Add Some Thai Restaurant

营业中

休息中

終於有間泰國餐廳個名唔係食個「泰」字，見到大家喺度話呢間餐廳係食fusion，咁我就去咗試吓。 我去嗰日係星期日晏晝，唔使等位，不過剩係得假日餐牌，唔見有平時嘅lunch menu。每個set都大約$80左右，我覺得價錢算中等。我見佢餐牌上嘅菜式都算平時泰國菜有嘅嘅菜式，唔明點解大家話佢fusion。見佢寫住推介無骨海南雞飯，咁我就叫左餐前碗湯入邊有舊雞肉應該就係浸海南雞嗰兜湯，海南雞無骨同埋入邊都幾滑，火候啱啱好。佢仲跟埋個沙律仲有菠蘿都幾開胃。同我一齊嚟嗰個叫咗個豬頸肉炒飯，我覺得略嫌普通咗啲，味道似印尼炒飯仲有佢杯檸檬茶好夠茶味，不過細杯咗少少，一啖飲晒。建議大家可以叫少冰可以用網上平台book枱，不過打電話去book就最方便

又來到觀塘，第一次在工廈食泰國菜。觀塘的餐廳多過天上的繁星，但午餐時間總是人頭湧湧，座無虛席，實在誇張。冬蔭公午餐附送一碗湯。落足香料，內裡還有隻蝦，有誠意，不過甜而不辣不太合我口味。泰式奶茶友人的奶茶看似不錯，比港式奶茶深色。香燒沙嗲豬肉串午餐可以追加小食。沙嗲雖然沒有一粒粒花生碎，但味道不錯，幾惹味。豬肉燒得香，都幾大粒，卻保持到肉質不嚡不韌，有驚喜。招牌泰式無骨海南雞飯雞看起來有點乾。勉強可以，不嚡不韌，但不滑不嫩，亦欠雞的鮮味。黃薑飯吃到黃薑的香，比油飯健康得多。蝦片不夠脆。反而喜歡兩件燒菠蘿的多汁，再燒香一點更佳。泰式煎鮮鱸魚 配 香草忌廉意粉有趣地，吃泰國菜竟然配意粉。連煎魚的做法都很西式，皮煎得香煎，魚肉太腍，欠口感。忌廉意粉是典型樓上cafe質素。環境設計得充滿泰國風情，服務亦不錯。

年尾怕多人，打電話去book位，11點幾都無人聽，唯有上facebook message佢地，facebook又叫我去Whatsapp, whatsapp又問我做乜唔打電話去，滴晒汗我話你地電話無人聽囉。兩個人坐低，叫咗海南雞飯同海鮮冬陰公河粉。海南雞ok嘅，賣相幾好。冬陰公河粉湯底ok, 但d粉好似粹咗d, 隻蝦都新鮮嘅可以加分。d熱飲有特色，分別有圓肉同人蔘。so far環境幾靚幾舒服，見到有心思。提提大家對面傢私舖其實唔平，唔需要睇。

想食泰菜，而觀塘附近有幾間，今次就試左呢間。呢個係下午茶時間，所以人好少。入到去，打開個餐牌，叫左個炸蝦餅同一個海南雞飯。另外再叫左杯泰式奶茶同埋泰式檸茶。因為今次環境好暗，影得唔靚，所以得一張相。海南雞飯就係用便當裝住，雞既味道好唔錯，不過本身雞既份量好細，而飯就好多，搞到食晒d雞仲有一半飯……講下野飲先，泰式奶茶一如既往好唔錯，不過泰式檸茶係咩一回事呢？通常檸茶係用黃檸檬，我係超級鐘意的。但原來泰式奶茶會加青檸，於是，好伏好伏好伏好伏，唔岩口味！！好怪。。。可能有d人會好鐘意，不過太唔岩我口味，最後成杯只係飲左幾啖，好傷心。總結：環境好好，食物價格偏貴，味道唔差，但無乜大驚喜

見到觀塘開左間新泰國餐廳，見食物相同環境都幾吸引，就去試一試Holiday Tea。叫左一個海南雞飯同炒金邊粉配2條雞肉串燒。整體感覺唔錯，可以再來。套餐可簡沙律或東陰公羅宋湯歛品叫左，泰國檸檬茶同荔枝疏打水（可半價叫特色飲品，加左20元），荔枝疏打水唔太甜幾清新，荔枝肉都好爽。