新泰東南亞餐廳

营业中

休息中

今晚約朋友到新泰東南亞餐廳，位於尖沙咀加拿分道25-31號國際商業信貸銀行大廈地下1A號舖及地庫。 餐廳門口就見到有架泰國篤篤車， 店內設計亦很有泰國風格。 主打泰料理，菜式多。 晚餐 ～ 泰式生蝦$118、 肉碎生菜包$88、泰式蝦炒金邊粉$118。 🔸泰式生蝦 ～ 食泰菜又點少得生蝦？肉質厚實爽嫩，蝦味鮮甜，配上泰式醬汁和蒜片，味道一絕 。 🔸肉碎生菜包 ～ 將惹味的肉碎放進生菜裏， 兩者包裹著一起吃，清爽可口。 🔸泰式蝦炒金邊粉 ～ 用蛋網包著金邊粉，賣相精美，金邊粉炒得夠乾身，口感彈牙，甜中帶酸，配上鮮蝦和花生碎，擠點青檸汁，味道層次更豐富。 整體價錢適中，地點方便，菜式味道好。 🏷️溫馨提示～ 整個用餐體驗均屬個人分享意見， 只作參考😊。

前排去咗尖沙咀的新泰東南亞餐廳食晚餐。位置好方便，地鐵站一出幾分鐘就到首先是佢地的泰式蝦炒金邊粉，係蝦和金邊粉炒製而成，味道好香。蝦肉夠爽身，搭埋金邊粉的彈牙口感，食落幾滿足跟住係佢地的馬拉盞通菜，依個結合了馬拉盞和通菜的特殊風味。馬拉盞的辣味與通菜的清爽相互融合，有一種獨特的口感和味道另外一樣令我印象深刻的係麵包焗咖喱軟殼蟹。軟殼蟹夠酥脆和咖喱醬夠香夠濃郁。軟殼蟹的外層炸得金黃酥脆，入面仲有啲汁，搭配香辣的咖喱醬料，口感幾豐富最後係鴨肉生菜包，夠清爽又健康。鴨肉的香氣與生菜的脆爽相得益彰，鴨肉搭配香料炒，令成道菜更加好味除咗食物的味道外，佢地的價錢都相對合理。餐廳的人頭價位在150-250港元之間，對於提供的品質和份量來說是幾化算的

朋友生日🎂,  約好她喜愛嘅泰國🇹🇭餐廳, 她發牌, 叫了 ＊小拼盆 (蝦🦐餅、魚🐟餅）($168）蝦🦐餅彈牙爽口, 蝦肉沒有被完全打爛, 仲有粒粒蝦肉在內. 口感不錯😌. 魚餅吃到啖啖魚肉, 調味也不蓋過魚嘅鲜味, 材料新鮮,貨真價實.＊串燒沙嗲(雞、牛、豬) （$88）沙嗲雞、牛、豬各兩串, 串燒燒得不乾且有汁. 蘸一層層厚厚的沙嗲醬更惹味.＊泰式蝦炒金邊粉 ($118）蛋網緊緊包住金邊粉,  未吃已被賣相吸引. 蛋網下有三隻新鮮大蝦🍤, 金邊粉份量下少, 炒得乾身不油膩. 蛋絲、葱、芽菜、蝦混合花生🥜碎和青檸檬汁, 口感更豐富.＊咖喱蝦(＄228）大蝦🦐炸過, 爽口彈牙, 咖喱汁偏甜, 椰香味濃, 一試無妨＊叻沙湯蝦米線🍜($88）湯頭香濃, 配搭豆卜, 雞蛋,  蝦🦐, 魚片等佐料, 即成為一碗兼具甜, 鹹且微辣嘅湯米線🍜, 大大刺激食慾.＊泰式甜品小拼盆($98）一份有多款甜品, 每款都好好食, 椰汁香濃, 不會太肥, 怕肥嘅女士們也不能忍口啊唷!大家都滿意今餐嘅食物, 如果想食泰國🇹🇭菜, Sun Thai 都會係我哋之選.

