Tommy Yummy (翡翠中心)

营业中

休息中

環境5分：位置超級方便，响扶手電梯旁邊。樓上舖花園式西餐廳格局，綠草如茵，牆上D金句搞笑，D泰文歌勁啱聽，令人好自在同放鬆，可以畀滿分。衛生5分：地方包括廁所都非常之乾淨，入門口有集團口罩套自己拎，衛生一樣畀滿分。服務5分： Ｄ服務員好friendly，雖然話係電子自助落單，但都有推介招牌菜，特飲，同做緊Ｄ乜優惠，都係滿分。味道5分：1)      Singha生啤夠凍，個龍杯先有氣勢。2)      同生啤一個組合嘅泰式魚餅食落好香口。3)      泰式蝦餅一碟有四件，每件都係成隻蝦嚟，炸得非常香脆之外，果隻蝦真係超彈牙超爽脆。4)      椰香青咖哩雞個咖哩汁帶少少辣，入面Ｄ雞肉非常嫩滑。配咖哩個薄餅又薄又香又軟熟，點埋D咖哩汁食非常好味。5)      打拋豬肉碎煎蛋飯夠熱，肉碎分量都算多，撈埋隻煎蛋同個飯一齊食，好香好嘢味。跟飯果個蝦片超脆超香口。抵食5分：舒適嘅環境食住泰國菜，有去泰國旅行嘅feel，食到成枱食物都係四百鬆D蚊，非常抵食，中環嚟講價錢合理，值得再去，抵食一定畀滿分。

首先一入門口，就比整個綠色格調籠罩住，個氣氛真係好似活在森林咁，加上一大幅玻璃窗連結戶外既自然光，而夜晚果陣同樣夠chill，治癒能力一流。而佢地既菜式賣相大玩新意，破格得黎又不失傳統味道，又係時侯打卡啦！👇📌主 食 -▪️ 泰 式 雞 肉 炒 飯 -▪️ 芒 果 糯 米 飯 - ▫️ 主食先黎個「泰式雞肉·炒飯」，伴菜有炒蛋、車厘茄、蕃茄，夠鑊氣得黎不乏一種清新感，同時大廚炒得夠乾身，入口唔會油腍腍，呢點抵讚；而「芒果·糯米飯」造型非常吸引，絕對唔係平時hea就咁碟頭上果種，面頭既椰子雪糕蓋住厚厚既芒果片，再倒埋花奶一齊食，份外清甜；糯米飯口感煙韌，整體層次感相當豐富！📌小 食 - ▪️ 豬 肉 丸 串 - ▪️ 泰 式 魚 餅 - ▫️ 小食方面亦有驚喜，呢個「豬肉丸串」啖啖肉，肉質夠哂爽彈，配搭沙嗲汁，濃香惹味，唔錯；而「泰式魚餅」適逢happy hour只需要98蚊就連埋一大杯生啤上比你，一碟四件，即叫即炸，食落香脆無比，呢個價錢認真抵食。📌飲 品 -▪️ Singha 生 啤 - ▪️ 泰 式 奶 茶 - ▫️ 野飲方面有我頭先提過既「Singha生啤」外，仲有呢杯極具特色既「泰式奶茶」，雖然