鐵板上菜真係超級正！仲有芝士🧀拉絲，邪惡得來真係好好食😍而且我覺得只係算BB辣，阿妹最初都怕辣唔想叫呢樣但最尾佢食得反而最多😂😂另外我哋仲叫咗韓式牛肋骨湯（配白湯），個湯清得來味道都調校得幾好，仲有幾粒紅棗，感覺好滋補👍🏻👍🏻不過肉就唔係好多，男仔去食可能會嫌少🤣我哋飲品叫咗一個有柚子蜜梳打🍹一個比較少見嘅紅醋梳打。紅醋梳打未必個個鍾意飲，但我自己就覺得酸酸地非常開胃，尤其配合咁多肉解濟一流👍🏼

呢日黎到位於觀塘駿業街嘅韓家，位置唔難搵，附近都有好多餐廳。聽聞佢係新開嘅韓國餐廳，所以就帶咗個住附近又鐘意食韓國嘢嘅朋友一齊去試吓喇～店面一眼睇曬，冇咩特別嘅裝修，座位都唔算太多。我哋book咗19:30，但客人太多嘅關係，都要等到八點先入得。之後陸陸續續嚟嘅客人都要等一排先入得。我哋見好多人叫呢個炸雞放題，都幾抵，但一人得一杯嘢飲，我哋又有啲口渴，又想試多啲嘢，所以就選擇咗散嗌，而散嗌嘅價錢都唔係好貴～前菜前菜同平時嗰啲差唔多啦～中間個薯仔特別好味～豆腐麻醬沙律（$58）呢個好食～有我鐘意嘅豆腐，配上新鮮爽脆嘅生菜泡菜煎餅（$78）呢個都好推介！同出面連鎖嘅韓國餐廳唔同，呢度足料好多又厚好多，又唔會好硬咁。韓式芝士辣年糕（$58）呢個因為我哋好遲先食嘅關係，所以啲芝士都硬曬 所以建議大家趁熱食！芝士好多同埋好濃味嫩豆腐湯（配雞肉）（$68）又係我好鐘意嘅豆腐喇！一嚟到淨係見到成個湯都係紅色 同有隻蛋黃，但liu一liu就見到勁足料！豆腐又多，雞肉又多，而且仲有好多菜！雖然佢顏色好紅，但食落都唔算太辣無骨韓式炸雞（柚子蜜糖味）（全份）（$138）好味！！我哋見嗌得一款炸雞，就叫咗全份

知依度附近開佐間韓國野，放工約佐朋友去食😚 一去到唔算好大間，同普遍同款餐廳一樣播住kpop歌。.食物既種類都好多，見隔離枱份量唔算太多，又四個人食所以每樣都有嗌黎試下😍 點菜後會送上每人一盤三款小菜：芽菜，薯仔，泡菜。.泡菜煎餅 $78有別於其他餐廳一大塊上，而係已經切開晒一小塊，方便食用😚 而且每一口都咬到泡菜，幾足料👍🏻 配埋個洋葱汁，味道更加可口.韓式牛肋骨湯配白飯 $78放佐好多材料去煲（蛋絲，洋葱，金菇，蘿白，牛肋骨），落佐少少胡椒調味，飲落個湯帶有牛既味，有啲清爽既感覺，牛肋骨雖然有啲根但都感受到有骨膠原。啲飯係用韓國米咁，整湯飯更加入味😚.韓式烤牛配生菜 $98用鐵板上😍 有陣燒汁鋪係底，用洋葱芝麻調味，夾埋生菜食幾正😚 識食一定係夾兩塊食 哈哈🙈.烤三層肉配生菜 $98同烤牛唔同，用佐青瓜去鋪底唔洗咁油膩，仲有椒鹽調味，不過略嫌重手佐少少🤔 .韓式雞蛋卷 $78熱騰騰食落口有滿滿既蛋香😍.辣炒魷魚 $80大大碟😍 用佐韓式辣醬同芝麻去炒，幾滋味幾有咬口，如果送酒真係一流😂 .韓式拉絲農夫包 - 泡菜炒豬肉 $118一上碟就覺得好邪惡，有滿滿既芝士😚 一拉起啲芝士真係勁

上星期係公司做晏左少少，就約埋同事一齊食下新開既韓式餐廳，一入到去好有住家feel,仲有3部TV播緊韓國big band既MV!😍😍 之後店員好快比左個menu我地睇，因做野做得夜左特別肚餓，我地叫5個菜式試一試！店員好細心咁比左碟前菜我地醫下肚餓先，每張檯上都有樽水，方便客人自己去倒。我地就叫左紅醋梳打同蜂蜜柚子梳打，等左10分鐘左右個辣味魷魚送到，見到都feel到好辣，所以如果唔太食到辣既朋友就建議唔好叫啦！之後個柚子蜜無骨炸雞🍗登場，超香口同鬆脆，佢冇落好多麵粉漿，所以啖啖肉，d 雞肉仲超嫩口添，個拉絲農夫包都唔錯，係個cheese 有少少食硬，做唔到有拉絲既感覺，泡菜豬肉配埋個麵包都好match!😋😋 另外個kimchi 煎餅同炒粉絲雞蛋卷都有驚喜！食完真係有一種韓家既感覺！😎最後就叫左個韓式雪糕做今次既結尾！飽飽超級滿足！餐廳最近仲做緊90分鐘任食炸雞🍗，下次可以試下先！😌