ASOK THAI GARDEN

营业中

休息中

今日happy Friday，之前經過已經見到呢間餐廳裝修得幾有情調，已經想入嚟試吓，不過星期五晚都幾多人排隊，最好預先book定枱🤣 蛋炒咖喱軟殼蟹 $198 （+ $18轉印度薄餅）呢個幾有驚喜，大大隻炸軟殼蟹，入邊啖啖肉，炸到外脆內軟，旁邊都仲有好多蟹肉，幾鍾意佢個咖喱滑蛋汁甜甜地，蛋滑溜，用嚟送薄餅一流😋 推介～泰北蟹肉金湯烏龍麵 $158 湯底辣辣地，烏冬似日本手打烏冬咁厚實彈牙，而且湯底濃郁少辣，係傳統泰北咖喱湯汁，仲有蟹肉、蛋絲，整體都唔錯👍 泰式生蝦刺身 $98 每一粒生蝦刺身都有蒜同埋辣椒，配合個泰式醬汁，酸酸甜甜開胃～ Pineapple and passionfruit cider$68 整體味道酸酸甜甜，配合濃味嘅泰菜同埋咁熱嘅天氣，爽！ Coconut Smoothie $68 味道偏甜，但配合濃味泰菜～

ASOK THAI GARDEN，位於尖沙咀亞士厘道37號地舖。 店內裝修以木系為主，佈置充滿 泰式風格。 餐廳主打泰式fusion菜， 款式精緻， 當晚點了泰式生蝦刺身$98、紅咖哩烤雞$198、泰北蟹肉金湯烏龍麵$158、芒果糯米飯甜筒$68、泰式奶茶$42。▪️泰式生蝦刺身$98 ～ 味道爽口鮮甜配上泰式醬汁，更好味。 ▪️紅咖哩烤雞$198 ～ 烤雞口感嫩滑，搭配烤蔬，紅咖哩香辣滋味。 ▪️泰北蟹肉金湯烏龍麵$158 ～ 湯頭味道濃郁帶點辛辣， 加上一絲絲蟹肉和彈牙煙韌的烏龍麵， 喜歡濃湯的不妨一試。 ▪️芒果糯米飯甜筒$68 ～ 芒果糯米飯配上甜筒賣相可愛， 是打卡不錯的選擇。▪️泰式奶茶$42 ～ 茶味濃厚，味道香甜。 整體泰菜有特色， 環境舒適。 🏷️溫馨提示～ 整個用餐體驗均屬個人分享意見， 只作參考😊。

#MC帶你去尖沙咀.泰國菜食到悶，咁泰式Fusion菜又試過未呢？！➖✨ ASOK THAI GARDEN.作為元朗起家「阿叔泰麵」嘅姊妹店，依間餐廳就結合西式餐飲，將西式做法及元素融入傳統泰式美食；餐廳裝潢以文青度假風為主，以木系設計，加上藤椅、榻榻米、太陽傘等設計，充滿異國風情，搭配昏暗嘅燈光，頗有情調。➖🥢 泰式生蝦刺身｜$98.一碟八大隻生蝦刺身，蝦肉厚身，口感爽口彈牙，搭配泰式萬用汁，味道偏辣帶酸，帶一點點香茅味，加上香蒜片及辣椒圈，酸辣開胃。➖🥢 泰式燒牛肉沙律｜$128.粉嫩色嘅燒牛肉，外皮燒得微微焦香，肉香濃郁；搭配沙律菜、紫洋蔥及蕃茄仔等，清爽酸甜嘅口感，愈食愈惹味。➖🥢 泰北蟹肉金湯烏龍麵｜$158 ✨推薦✨.原個蟹蓋賣相十分吸引！咖喱湯汁用了傳統泰北咖喱，香甜唔太辣，但非常濃稠，還原地道嘅泰北味道！搭配軟滑彈牙嘅烏龍麵（烏冬）都幾掛汁；加上一絲絲蟹肉、炸蛋絲等，口感好豐富！值得一試！➖🥢 香茅烤豬頸肉｜$98.每一片燒豬頸肉都厚度適中，外皮微微燶邊，超香脆，入口肉嫩爽脆。而且上枱前已預先切開，貼心方便。➖🥢 Thai Milk Tea (Cold)｜$42.以泰國

