忠誠茶座泰國菜

营业中

休息中

嚟到大美督除咗踩單車或者撐船仔，仲有就係拜訪好多local人氣嘅餐廳。我哋撐完鴨仔船太攰而呢間喺隔離仲有都好多人入座，於是就嘗試下啦😆😆串串餅 （$48）八件脹卜卜串燒嘅外表好得意！成個造型滿分，咬入口有淡淡的牛油味而且好鬆脆，似西式嘅酥皮口感。我覺得都唔使加其他醬料已經足夠。泰式連骨豬髀 （$138）成個豬髀好淋，一切落去已經可以好容易分開啲肉，證明火喉充足。而且好入味，豬皮食落都唔會好油膩冇太大罪惡咁。同埋有小上嘅配菜青瓜同埋酸菜，酸菜甜甜地好開胃！泰式古法浸雞 （$152）半隻呢一個我就覺得冇乜特別。。。食落隻雞感覺唔到佢係用古法浸雞嘅感覺😅而且冇海南雞咁鮮嫩,亦冇乜雞味，不過隻雞都好多肉。下次我應該唔會再叫呢款。炒泰式金邊粉 （$88）金邊粉嘅味道都OK，而且材料都好豐富。個人覺得金邊粉好難唔好食。整體來講，呢間餐廳位置好方便而且環境小chill, 食物都上得好快，對第一次幫襯嘅我來講我覺得都幾好食。

在這條街上最少有3間泰國菜餐館，但這一間是最大場地，最多人食和最多人等位的！好彩剛好有一枱6人食完，我哋可以入去坐✌🏻*⭐️最正：泰式古法浸雞 (HK$158/半隻)雞皮連雞肉好滑而不油膩，啖啖肉，正呀👍🏻⭐️最好睇：泰式焗薄餅(HK$48/8件)8件外脆內暖的薄餅，齊齊排在一枝大竹籤上，好睇又好食，笑📸⭐️最奇特：青檸椰汁雞湯 (HK$98)椰汁雞湯應該好滋潤，但配上比較酸的青檸汁，酸味太出，味道變得怪怪地。份量比較少，分給6碗每人只得幾啖咋。其他菜式：🔹青木瓜絲沙律 (HK$68) - 辣🥵🔹原個菠蘿海鮮飯(HK$108) - 飯炒得一粒粒，大隻海鮮，有青口2隻、蝦、魚、魷魚各一隻，只係份量比較少。🔹炒泰國金邊粉 (HK$78) - 我想食時已經冇晒啦☹️🔹泰式連骨豬髀 (HK$128) - 好軟腍入味，我比較喜歡脆皮口感多一啲。🔹紅毛丹椰汁冰 (HK$32) - 滋潤清甜，冰涼，呀～

大美督釣完魚就去對面既泰國餐廳食晚飯，有預早訂位以免到時等位～訂咗6點，準時入坐～不過職員話7:30還枱但當日唔太多人所以即使過咗7點半都無催還枱炸鮮蝦餅（4件） ＄78雖然個名叫蝦餅但佢係一個波形，熱辣辣上枱蝦餅好彈牙而且蝦味濃，味道唔錯再配上酸酸甜甜既醬，開胃得黎唔會膩冬蔭公（蝦湯）＄108個湯味道只飲到酸，唔係好飲到海鮮蝦味～雖然個湯有3隻鮮蝦但味道方面就唔太吸引。份量大約分到3 碗左右而且價錢小妹覺得價錢偏貴，如果配料或者味道可以增加同改善會相對吸引好多泰式古法浸雞 （半隻）＄152呢隻雞雞肉好滑，雞皮亦好爽但有部分位置好似未熟咁～D肉仲有血水所以小妹都無食哂～不過可能用浸既方面煮雞，所以會出現咁既質感～可惜小妹怕生同肚痛所以放棄咗不過配上微辣辣醬都幾正綠咖喱配豬 ＄72 ／ 泰式焗薄餅 ＄42綠咖喱沒有食到辣既感覺不過豬肉片都幾多味道方面，小妹覺得偏淡，沒有好濃既咖喱或者椰香味，所以呢款綠咖哩沒有很喜歡，不過叫咗個泰式焗薄餅所以都要沾下個綠咖喱食～薄餅好似酥皮，鬆脆既感覺，沾上咖喱後都保持到個質感，唔怕熱氣都可以試下泰國金邊粉 ＄68金邊粉同樣地都似偏淡，顏色偏向好淡既紅色，

