泰 (瓊華中心)

餐廳環境都幾舒適，大部份都係卡位，唔會好迫👍🏻燈光少少昏暗，加上餐廳佈置走泰國風，營造咗一種泰國餐廳嘅氛圍，幾有feel👍🏻1. 泰式小食拼盤 $168小食拼盤嚟講，款式都幾多，有魚餅、春卷、蝦餅、雞翼、兩款串燒，每款都有兩件。味道就不過不失啦，不過上到枱每一件炸物都係熱辣辣，好明顯即刻炸起👍🏻2. 黃咖喱牛肉 $128咖喱都幾香，不過就偏水，完全唔杰身，牛肉係牛腩嘅位置，不過就煮得有少少老，肉質有啲嚡口。3. 泰式炒粉絲128粉絲食得出係泰式粉絲，有少少野菌同蛋炒，不過份量唔多，而且粉絲比較乾身，好快就黐埋一舊，味道冇乜特別，唔算好食。4. 冬陰功海鮮湯$148冬陰功湯偏酸，辣味唔算勁，海鮮嘅份量都幾多，啲蝦都算大隻👍🏻（以上價錢未計加一服務費）值得一提嘅係，OpenRice訂座有八八折，晚市時段都有呀👍🏻利申：並冇任何試食活動/優惠！全部正價！(按餐廳MENU上價格付款)…Read More

旺角瓊華中心給我的印象就是放題店的集中地，但原來當中也有例外。泰 Thaiology 在其中成為了異類，是一間吃泰式料理的餐廳。 餐廳裝潢以綠色作為主調，配以金色的裝飾和實木牆，充滿泰國風情。而且大都是坐得舒服的卡位。用餐時間有120分鐘，可以邊吃邊聊天，不會很趕。如果想不到單點吃什麼好，會有套餐選擇都幾吸引。鮮蝦柚子沙律 (HKD 118) 清甜的柚子很多汁，而且份量超多。完全不是將柚子切到很碎那種，口感清爽。鮮蝦都幾彈牙，還有脆卜卜很香口的魚仔、腰果、青瓜等。加上酸甜醬汁，整個沙律非常清新開胃。泰式小食拼盤 (HKD 168) 一個拼盤就可以試到幾款小食。有魚餅，但我自己會喜歡吃蝦餅多一點，裡面是滿滿的蝦肉，而且剛炸起夠熱。另外春卷都是很香脆，雞翼也是外脆內嫩的。而且還可自選兩款串燒 (各有兩串)。我們選了豬 + 雞。豬的外層燒得比較乾身點，但吃落不韌。雞的話相對較嫩口，是配沙嗲來吃的喔。如果花生味再濃一點便好了。芒果糯米飯 (HKD 98) 每次我去吃泰式料理必定會點的甜品一定是這個。溫熱的糯米飯口感帶Q軟的，配上香甜的芒果和椰奶，十分配搭。最後還點了一杯 椰汁珍多冰 (HKD 54) 椰味超濃，甜度是剛剛好的。…Read More

#Thaiology，旺角瓊華，好特別既fushion名，餐廳幾Grand幾靚，啲裝飾同座位偏西式，幾優雅舒服😎餐牌咖哩、串燒、冬蔭功、泰式小食等都齊全👍🏻除左CHANG外仲有兩款生啤，飲返杯Asahi爽住叫野食🍺泰式小食拼盤🇹🇭泰式炸魚餅係我最鍾意既泰式小食😉幾有魚味而好重口味👏🏻脆炸蝦餅大大舊，香脆，入面成隻蝦係度，有料✨蒜茸牛油雞翼，又香又好味，肉嫩🥳網皮春卷驚人地鬆脆，好正既口感👍🏻沙嗲串燒4串，可以自選唔同肉既數目，泰式串燒梗係食豬雞，上枱個size好驚人😯比一般串燒明顯大，好吸引，先食雞肉，超級嫩滑，係真係有滑既感覺，好味😋 #豬肉串燒 肉質幾腍，好夾自製既沙爹醬，好好味🤤冬蔭功海鮮湯🦐好正，會上埋一個加熱既座幫你加熱住飲，酸度幾適中，愈飲愈爽😋有蝦、有墨魚仔仲有青口，都幾fresh，好味🌼串燒未夠喉，追加左炭燒大鱔，好吸引既賣相，焦香好濃，皮脆，個酸辣汁配嫩鱔肉好正😍滿足串燒正、泰食正，又飲又食相當正既一餐🥹相當唔錯既泰菜選擇！🤘🏻…Read More