今日嚟到尖沙咀亞士厘道試吓一間文青fusion泰菜。放工6:30嚟到已經見舖頭門口有人排隊，好彩朋友一早book咗位！入面嘅佈置好有係泰國度假嘅感覺，好relax！估唔到除左有地道泰式奶茶、咖啡之外，仲有駐場調酒師即席調cocktails，都有好多款選擇，不過今晚想飲泰奶茶，下次先啦～（注意⚠️：享用酒精飲品須年滿十八歲）1）飲品：Cold THAI Green Milk Tea （$46）天氣咁熱，即刻叫杯凍飲。佢用玻璃樽裝住，而且飲落好滑，似係泰式奶茶再加斑蘭嘅味道，濃得嚟又唔會太甜，幾特別！2）前菜：甲拋肉碎牛油果墨西哥夾餅（$98）夾餅好似薯片咁脆口，入面放左炒過嘅肉碎，加上少少辣椒，好惹味，加埋面頭咬落去軟軟哋牛油果令整體嘅口感up! 加少少旁邊特製嘅酸酸甜甜醬，冇咁辣得嚟更加豐富咗層次感！3） 泰北蟹肉金湯烏龍麵 （$158）烏龍麵幼滑但又好彈牙，咖喱湯底好濃同杰身，令到每一條面都好容易掛湯。有好多炸脆，加埋蟹肉，每一啖都有豐富嘅口感。值得一試！4）是拉差辣椒虎蝦海鮮義大利飯 （$168）上面兩隻虎蝦好貼心咁開咗邊，仲好新鮮。意大利飯份量好多，煮得啱啱好，完全無生米，仲好入味

呢間餐廳走休閒度假風，配以榻榻米、太陽傘、藤織吊燈、實木傢俬、乾花等搶眼擺設，令環境更有氣氛🏝️💗泰北蟹肉金湯烏龍麵 （$158）順滑煙韌嘅烏冬掛滿濃稠帶辣嘅咖哩湯汁，配上鮮甜蟹肉🦀再加上炸蛋絲增加口感🍜💗和牛金不換炒飯（$178）金不換炒飯炒得乾身有鑊氣，飯粒分明，充滿香甜的醬油香。和牛粒份量都算多，大大粒而且好重牛味🍛💗馬拉盞炒通菜（$88）馬拉盞通菜翠綠脆嫩，炒得夠鑊氣又惹味🥬💗豬肉生菜包（$108）豬肉碎加咗洋蔥、炸蒜、金不換、辣椒等香料炒成，食落係夠香口惹味，不過就無乜泰式酸辣風味🌮

泰北蟹肉金湯麵： 賣相是很吸引，但結果味道比較失望，個蟹殼是裝飾品，沒有東西的，烏龍（烏冬）麵質太淋完全不彈（呢個是個人口味吧），而個金湯其實是咖哩湯，（感覺是咖喱粉+咸味+辣味味）味道真好一般，而蟹肉是蟹肉碎，蟹肉都被咖喱蓋過曬了。拼盤都係普普通通不過不失，魚餅好味但比炸出來比較油，香腸冇味，其他都一般。炒菜椰菜苗是最好味的。泰式凍奶茶都係好普通。裝修幾靚，但餐廳播嘅歌又唔襯環境開到又大聲，食客傾計又要大聲啲，成個環境好嘈。

今晚心血來潮又想食泰國野，見有人推薦呢間文青泰菜而且又有cocktail飲，一於就同男朋友試下🤭餐廳位於亞士厘道尾，係海防道穿過條樓梯仔就到，地點都幾又易搵👍🏻入面裝修好有渡假feel，辛苦工作完一日黎到食野飲野感覺好放鬆好chill😌先叫兩杯野飲下UDON THANI🍹男友就揀Thai Green Milk Tea🍵 我呢杯都幾好飲又裝飾得好靚，不過呢度都幾多款唔同既cocktail，下次可以試第二樣😋魚露椰糖燒雞全翼🐓雞翼燒得好香裏面仲好Juicy，而且個魚露汁醬調得好好味，令到本身已經好香口嘅雞翼更加出色🤤炸蝦餅配青檸忌廉芝士醬🦐蝦餅炸得夠乾身但又唔會太乾爭爭，好有蝦味如好彈牙，點少少芝士醬令呢度既蝦餅更與眾不同😋泰北蟹肉金湯烏龍麵🦀呢個烏冬嘅汁醬係泰北咖喱，比起平時食開嘅咖喱再辣少少，怕辣嘅朋友要留意⚠️不過就係夠辣所以好開胃，同埋個份量都幾大👍🏻同埋蟹肉都俾得唔孤寒架👍🏻👍🏻😋😋本身諗住嗌住少少嘢食，之後再加其他小食或者甜品，點知食完飲埋野兩個人都好飽🥴唯有下次再去先試其他嘢😌🤑 人均消費：～$250🤩 推薦指數：8.5 / 10📍 餐廳資料：ASOK THAI GARDEN

