海南雞專門店

营业中

休息中

#海南雞專門店 早兩日工作時經過太安樓，早已聞名依度有好多平靚正美食，可惜次次唔係路過就係大排長龍，今次趁中午飯前有空檔，馬上把握機會試吓！其中依間海南雞已經有唔少網友叫我去試，今時唔同往日已經要$40一份。因為之前食咗早餐所以冇加大，附送一杯 #薏米水雞肉係幼條狀，食落口係非常嫩滑，質素高真係唔錯，難怪要加雞👍 幼條狀做法似新加坡，當年係牛車水食2蚊坡紙就係依個雞絲。油飯少少硬身但可以接受，兩色醬加薑蓉比較普通。另外薏米水都有驚喜，雖然細細杯但杯底好多薏米，潮濕天氣正好🙂雞的確係唔錯，可以考慮成隻買，至於雞飯$40都算可以，但份量就應該唔夠飽😅 加上堂食環境唔理想，未試過可以試吓，試過可以買外賣會較好。海南雞專門店西灣河筲箕灣道57-87號太安樓地下A32B號舖@foodiehck2022 #港飲港食平靚正 #太安樓美食 #西灣河美食 #午餐 #人氣之選 #排長隊 #海南雞飯

咁啱出開港島要係西灣河搵食，第一次進入太安樓結界，成個環境都幾似葵廣😂知好多嘢都出名，見到雞飯好多人排隊同埋有得堂食就揀咗佢。大部分既餐廳都係外賣多咁餐牌主要都係海南雞，見到好多人叫雞翼飯加腎/潤。不過我哋就冇試佢啲內臟淨係叫咗雞飯買完個飯就可以拎去對面食，不過位置就有啲偏細成個餐個賣相都好靚，雞既份量都唔少（以40蚊嚟講係抵食）而且佢配足哂咗多款汁。雞好滑本身起好哂骨👍🏻👍🏻飯係油飯仲要都好大碟飯辣汁就比一般既辣，醬油都唔錯另外，買飯會跟一個冬瓜雞湯，有好多冬瓜既料係入面而且唔太油膩

同同事lunch黎食呢間太安樓名物，真心覺得好抵好好食，除咗坐嘅地方唔太舒服之外，其他都好滿意！原本我見Menu有雞翼腎飯都係$30，心諗以為佢會比得好少就加雞（$10）點知⋯$30飯包兩隻雞全翼⋯女仔食一定夠！油飯一粒粒冇痴埋一舊好好食😋 海南雞滑得黎唔會好油，亦都唔會好似啲白切雞咁有血🤤配埋嗰兩個好好食嘅醬汁，一流！夏天食岩哂，好開胃🤤🤤呢個就係同事叫嘅海南雞髀飯，一樣好抵食好足料🤤🤤🤤

看到店外大排長龍就急不及待試試看！這裡的招牌固然是海南雞飯，只是$38但相當高質，可以加配其他滷水配料，若堂食可以到對面的位置坐下來吃。雞肉非常嫩滑，油飯沒有香茅味但也很入味，薑蓉豉油也很惹味，最適合撈飯！可是酸辣汁像加了水的泰式辣醬，不太特別。份量未算不多，女生也可以吃完整碟，但真的很美味！不夠飽的可以再到周圍掃掃街～

經過太安樓，遠遠見到小人龍排隊，行近些原來係海南雞專門店，雖然聞名已久，但未有正式食過。今次是第一次光顧這店子，眼見這裏堂食已經滿座，唯有選擇外賣，今次選了海南雞飯。海南雞飯的分量尚可，但雞肉十分嫩滑，而且雞肉已經去了骨，配合豉油及薑蓉，味道不錯。而跟這款飯送上薏米水，價錢亦算經濟。下次一定試一試其他菜色。

第一次黎到太安樓，食店種類繁多，見呢間海南雞專門店有條小人龍幾有人氣，就膽粗粗去試下。 店舖以外賣為主，講明堂食亦可以到對面舖位坐低食。海南雞飯 $38無骨雞肉份量唔算多，但配有重量級雞油飯底，飯粒粒分明，無骨雞肉很嫩滑，沾上酸辣醬同類似甜豉油加薑蓉，兩種都各有風味亦都幾好味。 薏米水個飯會另送湯或薏米水，薏米水味道清清地不會過甜，薏米份量佔整杯三分之一好足料下。 油飯實在太多，二人分享都唔錯，食完可以係太安樓繼續覓食。

有日五點幾經過見到呢間店好多人排緊隊, 心唸點解唔係食飯時間都咁好生意. 搵日lunch黎試左, $38有海南雞飯飯+冬瓜湯. 講個飯先, 入面落左薑, 夾埋d雞食係好味. 飯粒粒分明, 食落唔油, 比較健康. 份量夠飽雞唔係好多舊, 但食落係新鮮, 無骨而且嫩滑, 部位唔肥全瘦肉.有兩種汁, 一種係酸辣汁, 一種係豉油加蒜蓉, 視乎個人口味

中午經過太安樓，在現今市況底下其他店舖未見有人等候，但此店仍有四五人的人龍。人龍雖然不長，但相較之下可見其人氣。試了最基本的海南雞飯。海南雞飯由當初早期的$20慢慢加到現在的$38。另外送一杯薏米水。雖然前邊有四五個人等候，但是店員處理得很有效率，沒有等了很久，不消數分鐘，便拿到了外賣。雖然雞肉比想像中的少，但是骨頭處理得很乾淨。雞肉下方有青瓜增加爽脆口感，旁邊亦有姜茸點綴。油飯偏乾，薏米水不會太甜膩。