朋友建議來到尖沙咀的新泰東南亞食泰國菜，是一間幾有人氣的泰國餐廳，真是全院滿座，等侯時間約15分鐘左右。餐廳的職員全部大部分都是泰國人，店內不論是裝修、燈光都幾柔和，讓人有種很舒適的感覺。👭🍽️🇹🇭✨ 泰式蝦炒金邊粉（$118），金邊粉被一絲絲的蛋網包圍住，賣相很吸引，蝦肉很彈牙、豆腐干很有咬口，金邊粉炒得熱辣辣幾夠火候，茄汁的味道很突出，酸甜又開胃。🍳🦐🔥✨ 泰式青咖喱（$108），可選豬/牛/雞，牛當然會係我嘅first choice 。牛肉煮得很腍，片片厚度適中，幾有牛味。青咖喱汁有點微辣，少少酸酸甜甜的青檸味道，都幾惹味，伴上豆角、南瓜，味道香濃豐富。🍛🐮✨ 蒜蓉包（$42），每片都幾厚身，烘得好脆，淋上青咖喱汁，簡直一流配搭。🥖🧄✨ 糯米飯布甸（$60），布甸同糯米飯的比例是一比一，上層布甸質感軟身、濕潤，口感綿密，布甸充滿蛋香、班蘭味道。下層糯米飯軟身、溫度暖暖，入口帶點煙靭。這款甜品真的是製作出色。🍮🍚😋✨ 椰汁冰（$45），椰奶味重，味道純香細滑，食正式泰國菜真是其中一款必點的特色飲品。🥛🧊

本人很喜歡泰國菜，今日難得和朋友一起放假一聚，就來了尖沙咀這間人氣泰國餐廳。餐廳門面好靚，就算要等候，都有位置可坐下！用餐區在地下一層，入面都裝修得精緻舒服！落單後大概5-10分鐘就開始上菜，不會等太久。而且店員態度很好，中間也會主動幫忙添水。最先來到是冬蔭功湯（$98），我們點了小份，但其實分量足夠每人兩碗仔，有一隻切邊的大蝦，和菇類，還有其他泰式香料，味道酸甜可口，層次豐富，勁快就被我們清了全部，是我人生吃過最好飲的冬蔭功湯之一，而且性價比極高！青木瓜沙律（$78）口感清新，青木瓜爽口，堅果類香脆，搭配甜酸辣的調味汁，提亮了整個沙律的味道，十分開胃。嗜酸辣人士會十分喜歡！麵包焗咖喱軟殼蟹（$248）。這裡的咖喱配上椰汁，香濃之餘辣度減低，就算插在咖喱汁一段時間，軟殼蟹表面仍是脆的！炸得剛剛好，配上咖喱汁味道更香！麵包也焗得剛好，表面少少脆，配上咖喱汁十分合拍。泰式蝦炒金邊粉賣相十分吸引，有層蛋網包着，裏面蝦的份量也不算少，金邊粉彈牙，整體偏甜不辣，能中和沙律和冬陰功湯的辣味，蛋網也帶有少少煙靭的味道，有驚喜！這間泰式餐廳無論裝修還是味道，都是高水準，價錢合理，難怪人氣一直高居不下！

｛新泰東南亞餐廳｝尖沙咀高質泰國菜.位置尖東站K11對面的新泰經過無數次都有好多人排隊 原來可以用QR code登記排隊～ 紅日晚上6點幾攞飛 可是被告知要8點半才有位終是同朋友轉戰另一間 邊吃邊等 再戰鬥(* ｰ̀ ֊ ｰ́ )و✧最後等了1小時 7:30就可以入座.店面及前台 超有泰味的裝修如大象門神🐘 同篤篤車🛺等 好像置身泰國中而用餐區在樓下 隨樓梯下去十分寬敞 座位亦十分多 但仍長期滿位 因為真的好吃～(˶¯ᵕ¯˶).✎  泰式蝦炒金邊粉 $108Pad Thai, Fried Thin Noodle with Shrimp in An Omelet✽好味指數：★★★★☆/5.✎  飛天通菜 $75Stir-fried Morning Glory with Chili & Garlic✽好味指數：★★★★/5.✎  燒豬頸肉 $78Grill Pork Neck Serve✽好味指數：★★★★☆/5.✎  椰青沙冰 $58Young Coconut Smoothies✽好味指數：★★★★/5.✎ 泰式甜品小拼盤 $88Dessert Platter ✽好味指數：★★★★☆/5.⚐

