Tommy Yummy (翡翠中心)

营业中

休息中

环境5分：位置超级方便，响扶手电梯旁边。楼上舖花园式西餐厅格局，绿草如茵，墙上D金句搞笑，D泰文歌劲啱听，令人好自在同放松，可以畀满分。卫生5分：地方包括厕所都非常之干净，入门口有集团口罩套自己拎，卫生一样畀满分。服务5分： Ｄ服务员好friendly，虽然话系电子自助落单，但都有推介招牌菜，特饮，同做紧Ｄ乜优惠，都系满分。味道5分：1)      Singha生啤够冻，个龙杯先有气势。2)      同生啤一个组合嘅泰式鱼饼食落好香口。3)      泰式虾饼一碟有四件，每件都系成只虾嚟，炸得非常香脆之外，果只虾真系超弹牙超爽脆。4)      椰香青咖哩鸡个咖哩汁带少少辣，入面Ｄ鸡肉非常嫩滑。配咖哩个薄饼又薄又香又软熟，点埋D咖哩汁食非常好味。5)      打抛猪肉碎煎蛋饭够热，肉碎分量都算多，捞埋只煎蛋同个饭一齐食，好香好嘢味。跟饭果个虾片超脆超香口。抵食5分：舒适嘅环境食住泰国菜，有去泰国旅行嘅feel，食到成枱食物都系四百松D蚊，非常抵食，中环嚟讲价钱合理，值得再去，抵食一定畀满分。