講到太安樓有咩係必食不可，呢間海南雞飯絕對係最多人推薦，每次嚟到都會見到大排長龍，雞油飯做到好好，好香，海南雞冇骨，而且雞肉嫩滑，配埋薑蓉同黑醬油真係好好食，只係雞的份量太少，完全唔喉

住左係依邊咁多年，由佢未岀名開始食，見住佢由$25加到$28再加到$30，但係都係覺得物超所值，咁多年來味道都無變過，都係咁好食。雖然雞飯有加價，但係佢加料個啲就冇，例如加雞一直都係$5。佢會包一個冬瓜湯，自從飲過一次之後我就冇再叫佢俾埋我，因為我係一個重口味嘅人，佢個冬瓜湯適合健康人士飲，極度淡，但都可以證明到佢係冇落味精。佢係12點左右就會開始多人，好多學生都會去排隊買來食，大概都要等15-20分鐘，如果想食就盡量避開呢啲時間喇同埋太安樓冇冷氣同好焗，排起隊上嚟都幾辛苦

又黎講下太安樓食物，如果話係東區既平價食物集中地，一定無有錯👍今次介紹永遠去到都係要排隊既海南雞飯--------海南雞飯$30d 雞好嫩滑😋而且無骨，可惜份量唔多重點係個油飯真係做得好出色，非常香，食唔停口👍以前$28會有青瓜，但依家加到$30反而無左雖然由$28食到依家加到$30, 但仍然覺得好食，完全對得住個價錢，我覺得比d賣緊$5x或以上既海南雞飯更加好食--------環境：依到可以拎完餐過對面有個堂食位，堂食d 位係同隔黎鋪一齊共用，不過座位唔算好多，如果繁忙時間黎食，未必有位而且依到係自助形式，食完記得要自己執好d 垃圾呀

去到太安樓行過呢間鋪頭，永遠都有好多人喺呢間雞飯店排隊，仲要係次次都有好多人排隊，唔係一兩次既事，次次唔想排咁長龍，我選擇唔食都唔想排隊，今次見到得7個人排，就好啦，試下啦。一試就覺得幾好食喎，d飯又唔硬，d雞都夠林，雞連豉油好正，我開頭見佢俾唔太多豉油我，我叫佢俾多d豉油我，幾好，食雞飯一定要有豉油😋佢d疆蓉我就麻麻地啦，個人唔鐘意。佢咁樣叫仲有個湯，不過我就覺得味精湯，所以就放棄左。但佢個雞飯又真係好食既，可一可再👍🏻👍🏻

一直好想去太安樓食野，終於搵到個地膽陪我，仲推介我食呢間海南雞。據朋友所講，以前呢間舖只做外賣，現在對面租多咗一個舖位比食客堂食。 海南雞真係唔講得笑，雖然雞係切得幼少少同唔算多雞，我要的不是雞脾，但都好滑。 而個黃油飯亦真係好好食，粒粒分明，除咗平時食開既黃油飯味道，好似仲多咗陣香味，提升咗層次。無雞淨飯都食到一碗。湯用紙杯裝著，我就一向都唔飯，不評論。咖喱牛筋腩亦唔錯，牛筋腩都好淋同入味。環境就不要要求太多了，位置是比較迫，同因為人流多，食完都唔好意思坐太耐。

之前提到我返工既目標係食晒港島既好西！所以今日就去遠少少 去太安樓買午餐～其實鰂魚涌的確係好多好野食，點解我要搭的士去咁遠買飯呢？就係因為一個字，貴。鰂魚涌果堆比OL食既餐廳太貴啦，下下都70幾蚊80蚊。我真係handle唔到。我計過，我搭的士去太安樓食飯呢都平過係鰂魚涌食足！足！一！半！下就一點幾，鋪頭已經好多人排隊，都真係幾多上班族黎食，可能係太古城返工？但邊個有我咁神心先？我諗就未必有了～如果想堂食係可以既，就係鋪頭對面，佢有個鋪仔比人堂食。話明鋪仔，我梗係爭唔蠃啦。所以就買外賣算數！見唔見到？ 三十蚊一個飯。罕見度直逼米埔d黑臉琵鷺啊！轉眼間已經返到office。真係要讚呢個飯。首先，分量好夠。我呢碗叫咗少飯既，佢本身仲多飯！佢既雞量好多，夠我餸晒成碗飯。而且，係比錢既時候先知有湯送嫁！我呢個係雞骨煲冬瓜湯，我朋友既係薏米水。應該就係隨機的。即刻慳返野飲錢！一讚：個油飯好香，粒粒分明，唔會太硬或太淋，食得出唔係cheap米。讚！二讚：雞件好食。去骨呢d都基本啦，佢隻雞無雪雞味，都幾新鮮，但要睇隻雞咩料，識睇一定睇塊皮。雞肉同皮之間無肥油，塊雞皮厚薄適中，滑，仲有好香既雞味～～～

每太安樓嘅海南雞飯果然名不虛傳！每次經過都好多人排隊，所以都prefer食左其他先，今次多啲時間食晚餐，所以排下隊都無妨，終於有機會試淨係排隊都排左半粒鐘，加上夏天熱辣辣，都幾難頂，秋冬天應該會舒服啲，側邊仲特登開左個area for海南雞飯既客人，環境都算係咁，開頭仲以為要企系度食食第一啖已經明白點解會咁多人去幫襯，海南雞配上秘製醬汁真係正到一個點唔會太咸又帶點酸甜感覺幾特別，海南雞都好多舊，每一舊都好嫩滑，油飯則岩岩好，好香，食多啲都吾覺得漏。