這是我們第二次到這間餐廳，訂了晚上6:00，可能是因為假日繁忙時段，今次有限定時間，入座起計90分鐘，7:20就last order了，食得有點急。炸蝦餅，蝦肉彈牙，又唔太咸肉碎生菜包，賣相麻麻地，生菜有點細塊，味道尚可金邊粉，好好味，又唔乾泰式生蝦，差不多檯檯都叫，我就冇食菠蘿炒飯，呢個一般啦，味道略為淡 燒豬頸肉，燒得岩岩好，肉質又嫩又彈牙 串燒，有齊雞牛豬，我試了雞串，雞肉好嫩有汁青咖喱雞+ 印度酥餅，咖哩裏的雞肉略為太少，只得幾塊，而且酥餅太硬太乾，一點也不鬆脆，這味餸稍為失色冬蔭功，不辣，1-3人飲其實岩岩好芒果糯米飯，必叫，椰汁比較多，$68試吓無妨這間餐廳門口日日排長龍，相信是因為味道好而且價錢合理，室內裝修又靚坐得好舒服，侍應都是泰國人，食物有保證，下次必定會再來

聽同事講呢間泰式餐廳好味又唔貴，於是就拉埋係附近返工既朋友仔黎食下野，傾下計。香芒軟殼蟹米紙卷軟殼蟹唔會炸到油淋淋，仲保持到香口既口感，香芒少少甜唔酸。一口一舊，啖啖肉，食落好滿足。鹽焗鱸魚肉身夠滑，又有不少配料做調味，一d都唔腥，不蘸醬都好夠味。再者，d肉同骨好易分開，連我吾鐘意食魚吐骨既fd都大讚。原條上，百幾蚊，咁好食，值得一試。見午巿套餐75蚊，幾抵，所以都叫左個泰式蝦炒金邊粉+綠豆沙冰。泰式蝦炒金邊粉份量不少，配料幾豐富，有蝦仁、芽菜、魚片、花生碎、蔥等……大男人都應該夠食。綠豆沙冰大大杯，充滿綠豆味，甜度唔記得叫少甜，都無話過甜，清熱解辣必叫。雖然餐廳不算超大，但到處都係泰國既感覺。

呢間泰菜係尖沙咀好似好出名，去左試果然唔錯泰式蝦炒金邊粉去泰國餐廳緊係要試pad thai，呢間係用左網絲蛋去包住金邊粉，煎到有蛋香，而金邊粉就炒到好有鑊氣，每條都沾到酸酸甜甜嘅醬幾開胃，而且配料有蝦、豆干等好足料～椰青冬蔭功出面好少見加左椰青嘅冬蔭功，好似多左份椰香清甜味，balance番辣味配料勁多，有切開左嘅蝦方便去食、大量唔同種類嘅菇、椰青肉etc 呢份L size份量真係好多，應該夠3-4人用香芒軟殼蟹米紙卷層米紙有少少煙韌嘅口感，但整體又唔會太厚，包住菜、炸軟殼蟹同埋芒果，芒果食得出係新鮮keep到juicy，再配埋外脆內軟嘅軟殼蟹，感覺好fresh～番石榴沙冰呢杯沙冰勁大杯😂冰打到綿綿冰咁幾smooth，番石榴味重唔似人工味，天氣咁熱飲完透心涼

