便民腸粉店

营业中

休息中

作為一個海南粉打手，我終於搵到香港最正宗嘅海南味道啦😭，見到個賣相聽到啲文昌話就知一定冇嚟錯，食落口仲係嗰個味😭，而且又平又大碗，真係掛死我了。見到咁多人大熱天時排螺絲粉，真係好想同佢地講，不如嚟太子食海南粉啦，好食仲要唔洗排呀😭。✏️海南粉 $42 🍎9.5/10其實真正叫法應該係抱羅粉，可能用海南粉做噱頭會多啲人識掛🤔。哩一間冇用到海南米粉，而係用米線代替，前者較粗身有咬口啲，不過就算改用米線都唔影響佢嘅味道！因為係用牛骨熬製，所以個滷汁係鮮甜中帶酸，好開胃，如果再杰身啲就更好啦，不過依然好掛汁。配料有花生、酸菜同醃過嘅乾牛肉條，所有嘢一齊擺落口真係超滿足，特別係個牛肉條，好入味好juicy，真係其他地方搵唔到的味道，仲要先$40就有一大碗連豆漿，真係想日日都去食😭。✏️正宗海南豬骨湯米粉 $32 🍎8/10因為抱羅粉實在太好食，哩個湯粉即刻被比下去🤫。其實個豬骨清湯都係鮮味十足，有瘦肉、粉腸同豬潤做配料，如果鍾意食辣都可以加佢嘅自製辣椒醬，不過個人認為食海南粉最重要係食個湯同汁嘅鮮甜味，唔會食到成口味精個肚又唔舒服😋。✏️雞蛋鮮肉腸 $22 🍎8/10雖然係標榜石磨腸粉，但腸粉皮唔算好

想去海南島但而家又而家未有機會可以去到嘅朋友，不妨可以嚟便民腸粉，一嘗海南美食一入到去就有一大張餐牌睇晒有咩食，地方唔算太大，好有小店嘅感覺，而且有著古法傳統手工既美食，大家真係要支持下天氣熱辣辣，飲返杯凍豆漿就夠哂解渴，石磨豆漿果然係唔同d，真係好鬼死滑架呢碗海南粉真係係香港未見過上面有花生、芫荽、牛肉絲、酸菜，將佢哋同米線撈埋一齊食，個汁就甜甜地，成碗面都幾夾，因為有汁嘅關係成碗面其實一啲都唔乾，夏天食就啱晒啦我哋叫咗兩款茶果試吓，白色嘅係原味，綠色嘅就有雞屎滕味，好似去咗轉長洲咁入邊係有爆多花生粒㗎，出面就好煙銀我引頸以待嘅石磨腸粉終於嚟啦，腸粉皮真係好薄餡料我哋就揀咗豬肉，呢個都係出邊比較少嘅餡料你碗粥好有家嘅味道，粥都煲到好棉

放咗工同朋友食野，大家都想食d清清地既野，無意中經過呢間店，比佢d腸粉吸引咗，決定入去食因為太肚餓，唔覺唔覺叫咗唔少野食😆我地首先食茶果同雞屎藤，餡料好豐富❤之後食手抓餅，脆脆地好好味~最期待係叉燒腸同雞蛋豬肉腸，兩碟腸粉都好有米香，而叉燒既份量都唔少，正！我最鍾意係海南粉，麪質爽口，肉質唔粗糙，唔錯！朋友就鍾意發菜蠔豉咸豬骨粥，因為入面有好多瑤柱絲好足料。最後見到好多糭，點咗隻嚟試試，好有傳統風味~