Milu Thai มิลู่ไทย (百樂中心)

营业中

休息中

Sawadee khaaa! Check out Milu Thai มิลู่ไทย if you are craving authentic Thai cuisines in big portions with very good price! Highly impressive Pad Thai; meat grills; and mango sticky rice!泰國之夜首先炒碟通菜，有四個炒法（飛天/ 馬拉盞/ 蒜蓉/ 清炒），飛天係泰式落左辣椒黃豆同蒜頭，真係幾夠辣，通菜新鮮爽脆。泰式春卷皮超薄！包住粉絲木耳紅蘿蔔椰菜，點泰式甜酸醬好開胃。金邊粉真係必食，好好味，個蛋網又炒得靚，面頭仲要有三隻咕嚕炸蝦碌，非常推薦！燒烤同樣出色，份量大價錢相宜，最鐘意豬頸肉入口軟嫩，原味食已經好正；燒魷魚有圈有鬚，搭個酸辣醋汁好夾；燒牛柳用香茅醃過，配個重口味咸甜羅望子醬，點少少已經好濃郁。順便可以飲番啖乳酸梳打解渴。甜品超級無敵有誠意仲好好味，心型芒果糯米飯，用左帶花香既水仙芒（應該係），椰汁又煮得濃稠剛好，糯米飯份量俾得足，我俾十分。

- 銅鑼灣｜Milu Thai -▪️泰式青木瓜沙律🥗青木瓜好爽脆，味道唔會太辣，酸酸哋，非常開胃▪️火焰燒雞🐔原隻燒雞上枱，然後店員會即場淋啲酒，再點火，造成火焰效果🔥，之後再拎返去廚房切件再上枱。燒雞外皮燒得夠晒香脆，而肉質嫩滑juicy▪️火山排骨🐷超級大份，有好多件排骨，肉質非常軟腍，輕輕一撕開已經離骨，再配上酸酸辣辣嘅泰式青醬，好惹味▪️泰式燒魷魚🦑魷魚燒得啱啱好，保持濕潤，食落爽口彈牙，仲帶有少少焦香▪️珍多冰🥤充滿椰香，又唔會過甜，而且入面有唔少珍多，增添口感▪️椰青🥥椰青好大個，仲要入面啲椰青水就嚟滿瀉咁滯，滿足Milu Thai มิลู่ไทย📍銅鑼灣耀華街3號百樂中心2樓📍尖沙咀亞士厘道24-38號天星大廈4樓

情人節當然要食餐好某人對泰菜情有獨鍾～今年特登搵左依間風評唔錯既泰國菜撐枱腳本身係比火山排骨同火焰燒雞吸引左嚟，但後嚟見到實物有啲多唯有等下次人多啲一齊食再叫拼盤真係岩晒我依啲三心兩意既人一次過滿足晒我咁多個願望～蝦餅魚餅陣牙又香口香葉包雞夠晒惹味，仲有淡淡葉香蝦片脆卜卜深得我心燒魷魚夠地道有係泰國食既味道～爽脆既魷魚圈加埋酸酸辣辣既醬汁真係開胃又好味一個鍋可以食晒紅黃青三款咖哩唔需要取捨既感覺太完美啦～紅咖哩濃郁惹味、黃咖哩椰奶味香、青咖哩味道清新配埋各類新鮮海鮮一齊食無得輸咖哩三重奏仲有另外附上蒜蓉包粒提供，可以沾咖哩一齊食，吸晒咖哩既麵包粒好香好好味～真係神來之筆粉金邊粉都唔錯，麵身有咬口夠乾爽，又唔會炒到一舊舊，味道夠正宗食泰國菜飲個椰青水就夠晒地道清甜又解膩，飲完仲可以刮椰肉食

