蝦蝦燒

营业中

休息中

- 荃灣｜蝦蝦燒 -▪️流水蝦🦐有滿滿嘅大頭蝦喺魚缸，而且個魚缸就喺座位嘅隔離，可以隨時想食幾多就夾幾多，加上refill速度都快，唔使驚俾人夾晒。不過大頭蝦非常生猛，紮紮跳，要成功夾到都係一個挑戰😂 而夾咗之後就要放落冰水🧊，等佢哋暈咗先再燒▪️海鮮除咗大頭蝦，自助區亦都有好多其他海鮮可以揀，例如鮑魚、蠔🦪、蜆、扇貝、魷魚🦑，同埋唔同品種嘅魚🐟等，另外仲每人送咗一串鱔，整體每款都好新鮮▪️串燒🍢有超級多選擇，成三十幾四十款，仲要豬🐷、牛🐮、羊🐑、雞🐔、香腸、丸、菇🍄‍🟫、蔬菜🥬，全部都有另外，海鮮同串燒都可以自己調味。調味料區有豉油、泰式辣汁等醬汁，仲有葱、辣椒🌶️、蒜茸🧄、牛油🧈，而枱面亦都有粗鹽🧂、孜然粉、椒鹽，同埋辣椒粉，咁就可以試到唔同味，冇咁單調▪️飲品🧃、甜品🍨有多款罐裝飲品同紙包飲品選擇，包括汽水、果汁、茶等。而甜品同樣有唔少選擇，除咗有雪糕同雪條，最特別係有窩夫🧇，可以配雪糕食，甚至有提供香蕉🍌，可以自製香蕉船🙆🏻‍♀️p.s. 荃灣店依家做緊優惠，可以無限時任食，係全港首間，咁就唔使趕住食啦～.蝦蝦燒📍荃灣眾安街55號大鴻輝(荃灣)中心11樓📍佐敦白加士街10-24號永富大廈1

見到朋友 ig upload 左一缸蝦，細問之下原來係荃灣有流水蝦、海鮮 bbq 任食, 於是趁中秋國慶長假期同 朋友仔 去試下, 支持下本土夜經濟去到職員細心解釋-- 用冰水浸暈d 蝦，鮑魚記得要剪殼以免爆炸、生蠔可以放下層等等, 解釋得好仔細雖然係任食, 但係所有野都refill 得好快, 去到10 點幾臨走仲係會refill 值得一讚係荃灣店有個叔叔好好服務﹐不時睇下客人有咩需要, 仲要主動幫手剪鮑魚殼整體食物質素都好好, 連飲品同雪糕都各有 2 個櫃 ，肉類選擇都唔少, 連豬大腸都有推介蒜容包, 一定會再去~

放工搵食，朋友提議燒烤，於是我們就決定去「蝦蝦燒」開餐！「蝦蝦燒」位處荃灣大鴻輝中心11樓全層，一開升降機門就見到大大個霓虹燈招牌，好易認！餐廳全自助式，有超過50款肉食和瓜菜，牛羊豬雞應有盡有，一定有一款啱你心意！海鮮方面，除了流水蝦，估唔到連鮑魚和生蠔都有，大大隻，非常juicy和肥美！夾好食材，就埋位燒。唔好睇佢爐仔細細，分上下兩層，三人共用其實都好夠位。加埋大大個抽氣管，燒了2-3個鐘都唔怕成身燒烤味！咁多肉食，私心推介燒叉燒，肉質勁嫩滑，非常易咬！玉子燒都係必食，好香蛋味！新鮮從水中撈起的活蝦，真係生蝦咁跳，燒前記得用冰凍暈牠們，燒得更人道和方便！枱頭有四款調味料，我最愛係孜然粉，好惹味！飲品方面，放滿四個冰櫃，連啤酒都任飲，啱晒酒鬼！最後埋單，每人$348加一，抵過星期五、六、日去食！

之前在佐敦食過一次蝦蝦燒🦐， 今次試下荃灣分店，位於眾安街55號大鴻輝(荃灣)中心11樓。 星期五晚上八點到達， 每位$378加10%， 食到大約十點半。 坐低不久店員已經為我們送上燒鱔串和蒜蓉蝦， 燒鱔是每人一串， 肥美好味🤤👍🏻。 蒜蓉蝦的肉質就當然沒有新鮮流水蝦好吃啦， 但都可以一試😊。 首先讚一讚海鮮區，有魚、蠔、扇貝、帶子、蜆和鮑魚等等🤩， 食海鮮都已經夠曬飽， 仲有鮮甜美味的流水蝦呢！ 串燒方面我最喜歡豬大腸， 香脆可口。 飲品種類有罐裝、盒裝、啤酒和真露， 不過留意真露真是特別搶手， 好快已經冇貨了🤣。 個人感覺比較喜歡荃灣分店， 店員服務親切， 座位舒適， 最重要每張枱都有流水蝦供應， 不用行出行入👍🏻🥰。 🏷️溫馨提示～ 整個用餐體驗均屬個人分享意見， 只作參考😊。