約咗朋友去旺角食飯，大家都想食泰菜所以揀咗位置好方便瓊華中心嘅🌟泰 Thaiology 🌟💚青芒果沙律💚個沙律一嚟到我哋兩個都「嘩」一聲咁大碟有好多泰國青芒果絲、青瓜絲，食落好Fresh。💚泰式小食拼盤💚呢個拼盤啱曬有選擇困難症嘅人，多款泰式小食連串燒様様有，全部都唔錯，個串燒汁仲好香濃。💚原個菠蘿炒飯💚原個菠蘿上，賣相唔錯，菠蘿肉都算幾多，個炒飯比較重黃薑味。💚飲品：💚- 菠蘿梳打- 椰汁珍多冰呢度啲食物份量好大份，我哋2 個女仔食到好飽好滿足😁 店員安排左卡位坐位比我地坐得舒服。…Read More

瓊華中心呢幢大廈真係有好多好餐廳😗所以呢晚七點幾嚟到 地下排咗條長龍等lift上去食飯 呢晚約咗有人去頂樓嘅Thaiology🤤泰式小食拼盤呢個拼盤有魚餅 蝦餅 雞翼 春卷各兩件 再加四串沙嗲串燒😮 串燒有得揀豬 牛或者雞 我哋就揀咗豬同雞 拼盤入面每款食物都好香口 特別鍾意蝦餅 因為真係見到有成粒蝦仁喺入面 非常足料 好彈牙🍤 串燒嘅沙嗲醬都唔錯 有幾濃嘅花生味🥜咖哩炒軟殼蟹軟殼蟹雖然冇想像中咁脆卜卜 但係都好大件🦀 啖啖蟹肉口感好正 咖喱都有幾多配菜 翠玉瓜咬落爽口都唔錯 咖喱配蟹都好夾嘅😝香酥薄餅薄餅有三件 本身我諗住用咖哩炒軟殼蟹嘅咖喱汁蘸薄餅咁食 估唔到薄餅已經會配咖喱汁🤭 跟薄餅嘅咖喱汁比較杰身 咖喱嘅椰香味更加突出 更啱點薄餅食😎濕炒河粉叫呢碟真係唔怕會唔飽 河粉份量勁😂 配埋豬肉片 三色椒 洋蔥同埋菇炒 河粉味道唔會太濃🐷原個鮮椰青呢個椰青好大個呀 椰子水味道清甜 飲完仲可以刮啲椰子肉出嚟食添🥥呢間餐廳嘅嘢食份量都幾大 多啲人嚟食就可以食多幾款菜式 等我下次約多幾個朋友嚟先🙈…Read More

