丼瀛 (已結業)

今日同朋友咁啱去開觀塘工業大廈攞野，經過見到呢間日式餐廳，見到門牌幾得意，寫住 ”520 1314”，就入去試下。入到去裝潢簡單，但空間幾闊落，算企理乾淨。唐揚脆香雞定食野食款式有頗多選擇，最後揀左呢個lunch set。跟set 有沙律、飲品、茶碗蒸、及味噌湯，成個set 都幾豐富。唐揚脆香雞既雞肉應該係即炸，新鮮熱辣，外皮非常香脆，咬開仲會爆肉汁，食嘅時候要小心辣親個嘴🤭，認真唔錯!海之幸丼朋友食呢個lunch set 都好豐富，有三文魚、赤身、油甘魚、赤蝦、蟹肉、三文魚籽，刺身好新鮮，食落好鮮甜，份量唔少，三文魚赤身油甘魚都勁厚切，非常肥美，入口充滿油脂，連埋其他幾樣海鮮mix 埋嚟食，朋友話呢個丼好食都無得頂，攪到我下次都想試下佢既刺身添😋!餐廳嘅定價唔高，服務態度好，值得支持!

呢間高質日本菜黃店真心正由佢仲係榮昌，一直食到而家呢間大啲既鋪座位之間都好闊落，幾好坐今日難得有機會去食Lunch佢堂食都唔算好平但見佢啲午市自取餐平到嚇親人！好傷心，個日冇晒我最愛既海膽每個餐都會跟麵豉湯同蒸蛋佢個蒸蛋十級好味！好滑，好充料仲有銀杏係入面！我淨係係日本見過，香港好似冇乜見落呢樣料海之幸丼(三文魚2片、赤身2片、油甘魚1片、赤蝦1隻、蟹肉、三文魚籽) $1488.5分每款都好新鮮！唔會腥！好好味！佢俾左勁多三文魚籽，好開心！啲三文魚籽都唔會好咸赤蝦好大隻，肉質都好爽！日本豚肉壽喜燒 $888.5分佢有啲其貌不揚我冇諗過佢會咁樣成個煲上但佢極充料！超多豚肉！而且味道都好好！佢啲野超大份，建議叫佢少飯！小店係僅餘仲會播榮光既餐廳係日日俾國歌洗腦既狀況下唔知香港人幾時會忘記呢首屬於香港人既5201314

丼瀛-絕對係觀塘人氣💛店，今日同朋友去開apm ，當然要去幫襯佢，係apm 港茂中心嗰出口行5分鐘內到。其實之前都叫過佢哋嘅外賣，外賣好抵食，放lunch放工都啱。今日朋友同我就叫兩份lunch set, 兩款海鮮丼飯🍱。Lunch set 除咗有海鮮丼飯，仲包咗麵豉湯🥣、沙津🥗、茶碗蒸🥚同餐飲🥤，好豐富！松葉蟹肉甲羅燒蟹膏丼 $128呢個丼飯勁多料，好啱鍾意食蟹嘅人🦀。佢除咗有甲羅燒，仲有蟹肉、蟹柳、蟹鉗同蟹籽。甲羅燒略為經過火燒，燒得香噴噴，如果再燒耐啲，一定可以再香啲。蟹膏填滿晒成個蟹蓋，撈飯食好正！蟹肉新鮮，啖啖肉，真係好滿足😋。連埋脆卜卜蟹籽食，層次感更豐富。海之幸丼 $148丼飯總共有6款刺身(三文魚、赤身、油甘魚、赤蝦、三文魚籽同蟹肉)，乜都有啲，啱晒心大心細有選擇困難嘅家姐。三文魚肥美；赤身富有吞拿魚味，無筋；赤蝦幾大隻😆；三文魚籽無腥味，對得住價錢。另外，丼飯本身撈咗飯素，飯量亦好多，食得好飽。茶碗蒸茶碗蒸細細碗，內面有雞肉、鳴門卷🍥同白果做餡料。茶碗蒸啲蛋好滑身亦夠味，不錯😜。整體而言，丼瀛食物性價比算高，午餐款式又多，無論生定熟都有好多選擇，外賣仲有超值優惠，大家

一直知觀塘多好嘢食，今日朋友帶我嚟食呢間日本餐廳，果然冇介紹錯。食物出品唔錯，食材都好新鮮，而且店員親切有禮，晚飯氛圍幾好。我見佢啲lunch set好抵食，如果我喺附近返工就好了。去唔到日本，食日本嘢補償番都開心😛魚刺身甜蝦海膽卷呢個前菜真係不得了，有晒我鍾意食嘅海膽同甜蝦，而且賣相好繽紛又靚，一啖一個，滿口都係鮮甜味，真係好滿足清蒸茶壺海鮮湯（一人前）賣相咁得意，啱晒打卡原來入面都好足料，有帶子、蝦、青口、蜆，熬成一小壺，貴精不貴多，不過兩個每人都倒到兩三杯仔。入口係另一種鮮甜但不會腥，好味海之幸丼飯嘅用料都好豐富，大大件刺身鋪喺面，見到就食指大動了。我覺得餐廳嘅用料幾新鮮，所以啲海鮮同刺身都好味😋明太子醬燒玉子超好食！面層嘅明太子醬燒到少少燶，上枱嘅時候聞到真係好香。我第一次食呢個配搭，覺得真係好夾，推薦一口豚肉豚肉燒得唔會太乾，肥瘦肥瘦啱啱好，好食日式炸豆腐豆腐好滑溜，豆味好重好香

店舖大約距離觀塘地鐵站十分鐘路程，穿過apm行幾步就到。海之幸丼，$178，舖頭叫得做丼瀛，相信呢味菜係呢度嘅主打菜。裏面配搭咗八款唔同嘅海鮮刺身，每款都好新鮮，特別欣賞油甘魚，好重油香，回味無窮。溫泉蛋松葉蟹肉椰菜沙律，$68，無論賣相定係味道都係清新嘅感覺，絕對係健康之選。清酒煮時令貝，$98，清酒嘅味道都唔會太搶，每一隻都大大件，另外仲配搭好多蔬菜配料，非常抵食。鍋燒烏冬，$98，配料有天婦羅炸蝦同埋唐揚炸雞，湯底係豬骨濃湯，配搭烏冬食落真係唔錯。

呢間日本菜 𝑐𝑝值都真係幾高！原條茄子 $𝟹𝟾比一大堆木魚花𝑐𝑜𝑣𝑒𝑟曬成條茄子🍆食落好𝑗𝑢𝑖𝑐𝑦 好鮮甜～翠肉瓜 $𝟷𝟾 / 鹽燒雞腎 $𝟷𝟽 / 明太子雞翼 $𝟷𝟼@ / 牛舌呢度嘅燒物都幾出色！翠肉瓜超嫩多汁入味！雞腎醃得好惹味而且爽口～明太子雞翼炸得好香 好細心切開左方便食☺️牛舌厚身入味 有咬口而且夠曬香🤤牛肉壽喜燒 $𝟷𝟷𝟾黎到真係成個煲上 仲要超大煲 嚇親我地🤣(無視個燶左嘅煲 入面無燶味架)牛肉唔算超肥 但食落唔會韌 亦好入味壽喜燒湯底微甜好香 我地都好中意！另外佢嘅份量真係超多 我地加左烏冬之餘..原來佢入面本身原來已經有粗粉絲～配料仲有冬菇 紅蘿白 菜 等等🤪海之幸丼 $𝟷𝟽𝟾上面嘅剌身都算幾新鮮同鮮甜 而且厚切～蟹肉嘅份量都幾多🦀呢個價錢算抵食🤙🏻