香草蒜蓉包 $38烘到好脆 配咖哩食👍🏻❤️😋評分:8/10🌟咖哩炒青口 $118青口有好多而且好大隻 都新鮮 而主角咖哩水準仍舊 都係食到😋👅💦唔會好辣但椰奶 咖哩成份好平均 評分:8.5/10🌟泰式焗薄餅 $42都係即叫即製 點咖哩食❤️👍🏻 好鬆軟 好香口評分:8/10🌟串燒鱔片 $98(4串)呢個一定要大力推介 👅💦個片好脆好香 啲肉就好爽 好有味 必食!!!!!!評分:9.5/10🌟蒜蓉炒通菜 $68也很好吃 醬烤鮮魷 $85比上次更好吃 沒那麼乾身 點醬後辣辣的味道更好評分:8/10🌟泰式古法浸雞 $152 雞肉很滑不鞋 而且不油膩很吸引😻評分: 8.5/10🌟炸魚餅 $55這個也不錯 也不會很油 而且餡料很足 不錯評分: 8/10🌟泰國甜點大會 (中) $98有三色大菜糕 椰汁西米糕 芒果西米糕 芒果糯米飯 其中最欣賞芒果糯米飯同芒果西米糕👍🏻👍🏻👍🏻評分: 9/10🌟

屋企人想食泰國菜,諗左幾間都唔岩心水,就醒起好耐無去既忠誠,因為無訂檯一定要等半個鐘左右,所以好多時無預定幾時食,一諗起都要打消念頭,今日唔理喇～太想食照去。佢地既座位唔少,有一般餐廳2-3個鋪既座位,我地約7點去到,食客非常多已坐滿,等位的也不少呢,望下訂檯簿仔,仲有10幾張檯先到我地,等到近一個鐘,有位了。叫個椰青解解渴$48,好大個好清甜,3個人叫左兩個,飲極都有!一個椰肉超嫩可以食哂d肉😍。泰式古法浸雞$152,食左咁多次原來未叫過呢個,皮香肉嫩連皮都食埋,超滑又有雞味,配埋泰式酸辣醬更正!串燒沙爹牛肉4串$58,花生醬加沙爹醬超香滑,牛肉燒得幾好,但有幾舊大既好韌。焗薄餅$42,有8塊咖喱未到時,我地一人食塊先,超鬆脆煙韌既薄餅,配埋咖喱吸哂d汁仲正!!鑊仔綠咖哩斑塊$85,超中意食涼瓜斑腩既我試試咖喱斑塊,原來唔系好夾,但綠咖哩一向是我首選超好食,仲有洋蔥,茄子,蘑菇,韭菜。食到一半仲有好多咖喱汁,再叫蒜蓉包$38,6塊超香脆軟熟,無得頂!

今日清明假﹐預約左上門狗狗美容﹐所以整日都係屋企﹐而老公就開舖﹐收舖後接埋我去大埔大尾督出名的泰國菜館﹐菜館名稱『忠誠泰國菜館』﹐這間菜館日日都高朋滿座﹐一般要等半小時才有位的﹐可能今日係清明﹐好多人都拜山加上我們又夜來﹐所以5係等左好耐已經有位﹐菜單上見到金袍筍殼魚﹐這是我老公至愛﹐所以先來點左呢隻小菜先﹐其後加了泰式古法浸雞半隻、咸魚炒椰菜苗、生灼肥牛湯金邊粉。金袍筍殼魚即廣東菜的油浸筍殼魚﹐外皮炸脆又不失魚肉鮮𠰌﹐不過建議上碟將豉油分開先﹐如果5係外皮便不會脆了﹐且索晒D豉油﹐這樣魚便太咸了﹐泰式古法浸雞同廣東菜白切雞分別不大﹐味道都不錯﹐雞肉也很滑﹐咸魚炒椰菜苗咸味合到好處﹐最後埋單剛好$500﹐不收加一外還送泰式甜品。這間菜館長期客人多的原因﹐明白了。