泰灜

营业中

休息中

又係一年一度姊妹約我生日飯嘅時候喇，今次揀咗泰國菜，個地理位置都唔算難搵，我呢啲路痴都可以去到，今次真係飽到不得了，三個人嗌咗五個餸，先來個泰式生蝦，跟住再嚟個泰式豬肉生菜包，我唔係好食得辣嚟講覺得個生菜包有啲辣，不過好快我就適應咗啦，一啖生菜包一啖純芒果打嘅沙冰咩辣都唔記得啦！最想食嗰個麵包咖喱軟殼蟹嚟啦！雖然軟殼蟹冇乜特別，但嗰個麵包吸曬啲咖喱汁真係好好食啊！下次必定encore。見到隔籬枱隻火焰燒春雞，我哋又跟住嗌先，不過要等20至25分鐘喎！啲雞肉真係好嫩滑好juice，我呢啲牛魔王點可能唔食牛啊？？再嚟多個街邊燒牛肉，如果啲牛肉可以燒生啲就更加好啦！已經飽到不行了，鑒於係我好姊妹同我補足生日，點少得芒果糯米飯砌成嘅生日蛋糕啊！點都要俾面食🥳🥳，總括嚟講大滿足大滿足大滿足，下次一定會再去幫襯。

朋友邀請食泰國菜，好正宗泰國廚房，夠特式，每個菜式你感覺到師傅精心炮製，服務很好，貼心👍👍👍吃埋個驚喜芒果糯米蛋糕😋😋😋令我過咗一個好難忘❤️❤️又開心的生日晚宴！一定要推介多的朋友嘗試到咁美味的泰國菜式。👍👍👍

五月份飯局太多，自己又忙，同契媽提早慶祝母親節，上Openrice搵食肆時，意外發現這間泰菜，食評唔錯，便打嚟訂檯，並訂了火焰雞及生蝦。我們一行六人，叫了12款食物，火焰雞，上檯時，很有視覺及氣氛效果，成檯人都哇哇聲，但試食後，只有少部份皮是脆，雞脾位才是嫩的。生蝦爽口彈牙。燒蠔，怕唔夠分，我叫了兩份，不過不失。金邊粉味道唔錯。冬蔭功不會太酸，辣味適中。忘記名字的甚麼蛋及甚麼菜，沒失望，也沒太大驚喜。串燒雞肉，好嫩。劈開椰青見海鮮，賣相一流，個名好有霸氣，但味道只是合格。蒜蓉包是唯一失望的，蒜味不大，也不脆。幸好食到近尾聲，攝影師幫我們影咗張即影即有照片作留念，更送了一客母親節獨有甜品之大菜糕，為這頓飯添上美麗的回憶。總括來說，食物平均有七分，另三分是留給他們再加努力的，但服務態度及店主心意滿分。

最近見ig成日有人講依間泰菜想黎試下係咪真係講得咁好地點吾難搵。佐敦地鐵站C出口行幾分鐘就到。地點都幾就腳香辣肉碎生菜包 $78
d肉真係好香口。夠香辣 都要食得少少辣先食到呀 入面有少少洋蔥 啱晒鍾意食洋蔥既我🤤生菜非常新鮮泰式生蝦 $98一碟6隻，我地4人叫左2碟因為真係好好食。好好食。好好食（重要既野要講3次）隻蝦真係好新鮮同埋好大隻。成日九龍城食到既係草蝦佢地用上既係海蝦。更鮮甜爽口加埋蝦頭炸左。熱辣辣好惹味芒果糯米飯 $68
佢好多芒果吓 d飯熱辣辣 溝埋d椰汁好好食。我地4個人極速清曬一碟P.S: 同場見到有人訂左個芒果糯米飯既蛋糕上面重有一朵由芒果砌成的玫塊花但原來要提早預訂先有店員招呼親切有禮