是日去左一間人氣銅鑼灣泰國菜食野，門口超多人等位，不過等左一陣就入得，因為入面都好多位我見到每枱都基本會點兩樣野一個係排骨山，超巨大另一個係會著火既雞我個人很喜歡食雞肉，所以果斷揀左燒雞食完整體味道都好滿意，難怪會咁多人食此外，服務方面基本上每個都好禮貌侍應都積極係餐廳中走黎走去，見到客人招手會好快望到➽豬頸肉沙律 $98豬頸肉燒得岩岩好，一點也不乾身邊烤得微脆，肉質帶少少肥有點juicy而且它帶點暖，是剛整好的溫度 調配的汁味道都好，少酸少辣整體好好食，推薦！➽泰式燒魷魚 $138 個魷魚醃過嚟，有少少咸味，就咁食都算幾鮮下加埋個汁真係好惹味，不過個汁都好辣，唔食得辣既唔好點太多➽火焰燒雞 $208 火焰雞一黎到係一整隻上，侍應會即時係我地面前點火，火焰燒左可能兩三分鍾左右就會熄，呢個位岩晒打卡用跟手佢地就會拎返入去切開個雞好好食肉質幾嫩，一d 都唔乾身要特別提下個靈魂醬汁，以甜為主帶少少的辣，好好食我同朋友都盛讚個汁配得好好！ ➽蒜蓉炒椰菜苗 $98佢地落既乾蒜比較香同味道入口帶少少甜咁,加左有提鮮既效果而且整個菜不會落超多油而油淋淋,都係我好欣賞既一點➽椰青$52 隻椰青個siz

成日見到大家都用呢間店嘅火山排骨打卡 今次終於去咗試🙈果然真係冇令我失望 除咗招牌火山排骨 其他嘢食都一樣好好味！🤍▪火山排骨$208👅:8.5/10勁大份!!三大塊排骨搭成火山形狀 視覺上好震撼😙拎嚟打卡真係一流～ 至於味道方面都非常有驚喜😍 肉質好淋 好嫩滑✨唔好以為排骨冇乜肉 肉嘅份量都唔少 而且好容易將啲肉撕出嚟🥹 有啲位帶有油脂 食落好香但係又唔會太油膩😋加埋店舖秘製醬汁 酸酸辣辣 食落好惹味 我同朋友都食到停唔到口😝▪黃咖喱炒蜆 $158👅: 8/10蜆嘅份量非常合理 蜆肉亦好鮮甜同埋大隻🤍咖喱個味道我好鍾意 微辣 有少少椰奶味 食落去好香好濃郁嘅咖喱味😋😋另外仲有蛋花洋蔥 令到成個咖喱更加香同豐富～份量真係好多 完全食唔晒🥲建議大家叫白飯嚟撈咖喱 perfect🥹🫶🏻▪馬拉盞炒通菜$78👅:6.5/10基本上每次食泰國嘢都會叫馬拉盞炒通菜今次呢間嘅炒通菜 炒得好有鑊氣 好惹味 但係我就覺得佢嘅辣味比馬拉盞味更加重同突出🤔通菜口感啱啱好 保留左少少爽口嘅感覺😝▪泰式燒魷魚 $98👅:8/10魷魚燒得好香 加咗層醬汁落去燒 唔使額外再點其他嘢已經好香好惹味～食落口 完全唔會乾

近期ɪɢ係咁被ʜɪᴛ爆嘅火山排骨洗版小編都抵受唔住要去潮聖喇😆不過唔覺意揀晒啲菜都係差唔多味..笑～🔖 火山排骨將一條條長型豬脊骨堆疊成山 真係勁高! 勁誇😱再淋上由魚露、檸檬汁、辣椒同芫荽秘製而成嘅汁肉質軟腍 配埋酸酸辣辣嘅秘製醬汁 超惹味❤️不過同朋友都係大懶鬼 覺得一路食一路拆好麻煩於是一口氣拆晒啲肉再慢慢歎(◍ ´꒳` ◍)🔖 青檸酸辣明爐烏頭 烏頭絕對足料 超大條 呢個價錢嚟講都值得嘅魚肉超嫩滑 仲用火爐烘住 醬汁愈煮愈入味所以食到後尾係比較辣嘅🔥 不過個味道同火山排骨勁汁有啲太似 只係魚同肉嘅分別 下次唔會再咁揀撞埋一齊～一路食一路好驚啲湯會滾瀉 點知又唔會喎(˙˘˙*)?🔖 泰式燒魷魚魷魚燒得有少少過咗火 食落口感韌咗少少🔖 椰青食泰菜又點可以少得椰青喎😉