這間Thaiology位於旺角的瓊華中心頂層，店內環境寬敞舒適，窗邊的卡位更能飽覽旺角一帶的城景，還有一間分店於銅鑼灣。食物方面主打正宗的經典泰菜，由資深的泰廚主理。 Shake Shake海鮮(三款) - $328海鮮包分為自選3款、5款或8款海鮮配料。可從10款海鮮中自選3款，分別選擇了4隻扇貝和虎蝦，以及2隻鮑魚，扇貝鮮滑爽嫩，尤其月牙位好軟糯；去腸的虎蝦肥美又易去殼好彈牙；軟嫩的鮑魚去除內臟，有鮮甜的鮑香，或可加錢升級至原隻波士頓龍蝦或原隻活大肉蟹。店員會幫忙入袋Shake十分細心。海鮮本身經上湯熬熟，味道已經十分清甜，再搖勻秘製的冬蔭功湯，有濃郁的雞湯及泰式香料的酸辣，鮮甜的海鮮吸飽湯汁，香料餘韻悠長。泰式小食拼盤 - $168魚餅、蝦餅、香茅雞翼和春卷各二件及沙嗲串燒四串，配酸酸甜甜的泰式辣醬及濃稠的沙嗲醬。泰式炸魚餅的魚肉混合香料，有陣陣魚香之餘，更有微微香辣；金黃酥脆的炸蝦餅，膨鬆的蝦肉有少少原隻蝦肉好爽甜彈牙；雪白的雞肉好嫩滑多汁，有香茅獨特的清爽；串燒可選牛、豬或雞兩款組合，串滿肥美飽滿的牛肉及豬肉，塗上香甜的蜜糖，肉味濃郁好軟腍。芒果糯米飯 - $98半個芒果好香甜多汁，軟糯的糯米飯淋上香甜的椰漿，富濃郁的椰香，有少少黑芝麻。泰式奶茶 - $42偏橘紅色的泰式奶茶，富濃郁的泰國茶葉獨特香味，溫潤順口的煉乳調味，充滿泰國風情。…Read More

建議提前book位，即使working day 亦好多人食。🦐泰式生蝦刺身 💰128一盆大概共10隻，食法較外面嘅生蝦刺青更為特別。生蝦上面怖有一粒嘅細蒜蓉與小米椒，淋哋青檸汁令生蝦嘅鮮味更為突出，配搭醬汁，生蝦清甜至於亦帶有酸辣，推薦👍🍡泰式小食拼盤（魚餅、蝦餅、雞翼、春卷各2件、沙嗲串燒4串豬x2，雞x2 ）💰168一個拼盤，令點小食嘅時候唔會出現選擇困難，而且每款小食都做得幾出色。特色係沙爹串燒，肉質不會乾身，雞肉仲可以保持肉質好嫩，燒汁甜度適中。雞翼炸得好香脆夠入味。蝦餅真材實料含有粒粒鮮蝦。整體嚟講，全部小食都值得嘗試😋🍍原個菠蘿炒飯💰138材料豐富有肉鬆、提子乾、鮮菠蘿粒、果仁、蔥花等。炒飯係用印度咖喱嚟炒，帶啲啲香料嘅味道，份量完全足夠兩個人食用。🥭芒果糯米飯💰98口感十分軟糯有啲暖暖嘅溫度。芒果鮮甜原個鮮椰青💰128…Read More

泰國係好多人嘅鄉下🇹🇭搶唔到平機票返泰國食✈️都嚟由泰國主廚主理嘅餐廳食飯安撫下心靈♥️環境:7/10一入去已經好似係泰國嘅餐廳咁綠色金色嘅格調 好華麗💚🤎環境位置寬躺舒適🕌食物:7/101️⃣泰式生蝦刺身 $128蝦肉爽口彈牙🦐 份量都算多配個酸辣汁 好refreshing 用來做開胃頭盤一流🤤2️⃣泰式小食拼盤 $168魚餅蝦餅雞翼春卷各2件🍤🫔沙嗲串燒 🍢🍡雞,豬各2串拼盤來講算好多選擇啱晒咩都想食嘅人類🤣🙊3️⃣shake shake 海鮮(3款) $328成日見人食海鮮今日終於到我哋😍今次就揀咗魷魚圈🦑(8件)扇貝🐚同虎蝦🦐（各4隻) 海鮮好爽口 好新鮮 🌸配埋個特色調製嘅醬汁🍯越食越想食 好滿足👅飲品: 7/101️⃣ 泰式奶茶 $42同紅色嗰間泰式奶茶差唔多🧋懂的都懂🙊2️⃣ 椰汁珍多冰 $54呢個真係誠推 🤍飲落濃濃椰奶味🥥口感好rich唔會好似水咁稀 🥛💰性價比: 7/10 ($400/人) 泰國菜來講算貴咗少少🤫不過偶爾一次半次又開係旺角鬧市咁方便🏃🏼‍♀️🏃🏼都值得俾機會😈…Read More