尖沙咀「Asok Thai Garden」原來由在元朗及大圍頗有名氣的「阿叔泰麵」主打的泰式Fusion菜～餐廳裝潢以泰式度假村🏖️舒適風為主題，全木裝修、榻榻米、太陽傘、藤織吊燈、實木傢俬、乾花等擺設，充滿異國風情～啱晒打卡！😎唔怪得平日夜晚都座無虛席，建議要先訂座喔！😏🥗泰式燒牛肉沙律（$128）燒牛肉外皮焦香，中間保持粉嫩，肉味濃郁，而且份量十足，加上沙律菜、洋蔥及蕃茄仔等，配上特調的甜甜酸酸嘅醬汁，作為前菜夠晒開胃🤤！⭐️推薦❗ 🌮ASOK THAI小食拼盤（$178）賣相精美，又可以同時品嚐7款泰式小食：免治豬肉串、泰式魚餅、雞棗、清邁腸、蝦片、鮮菠蘿🍍，每款有三件，share食就啱晒啦！‼️推薦‼ 免治豬肉串外皮香脆，啖啖肉，配上沙嗲醬泰好味！‼️推薦‼雞棗炸至金黃酥脆，蘸上泰式辣醬一齊食，好惹味～☺️‼️推薦‼鮮菠蘿🍍香甜juicy，超正！平時食泰國菜，大家都好鍾意飲冬蔭功～不過如果有唔食辣嘅朋友，椰子雞湯都不失為一個好選擇！😏🍲南薑椰子雞湯 ($108)泰式椰子雞湯 (Tom Kha Gai)既有南薑和檸檬葉的香，亦帶椰奶的甜，濃郁開胃，非常適合下飯！仲有七至八大塊肉質嫩滑的雞髀肉

尖沙咀亞士厘道有一間泰國菜餐廳，店內佈置得很有渡假感覺，配合輕快音樂，長假期沒有外遊的我非常合意。Asok Thai Garden 不只裝修花心思，食物造型同様漂亮、而且很有創意，我先來了一杯靚靚的雞尾酒：Bangkok $98橙汁、檸檬汁、芒果醬、威士忌、薑啤及肉桂的組合，可以想像到味道香甜中帶甘，層次豐富生變化，冰涼甜美，鮮艷的橙色配合滕織的手挽，充滿熱帶風情。泰式生蝦刺身 $98新鮮肉彈，最緊要就是夠辣，好不醒胃！甘蔗蝦配魚籽蛋黃醬 $108西泰混合的代表，原來蔗蝦配上魚子蛋黃醬可令口感更滑，口內鮮甜的蝦膠混合卜卜脆的魚子添層次，效果很好！甲拋肉碎牛油果墨西哥夾餅 $98夾餅內有牛油果、肉碎及洋蔥，份量豐富味道好，夾餅只是脆脆地不硬，我認為不妨再脆一些增對比口感會更好。泰北蟹肉金湯烏龍麵 $158外型吸睛，蟹殼上的眼仔碌碌看來生猛，下面是一堆脆條令它站立在湯麵上，其實是個空蟹殼只作裝飾。烏龍麵的質感似意麵，但更軟熟，金湯內有椰奶，所以味道似喇沙湯底，亮點當然是蟹肉，湯內亦有洋蔥、鹹菜及一棵青檸。和牛金不換炒飯 $178足料和牛炒飯，金不換味香，炒得唔錯，味道好，絕對是飽肚的好選擇