今日收工同朋友黎食荃灣呢家蝦蝦燒，可以任飲任食兩個半鐘。食品種類豐富，有不同的海鮮選擇，例如大頭蝦，帶子，花螺，生蠔，鮑魚，泥鯭魚和黃花魚，款式多到食唔晒, 加上職員會無限添加同供應，所以唔怕給人拎晒👍🏻。帶子非常大粒，燒完都無縮水，入口啖啖肉，非常清甜，配上蒜蓉一齊食更加正🤩。😜鮑魚仲識郁，全部都係新鮮大隻，店員都會好貼心地示範怎樣剪開個殼，叫我們唔好連殼一齊燒因為會爆開，燒完的鮑魚非常爽口及彈牙，完全唔韌。大頭蝦非常新鮮，蝦肉好實身，爽口彈牙，蝦頭d蝦膏流晒油🤤花螺非常大隻，不過要燒好耐先熟，螺肉沒有沙和鮮甜。😍仲有超級大條泥鯭魚，有一隻手掌咁大，魚肉非常實身，燒完之後魚肉變得好鮮甜。另外各款串燒，各款肉類，不同的熟食，不同的飲品選擇，以下我會推薦好食推介1.燒鰻魚一人一串，外皮燒得好香脆，肉質厚身肥美2.菠蘿🍍非常大件，切得厚度適中，菠蘿汁清甜多汁，非常開胃3.雞軟骨燒完之後非常脆卜卜，外酥內脆的雞軟骨，口感豐富，加上椒鹽樸實簡單的調味，減輕了油膩感4.燒茄子🍆茄子原本沒有什麼味，所以都會擺好多蒜蓉喺上面去燒，食落除咗有蒜香味還有茄子的清甜，仲會有少少口感。5.多春魚多春魚非常多

今日嚟荃灣大鴻輝食流水蝦放題，之前喺銅鑼灣食過，而家嚟到荃灣呢間蝦蝦燒，舖頭面積好大，星期一晚飯時間非常旺場，人頭湧湧。自助區好多嘢食，最受歡迎嘅當然係海鮮部，🤩款式種類好多，有蠔🦪，鮑魚，帶子，扇貝，大蜆，東風螺，魷魚🦑，魚都好多款：馬友，黃花，鱲魚，深海泥鯭⋯⋯重點係新鮮，見到海鮮部姐姐不停清洗同refill，供應源源不絕👍🏻凍櫃入邊放咗多款串燒肉類，包括雞翼，牛扒，雞軟骨，豬大腸，多春魚，肥牛金菇，豬肉，雞肉⋯⋯丸類：芝士腸，紅腸，腐皮卷，台灣腸，獅子狗⋯⋯蔬菜類：粟米🌽，菠蘿🍍，南瓜，翠玉瓜，茄子🍆，小甜薯🍠，仲有各種菇類🍄⋯⋯飲品都有好多款選擇，想要唔凍嘅嘢飲職員都會拎俾你，雪糕都有好多款式。仲可以加$10就任飲生啤🍺仲有熟食，比嗰啲等唔切燒好肚餓嘅朋友填下肚先😂燒烤爐旁邊就有魚缸放咗流水蝦，店員會不停refill，想食嘅時候就可以即夾即燒，超方便；枱面放咗各樣嘅工具同四款調味料，包括辣椒粉，椒鹽粉，孜然粉及粗鹽，俾你DIY製作屬於自己味道嘅菜式，出面仲有蒜蓉同粉絲，可以用來整蒜蓉粉絲燒扇貝😍今日的主角：大頭蝦🦐好生猛好大隻，燒好後外殼非常香脆，內裏肉質彈牙，大頭蝦個頭都唔好

一入門口，就見到個海鮮區，有專員負責，不停refill。隔離有個沖洗檯，可以即刻沖乾淨，拎番位慢慢燒。串燒選擇都幾多，有🥩🐔🐷🦑🐠🍄🍆🎃🍍🌽🍞🧇 等等。座位上有幾款調味料，如果想食濃味d既野食，可以燒個陣加落去添味。座位都算闊落，流水蝦就係隔離，好方便。侍應會介紹下點燒同埋點樣整暈d蝦。就係出去拎水同冰，整桶冰水，之後夾蝦入個桶到❄️暈佢，建議擺完蝦入桶，即刻擺隻碟係桶面，以防🦐未暈，跳左出黎。D蝦即夾即燒，好鮮甜同彈牙😋😋入座會送每人1條鰻魚，有小小骨，不過幾肥美，好食。出面熱食區都有唔小選擇，仲可以自己淥菜同面。飲品同甜品都係任飲任食。整體黎講，2.5小時都好足夠，海鮮質素唔錯，串燒選擇又多，首推燒蝦，真係好鮮甜。