Wheatfield X 羅宋湯專門店 (MOKO新世紀廣場) (已結業)

之前見moko 開左一間專門食羅宋湯既專門店，但一直都冇去試，今日係moko睇戲之前又未食野，所以專登去試下依間羅宋湯，入去坐底就見佢有寫底羅宋湯既歷史係由俄羅斯傳入黎，今日又長知識了。 打算簡簡單單就食啲野就去睇，所以就叫左兩個海派羅宋湯牛腩套餐，佢可以加12蚊換啲小食。整體黎講，唔算太差，但個羅宋湯同餐湯既味道都幾似，只不過味道比較濃，小食麻辣雞絲還可以，但豬脾肉就麻麻的。下次未必會再黎食，唔係太吸引，價錢比較貴。

今日行吓旺角MOKO新世紀，見到一間寫住羅宋湯專門店😲嘩！我至愛嘅羅宋湯，忍唔住就走入去食😋我同我朋友分別嗌咗兩份廚師推介套餐🥣海派牛腩羅宋湯淡淡粉紅色嘅牛腩，肥瘦分明，咬入口夠哂腍！牛味夠濃，亦無牛羶味！配上豐富什菜，什菜有咬口，唔會煮到爛晒！羅宋湯味道適中，唔會太酸，又唔會太辣，好開胃🤩🌯香煎咸牛脷脆豬仔豬仔包入口好脆，又唔硬，正👍🏻咸牛脷👅雖然有個「咸」字，但一啲都唔咸，只係有啲硬！味道尚算OK😌🌯汁燒豬髀肉脆豬仔包豬仔包依然脆口，豬髀肉好軟腍，配上特色沙律醬加蕃茄片，好滋味😋呢個包真係非食不可😍😍😍

每次行過都只見到佢裝修中，終於今次見到佢開啦！秒入去試~聽講羅宋湯係俄羅斯人發明，流傳到多國，黎到香港嘅時候已經係兩款截然不同嘅湯...！所以真係抱住一個想試下羅宋湯原味嘅諗法入嚟食飯！ 點知入到嚟嘅時候，發現原來佢係賣上海派嘅羅宋湯，海派羅宋湯一樣些少辣，同香港嘅羅宋湯偏酸偏甜唔太同~今次叫左“ 紅菜頭湯（豬髀肉）+香煎薄牛扒脆豬仔包” &“ 海派牛腩羅宋湯（配烏冬）+汁燒豬脾肉” 我都唔知點解我覺得紅菜頭湯係酸，可能因為係紅色，飲落真係好甜，係菜嘅鮮甜味！ 紅菜頭湯除咗浸住兩塊豬脾肉之外，當然有紅菜頭條仲有薯仔！飲完都飽~脆豬仔包真係好脆，薄牛扒有少少韌，要畀啲力先可以扯開佢！海派牛腩羅宋湯有少少辣，湯料都似港式嘅羅宋湯有紅蘿蔔有洋蔥有薯仔，少少辣好開胃，配埋烏冬食飽個身會暖笠笠！整體好食，因為之前都冇羅宋湯專門店既餐廳，感覺都幾特別

之前行MOKO時，見到圍哂板裝修中，準備開羅宋湯轉門店，果陣已經好期待。今日再行MOKO，已經見到開張咗，當然要入去幫襯啦。廚師推介套餐 $88我選擇咗海派牛腩羅宋湯、香煎薄牛扒脆豬仔包、再+$3 要咗杯凍檸茶。羅宋湯好足料、牛腩又好多。羅宋湯味道超好，餐牌雖然有一隻辣椒提示，但一啲麵唔會覺得辣。香煎薄牛扒脆豬仔包，脆豬仔包好厚身，一口都咬唔哂。薄牛扒煎到好香、牛扒都好有牛肉味，又夠腍又無根，非常之正。令我突然間好掛住澳門添。全日自選配搭湯麵套餐 $82我選擇咗海派豬髀肉羅宋湯、上海麵、麻辣雞柳絲，再要咗杯熱檸茶。豬髀肉羅宋湯同牛腩羅宋湯味道上有分別。豬髀肉羅宋湯食得出肉味無咁強烈，適合淡口味人仕。豬髀肉好大塊，而且數量都幾多。上海麵蔥油味好香好正，但要自己花少少時間撈混。上海麵配搭埋麻辣雞柳絲，辣味與上海麵非常配搭，令整體變得更加惹味。