媽媽想食泰菜，立即遵命訂枱，試過Thaiology 銅鑼灣店質素不錯，一於帶媽媽去旺角店試試，網上訂座還有88折呢。餐廳座位多以半沙發座，座位夠寬敞，以QR code下單，有問題亦可隨時查詢店員。泰式小食拼盤 $168拼盤包括魚餅、蝦餅、雞翼、春卷各2件及沙嗲串燒4串，串燒可自選配搭豬、牛或雞每款2串，我們要求轉晒雞串燒，店員也樂意幫忙。蝦餅熱辣辣夠彈牙，仲有不少蝦肉作餡料。雞串燒啖啖肉，每人2串好夠喉。咖哩炒軟殼蟹 $208份量十足，咖啡汁有蛋香一啲都唔辣，軟殼蟹用炸粉包住，炸起脆卜卜，配菜有粟米芯、菇菌、甘荀及紫洋蔥，好味到二人成整清晒。原個鮮椰青 $64捧住大椰青邊飲邊食埋椰子肉，爽呀～椰子水夠清甜，食完濃味食物好解渴。菠蘿梳打 $42可選甜度及冰量，我懶健康揀少甜同少冰，飲落岩岩好，內有好多新鮮菠蘿粒，又係解渴之選。…Read More

呢間餐廳由資深泰廚主理，嚴選食材，以正宗泰式烹調技巧製作各樣經典菜式🇹🇭💗炭燒豬頸肉 ($108)豬頸肉爽脆嫩滑，肉汁豐富，油脂豐腴，帶陣陣炭燒香。蘸上特製檸檬葉醬汁中和油膩感🐷💗泰式小食拼盤($168)🐟泰式炸魚餅 (2件)：炸魚餅結實爽彈，充滿九層塔同檸檬葉香氣，味道香辣惹味🦐脆炸蝦餅 (2件)：蝦餅炸至金黃香脆，蝦膠每日新鮮製造，而且仲有粒粒蝦肉，所以口感特別爽口彈牙🐥香茅雞翼 (2件)：雞翼大隻厚肉，炸得皮脆肉嫩，充滿肉汁，香茅醃料香惹入味🫔素菜春卷 (2件)：春卷炸得鬆脆香口，內𥚃包住椰菜絲、紅蘿蔔絲等，味道較清爽🍢沙嗲串燒 (4串)：串燒以人手自家醃製，外層塗上甜絲絲蜜糖香烤。雞肉串選用美國無骨雞髀扒，完美保留嫩滑肉汁；牛肉串則選用紐西蘭草飼牛柳，肉質細緻鮮美。蘸上特製濃郁沙嗲汁， 花生香非常突出💗原個菠蘿炒飯 ($138)廚師將炒飯炒得粒粒分明，然後將原個菠蘿起肉，係炒飯加入菠蘿、蕃茄、提子乾、豆角粒、蛋花、肉鬆等，口感非常豐富，特別酸甜開胃🍍💗馬拉盞炒通菜 ($88)通菜脆嫩無渣，馬拉盞微辣鹹香，仲有粒粒蝦米，炒得夠鑊氣又惹味🥬💗芒果糯米飯 ($98)糯米飯暖笠笠，口感煙韌軟糯，淋上濃郁醇厚嘅椰漿，甜而不膩🍚芒果香甜多汁🥭…Read More