耐唔耐就見到有人介紹呢間甚有睇頭嘅泰菜，一直以為係某某酒店旗下嘅餐館 🙈 誰不知原來係藏身系銅鑼灣著名食街樓上嘅小餐館 😍 位置幾方便，環境寧靜，嘢食性價比都唔錯 😙 除咗燒雞，其實佢哋仲有好多嘢食都唔錯，特別係燒烤類小食同海鮮 😗 仲有好得意嘅會呼吸嘅梳打，用乾冰代替冰塊，營造出好多氣泡同霧，視覺效果一流🍖 鎮店招牌 — 火焰燒雞 ($198)⁣⁣芭提雅燒雞呢個名係泰國菜非常普遍，但小妹都係第一次見企直燒俾你睇嘅燒雞 😄，店員點火之後火焰一下子標到好高，不過真系大火就真係只有一剎那，名副其實嘅曇「火花」一現 😆 幾過癮嘅但發呆多一秒都可能會 miss 咗呢個歷史性時刻 😅 雞皮就做唔到好似炸子雞咁脆，好在雞肉嘅肉質都算嫩滑最推介菜式⁣🦐 柚子鮮蝦沙律 ($98)⁣呢個沙律調味非常之好，柚子一啲苦澀 味都冇 😙 我都係第一次食到只有清甜味嘅葡萄柚，大蝦幾新鮮。最重要係呢個沙律唔會太濕 👍 又唔會一嚟就好辣，非常易入口同開胃⁣🦑 泰式燒魷魚 ($98)⁣居然有兩隻魷魚筒 🙊 多數餐廳都冇咁豪爽 🤗 魷魚仲有唔係細隻個啲，燒完都冇縮水，魷魚本身跟咗個甜酸辣醬，但我覺得點下面嘅青咖哩更夾

今晚本來想食日本菜但係book唔到位，唯有四處尋找可以訂四位的餐廳，見哩間嘅泰國餐廳都頗多好評，就試吓打黎訂位，好彩都有位。以上樓舖來說，餐廳座位都算多，牆身仲噴滿塗鴉噴畫，與其他泰國菜餐廳感覺非常不同。餐牌選擇亦好大路，但有幾款菜式會以吸晴方式呈現。先來生蝦刺身，加了乾冰來過視覺上的享受生蝦爽口鮮甜，蘸上綠色泰式酸辣醬汁，酸酸辣辣的，非常醒胃另一個開胃前菜，冰涼的無骨鳳爪脆爽有嚼勁，酸甜的醬汁不善吃辣的朋友都食到，配埋蔬菜絲一齊食本身看見這個魷魚賣相似乎不夠火候，但係食落就有好美妙的感覺魷魚軟滑，大概是剛剛熟的感覺，完全不靭，好快就食清碟主角火焰燒雞來了，一開始又來吸睛表演店員先點火，火焰包圍著雞身，直至熄滅。但最好就是表演完之後，不用我們自己切，師傅會好完美地出切開一件件，燒雞外皮香脆，肉質仍然香嫩多汁，不會燒得乾身放在雞旁邊的醬汁酸酸甜甜一齊食十分之惹味。飛天椰菜苗炒得非常香口，不會炒得過老，但頗為濃味！食泰國菜必點的金邊粉也不馬虎，金邊粉外圍以蛋網包著，賣相十分吸引金邊粉亦炒得乾身，仲有兩隻爽口大蝦總括而言，這間泰國菜還是值得再來的，每個菜式都做得四平八穩，如果是一班朋友來食，

