燒肉801

营业中

休息中

好耐無黎食燒肉，發覺服務質素好左喎～例牌必食嘅801盛 150g，大判燒、腹前牛小排、蔥鹽味雞腿肉，加$38泡菜同細冷麵，店員都好落力建議食法同教個爐點用。大判燒真係無得彈嘅～喺日本食嘅高級牛都差不多口感，好軟好嫩，牛小排咬落仲有油香，岩哂包生菜食。呢度係仲抵食過日本高級燒肉，2百幾蚊已經有哂咁多樣野。雖然前菜選擇唔多，但係剛剛個冷麵，涼伴三點盛同801沙律都足夠中和燒烤嘅滯膩感，叫哂都唔貴。另再叫厚切煙腩肉同九州雞脛柳，唔知點解係比平時食嘅雞有雞味同有彈性質感。泡菜牛肉湯有韓式feel，少少辣多牛肉同蛋花，都好唔錯。

呢度最出名係大判燒 ，最抵一定係叫set！因為801盛Single就有大判燒150g（超級juicy矜貴，軟淋薄薄一片燒一兩下就好食，點點個鮮雞蛋牛味更豐厚）、腹前牛小排（纖維感多啲有咬口啲）、蔥鹽味雞腿肉（燒完個皮香脆，肉質依然滑），我自己食燒肉鍾意配嘅生菜，呢個set加$28就有一份！其他都係幾十蚊嘅野，想食咩就叫咩都唔肉赤。特上牛胸腹肉，比腹前牛小排軟淋、牛味更重多汁；牛油帆立貝好大粒，放上爐煮熱一粒放入口好滿足。801沙律有蝦乾、木魚絲、紫菜，個沙律汁酸酸地好開胃。開胃之選仲有泡菜冷麵、泡菜牛肉湯，料多又好味。需然限時70分鐘，但d野食上檯真係好快，唔洗驚唔夠時間食。

今晚收工去食期待而久既燒肉！Yeah！地點選址為食物高質既日式燒肉店叫燒肉801，位於尖沙咀加連威老道，地理位置好方便。燒肉801餐牌有燒肉盛盒，黑毛和牛盛，豚肉盛，雞肉盛，海鮮盛，名物菜式，牛豬雞海鮮，蔬菜，湯同麵飯，甜品，飲品等。盛合肉類有分單份同雙份，做唔同價錢。仲可以加錢要米飯，冷麵或者生菜。落單掃QR code。801盛 Double $388 另加一801盛 Double包三款肉，分別有大判焼！黒毛和牛肩胛肉，腹前牛小排同蔥鹽味雞腿肉。大判焼！黒毛和牛肩胛肉大判焼！黒毛和牛肩胛肉一客兩大片，一燒就著火，好快就食得。食落非常嫩口，完全唔韌，個燒汁都好好味。黑毛和牛果然好味。跟左兩隻溫泉蛋，和牛沾蛋漿食更加滑溜同有蛋香，蛋配燒汁一流。腹前牛小排一客六塊，切得較厚身，需要咬下。蔥鹽味雞腿肉一客9件左右，皮滑而肉嫩，我地燒到燶燶地先食。另上蔥鹽醬比你點雞肉。用生菜包住更好食。黑毛和牛小排（汁燒）$128 另加一呢個黑毛和牛小排係名物，係散叫。一客有4片，燒一陣就食得，肉質嫩口而肉汁豐富，燒肉汁味道到位。好味道。生菜 set +$25 另加一生菜都有六七片左右，有大有細，新鮮爽脆，包

之前食晏已經發現The ONE對面開咗間新餐廳叫「燒肉801」，佢門面紅噹噹，非常搶眼，而且無論中午定夜晚都有人排緊隊，人氣超高呢👏。踏進店內先發現原來餐廳面積都幾大，裝修貫切熱情嘅紅色調❤️‍🔥，整個氛圍滿佈日本氣息。同時，佢冷氣充足，座位同餐枱闊落，坐得舒服。店員亦好貼心送上圍裙，咁就唔怕濺污衣服。餐廳係食正宗日式燒肉🎌，定價唔算貴，只係稍為高過石燒店，而且質素仲要高幾班。我哋鍾意食牛，所以全部嗌晒牛。我見有啲雜錦肉拼盤最平$88就有交易，如果一個人食午餐都夠。805黑毛和牛盛($298)，包1️⃣大判燒!黑毛和牛肩胛肉同埋2️⃣黑毛和牛小排，和牛果然非同凡響，味道同口感都明顯出色。牛小排紋理幾靚，而且入口即化🤤。大判燒係招牌菜🥩🌟，和牛肩胛肉雖然薄，但大大片，而且仲附上蛋汁一齊食，進一步提升滋味🍳，正啊。803特盛($168)，包1️⃣牛胸腹肉、2️⃣腹前牛小排同埋3️⃣牛板腱肉，其實都幾抵食，夾埋有超過十片肉。雖然唔係和牛，不過質素都唔差，呢幾款肉肉感較強同肉味濃🐮，特別係厚切嘅牛胸腹肉，而且本身已經調咗味，好惹味。806牛舌盛($98)，包兩味牛舌👅：鹽味及醬油，兩款各有千秋，不過口感同樣彈牙。每