朋友介紹食既泰國菜首先環境唔錯既 濃厚既泰國風情暗暗地都幾有feel😂但地下就好跣 要步步為營加上有好多級樓梯要行所以小朋友同老人家會唔太方便.食物方面泰式蝦炒金邊粉$108😯😯份量都幾多下 啲味道都幾貼近係泰國食麵質又唔會太濕又唔會太乾👍🏻仲想講佢啲青檸超多汁 好正.串燒（6串）$88牛·豬·雞 各二佢贏左係個汁到👍🏻👍🏻 肉質就正常發揮 唔乾身 同埋都幾厚肉.泰式凍奶茶$38幾好飲 不過唔重茶味 奶味會香啲但整體都唔錯既 會有淡淡既香料味.綠豆沙冰$38呢杯野出奇地好飲 好解渴啲冰都整得幾碎下 唔錯因為我麻麻地鐘意食到有冰粒都推介 可以試下叫😋.芒果糯米飯$68首先我係‘反椰人士’😂😂好抗拒我為左朋友就試試佢😂佢既椰汁唔重 如果想食椰汁既人 應該幾失望似係椰汁加花奶咁 結身 但我就一般般佢有分兩種糯米 一種係普通 一種係黑糯米黑糯米有咬口 普通果隻就綿口啲芒果好甜 唔酸 自行決定叫唔叫啦😝.埋單$374（加埋一）

就算冇食過都一定經過過嘅泰國菜😋尖沙咀已經有兩間分店 而且超多人食唔知幾時可以做到總有一間係你左近😂店內空間好大 座位亦都闊落 我哋一行四人星期五晚6點多都唔使等就入得！而且價錢中等 係朋友聚腳嘅好地方.🎈燒西冷牛扒 ($118)肉嘅生熟程度有啲參差 有啲位好韌 但係有啲位就嫩滑可以見到中間係剛剛好嘅粉紅色 外表隱約有烤過嘅味道 呢個位都做得OK比較欣賞嘅係個泰式酸辣汁 配埋一齊食幾開胃😋評分: 7.5/10.🎈泰式蝦炒金邊粉 ($108)作為泰國傳統名菜pad thai其實基本上每次去泰國餐廳都必點🤣呢個嘅外型就100分啦 用蛋網包住打卡一流略嫌金邊粉炒得比較碎 味道不過不失應有嘅配料青檸 花生碎都有齊勝在份量夠大 性價比比較高評分: 7/10.🎈泰式青咖喱 ($88)呢個越食越辣 咖喱椰香味幾重😋雞肉唔韌 配料都幾多份量大到有種食極都食唔完嘅感覺😂評分: 7/10.🎈印度酥餅 ($32)呢個配咖喱一齊食係絕配😍酥餅烤得幾香 外脆內煙韌而且上碟嘅時候都冇淋哂 係飽肚之選👍評分: 7.5/10.🎈醃無骨鳳爪沙律 ($68)說實話呢個我有啲surprise🧐個醬汁隱約有點柚子味 食落都幾

突然想食泰菜，身邊朋友強推呢間餐廳，一星期前訂好位，用餐時間90分鐘。餐廳地點好方邊，係正K11隔離，當晚7:00去到暫時都未有人等位。門口仲有部tuk tuk係到，一入到去已經好有泰國Feel我地一行5人，先叫左5道菜加1碟金邊粉。先講講野飲，我地叫左椰青沙冰，超級有驚喜！椰青沙冰 $58椰青沙冰我真係要比100分！超濃椰汁味，又唔會太甜，份量都好足！呢個真係必叫！我覺得佢D上菜次序有D奇怪，咁多樣野竟然最先黎既係金邊粉。泰式蝦炒金邊粉 $108賣相好靚，味道都算可以既，但同正宗係泰國既相比真係仲有好大段距離。不過大蝦比得好足，而且大大隻。其實暫時我都無係香港食過一碟真係好好食既金邊粉，所以無期望都無失望。馬拉盞通菜 $75微辣，正常發揮。麵包焗咖喱軟殼蟹 $208呢個真係要激讚呀！咖哩唔算辣但好香口，軟殼蟹熱辣辣，就算用咖哩浸住都仲Keep到係脆口！再配埋面包真係完美既配搭，我真係諗唔到有咩理由唔叫佢！呢味真係必試呀！小拼盤 $108兩樣都唔錯，蝦餅都足料彈牙。魚餅有少少偏咸。燒原隻魷魚 $98全晚相對地比較差既一道。燒魷魚唔夠火候，唔香口。$98既魷魚黎講偏比較細條，好普通。鐵板