泰國菜真係幾時都食唔厭，呢間新開無耐嘅樓上泰菜餐廳聽友人講性價比唔錯，叫我呢個泰菜迷有時間就去試下提供嘅菜式選擇多樣化, 由小食, 沙律, 燒烤, 主菜, 海鮮, 明爐, 湯, 飲品至甜品都有，差唔多想食嘅呢度都有先黎個柚子鮮蝦沙律 ($88)作開場，一蔬蔬柚子與鮮蝦加少少香料碎混合而色，帶少少微暖柚子粒粒飽滿，咬落多汁無苦澀味; 而蝦球則口感爽口，唯蝦味稍欠突出食泰菜，叫番杯青檸梳打 ($28) pair up是常識吧，Cheers..............青咖喱軟殼蟹 ($158)，以火爐"慶"住，全程都熱辣辣，仲有麵包磚伴食!青咖喱辣度輕微，醬汁香得黎都幾惹味，用外脆內軟嘅麵包磚沾汁食，好好味!講返主角先，軟殼蟹有3-4隻，炸得夠香脆，唔會一咬就咇到成口油，當然配合青咖喱汁又係岩數!個青咖喱汁入面仲有幾多蔬菜配料，例如西籣花，豆角，泰國"茄子"等，為左唔浪費咁好味嘅醬汁，特意叫多客香煎薄餅 ($38)黎點汁食，外脆內煙韌，同埋份量都唔少架!燒物捨棄串燒，改叫呢客泰式燒魷魚 ($88)，一客有成2隻魷魚，燒至微焦，食起上黎外香內軟，一D都唔韌，唔會好似食緊"香口膠"咁!  附設嘅

耀華街大概是我在銅鑼灣去最多的地方，那邊酒吧甜點餐廳應有盡有，而且一般價錢也比較相宜。百樂中心一到了晚上總是要排著隊上去餐廳，星期五晚上更是要等待好幾趟電梯。這天去的是位於二樓的新開泰國菜，也是朋友介紹的。蠢鈍如我排了好一會兒的隊，擠進去電梯後才發現，二樓不是該走樓梯更方便嗎？然而那時候已經有點太後知後覺了。最後，還是坐著電梯在眾人的目光下在二樓走出去。餐廳環境比較時尚，比起一般泰國菜多了一份摩登感。友人不吃肉，於是我只點了一份必試的牛油雞翼，然後其他的都點海鮮。蒜蓉牛油雞翼（6件） $58這道菜雖然常來類似的東南亞餐廳能吃到，卻不是常常好吃。這家價錢相宜，雞翼炸得非常香脆，每件都帶有蒜香味。旁邊還有很多一小塊一小塊的蒜蓉，絕對是心目中屬好吃的蒜蓉牛油雞翼。大頭蝦冬陰功湯（細） $118冬陰功也是我最愛之一。大頭蝦有兩隻，湯熱著喝慢慢也能喝完整份。泰式青木瓜沙律 $78平時吃青木瓜沙律有點美中不足的是覺得都不太辣。這個卻非常有驚喜，足料之餘也辣得很過癮。青胡椒辣椒膏炒蜆 $128炒蜆新鮮大隻，遺憾的是點了太多其他的，不然以蒜蓉包蘸著吃肯定又是另一番風味。泰式蛋包金邊粉 $88賣相極好的

在颱風天中同男朋友去左銅鑼灣搵野食，這次去了有眾多餐廳林立的百樂中心，我地見到有間新既泰式餐廳這就是Milu Thai 。餐廳用上色彩斑斕的畫來為牆身增添色彩，好䚍～我地叫左幾款小菜 第一碟就係泰式炒金邊粉$88 ，用上蛋製的網所包裹著金邊粉，而味道可以說是跟在泰國大街小巷普遍所吃到的大致相同，甜味適中，配上伴在碟旁的香蒜，青檸，辣椒粉，令到金邊粉有更多不同的味道。之後就係生蝦刺身$98，擺碟亦見是花費不少心思，而蝦肉爽脆彈牙，醬汁酸中帶辣，令人開胃萬分。沙嗲$88（豬，牛，雞）火候控制得宜，令到肉汁仍能保持，再配上餐廳秘製的沙嗲醬，令人一想再吃。青咖哩軟殻蟹配蒜蓉包$128，軟殻蟹份量不少，青咖哩汁醬濃厚，配上剛出爐的蒜蓉包，可謂人間絕配。牛油蒜香雞翼$58，雞翼外脆內嫩，蒜味濃郁，內外兼具，遠處已聞到蒜香味充斥，咬下時蒜味亦能在口腔中完全感受到。泰式燒魷魚$88，炭火燒烤，風味十足，配上醬汁，惹味非常。 最後兩杯飲好大杯 龍眼冰$28超多龍眼 好甜 另外椰汁冰都甜度剛好超香椰香味～餐廳食物味道好，價錢合理，服務態度很好，職員很樂意為我們解答～～～