Tommy Yummy (翡翠中心)

营业中

休息中

行過中環行人天橋都一定會見過呢間餐廳，bookmark咗好耐今次終於試到喇🤤🔸串燒拼盤6串 ($152)有六款唔同嘅串燒，有豬頸肉、雞肉、牛肉、豬肉丸、牛丸同糯米豬肉腸，醬汁亦可以揀泰式酸辣汁/沙嗲汁👍🏻🔸泰式蝦餅 ($98)蝦餅非常足料，入口彈牙，每一啖都食到蝦肉🦐🔸虎蝦海鮮混亂杯麵 ($128)呢個應該係餐廳其中一個signature dish📸擺盤賣相打卡一流👍🏻酸酸辣辣嘅冬蔭功味炒麵搭配虎蝦、魷魚、青口等海鮮，真係睇得又食得👍🏻🔸打拋豬肉碎煎蛋飯 ($108)經典嘅豬肉碎撈飯，加咗香料一齊炒嘅豬肉碎配埋白飯非常惹味😋🔸芒果乳酪疊疊冰 ($118)每枱必點嘅甜品🤤賣相精緻，外層嘅芒果乳酪冰磚果味香濃，芒果味刨冰內有糯米飯增加口感，配上椰漿更美味，果然係餐廳嘅招牌甜品👍🏻🔸泰式奶茶 ($44)非常正宗嘅泰國奶茶，茶味香濃又唔會太甜🔸泰式奶綠 ($44)帶有茉莉香嘅奶綠，味道不錯🔸椰香菠蘿飄雪 ($55)濃郁嘅椰香味加埋酸甜嘅菠蘿味，非常適合夏天飲☀️#FEVI_thai#FEVI_中環📍Tommy Yummy中環威靈頓街98號翡翠中心1樓

打風後既午餐食餐飯行左三間餐廳都無開 最後揀左系附近新開既Tommy Yummy🤭 環境好chill舒服 我地坐角落位 仲有cushion😌牆上仲有啲小句子😂😂叫左冬蔭公金邊粉 同肉碎炒飯 冬薩公吾辣 小酸 好開胃😚😚 海鮮材料有蝦 青口 魷魚 配菜有草菇同芽菜 整體好味🤣 仲有小食蝦餅蝦餅好有誠意咁系令人感覺佢原蝦上🤣🤣 用蝦膠炸既 面頭再加左隻蝦 幾特別😋朋友叫左肉碎炒飯配蝦餅同沙律 我都share 左少少食 第一啖勁吾好彩食左辣椒籽 勁辣 之後挑反啲辣椒出黎就無事 整體味道都okay 配埋我個冬蔭公湯底 好正😎

環境5分：位置超級方便，响扶手電梯旁邊。樓上舖花園式西餐廳格局，綠草如茵，牆上D金句搞笑，D泰文歌勁啱聽，令人好自在同放鬆，可以畀滿分。衛生5分：地方包括廁所都非常之乾淨，入門口有集團口罩套自己拎，衛生一樣畀滿分。服務5分： Ｄ服務員好friendly，雖然話係電子自助落單，但都有推介招牌菜，特飲，同做緊Ｄ乜優惠，都係滿分。味道5分：1)      Singha生啤夠凍，個龍杯先有氣勢。2)      同生啤一個組合嘅泰式魚餅食落好香口。3)      泰式蝦餅一碟有四件，每件都係成隻蝦嚟，炸得非常香脆之外，果隻蝦真係超彈牙超爽脆。4)      椰香青咖哩雞個咖哩汁帶少少辣，入面Ｄ雞肉非常嫩滑。配咖哩個薄餅又薄又香又軟熟，點埋D咖哩汁食非常好味。5)      打拋豬肉碎煎蛋飯夠熱，肉碎分量都算多，撈埋隻煎蛋同個飯一齊食，好香好嘢味。跟飯果個蝦片超脆超香口。抵食5分：舒適嘅環境食住泰國菜，有去泰國旅行嘅feel，食到成枱食物都係四百鬆D蚊，非常抵食，中環嚟講價錢合理，值得再去，抵食一定畀滿分。