無得去泰國，唯有食泰國嘢止下癮😭如果唔係朋友介紹都唔知呢度有間泰國菜，仲要抵食夾大件，唔怪得咁爆場啦🤔【泰式柚子蝦沙律】非常足料，蝦同柚子都大大粒，要嚟做頭盤好開胃😋【泰式炸蝦餅】新鮮炸起熱辣辣，咬落彈牙👍🏼【肉碎生菜包(豬肉)】份量十足，如果香料味重D會更好🤔【麵包焗咖哩軟殼蟹】比較有特色嘅一道菜，賣相非常吸晴🤩咖哩汁夠濃郁，要嚟配麵包一流👍🏼👍🏼👍🏼【泰式蝦炒金邊粉】金邊粉炒得夠乾爽，入口酸酸哋食得多都唔覺膩🤤【泰式奶茶】個人覺得如果可以少甜，同埋茶味再重D會更好😆【椰青沙冰】每一啖都隱約食到椰青肉，沙冰裝滿晒成個椰青，椰香十足🥥👍🏼

放工同先生喺尖沙咀覓食，俾呢架色彩鮮艷嘅Tuk Tuk吸引住，一睇就知道係食泰國菜，門外亦有唔少人等位，似乎唔錯。餐廳位於地牢，地方非常大，仲有幾間包廂，而且座無虛席。食泰菜當然唔少得蝦餅，先生提議嗌呢道烤蔗蝦，好有新鮮感，用鮮蔗串住蝦膠，香口彈牙不在話下，加上淡淡嘅蔗香，唔錯。冬陰功亦有驚喜，味道香濃，酸辣度適中，材料亦算豐富，有大大隻蝦同唔少鮮菇，連平日對冬陰功要求極高嘅先生都大讚。馬拉盞炒通菜加入蝦米同肉碎，鹹鮮惹味，通菜亦保留到爽脆嘅口感，水準頗高。金邊粉炒得夠香口，用蛋網包住，口感微微濕潤，味道夠哂地道，仲有大大隻蝦仁，如果配搭埋辣椒粉就更點睛。咖喱軟殼蟹配上用牛油烘過嘅麵包，係完美嘅配搭，而且份量非常多，三四個人食都唔係問題。軟殼蟹炸得酥脆，入口仲有淡淡嘅蟹膏味，味道鮮甜；黃咖喱香濃細滑，而且椰奶味夠重，配搭軟殼蟹就最合適不過。除咗軟殼蟹之外，麵包亦係另一重點，麵包質感軟熟，搽上牛油之後烘至表面微脆，沾上咖喱一齊食，令人滿足！而且咖喱份量好多，即使成件麵包浸落去亦絕對足夠，非常邪惡！今晚每道菜式都令人滿意，味道夠哂地道正宗，而且價錢合理，難怪市道唔好依然人氣爆燈。

咁岩喺附近等朋友放工，見到呢度裝修好似幾靚，所以就想入嚟試吓。呢度真係幾靚㗎，門口有兩個大象嘅裝飾，啲牆又整晒流水牆，咁加埋啲燈光效果，夜晚望過嚟特別搶眼，淨係睇到都想試吓。行埋小小門口，負責接待嘅侍應已經好熱情咁招呼我哋，講下有啲咩推介，就更加令我想入去試吓啦。我地嗌左泰式蝦炒金邊粉，泰式菠蘿炒飯，冰鎮翡翠蝦，炭燒豬頸肉。佢個泰式蝦炒金邊粉，好得意㗎。佢用蛋醬整左一個網，食個金邊粉之前就要整開個網先，先可以食到。我就覺得啲配料少左啲，不過我就覺得味道都唔錯嘅。另一樣泰菜必嗌就係菠蘿炒飯雖然未當造，啲菠蘿都甜嘅，不過我就覺得呢個唔夠味。豬頸肉，反而呢個小食就做得幾好，夠味之餘，加埋啲醬汁，十分惹味！