丸目背脂煮干

营业中

休息中

🍗 チキン自家製南蛮炸雞（$28）炸雞即叫即整，上到枱熱辣辣，大大嚿之餘炸到外脆內juicy，食落去完全唔油膩唔嚡口，加埋滿滿嘅他他醬一齊食就更惹味🍜 特製背脂煮干-湯拉麵（$88）湯底係用左大量特選豚骨，豬背脂同沙丁魚乾同指定日本醬油熬足3日而成，湯頭鋪滿背脂油，有助鎖住拉麵嘅溫度，所以食到尾仲係暖笠笠，雖然表面鋪滿背脂油但湯底入口好鮮味而不油膩；麵條用上極太麵，帶有小麥香味，彈牙有嚼勁又掛汁，而且配料豐富，有溏心蛋、木耳、紫菜、生洋蔥，慢煮豚肩同炙燒豚腩，豚肩肉質鮮嫩脂肪分布平均，豚腩肉味香濃，口感肥美柔嫩🌶️ 海老辛醬背脂煮干-沾麵（$98）除左背脂，有蛋、叉燒角、紫菜、蔥，生洋蔥同筍，仲加左海老辛醬，湯底香濃醇厚；辣度方面有小辣，標準同大辣可以選擇，今次我地揀左小辣，欣賞佢嘅辣係香得嚟有層次，筍同叉燒索哂湯汁，非常好味，而且叉燒好腍同入味，麵條帶有小麥香味，彈牙有嚼勁又掛汁💛 富士山柚子梳打（$24）一開蓋已經聞到好香嘅柚子味，而且好夠氣，飲落口好冰爽💚 靜崗綠茶可樂（$24）綠茶味道唔算好突出，相比普通可樂亦無咁甜但好解膩

好耐冇去日本 勁掛住啲拉麵 最近見到呢間過江龍喺東京開到過嚟仲要係日本以外首間海外店 就算排幾耐都一定要試到佢❣️背脂煮干ラーメン 特製背脂煮干-湯拉麵 $98背脂煮干係指用上濃厚豬背脂油熬成湯底 而且可以因個人口味調節兩倍脂或者三倍脂重口味嘅朋友絕對啱晒豬油濃度決定麵條滑度 今次試吓一般濃度都已經好夠滑 幾乎好似sir落喉嚨咁 湯面飄浮油脂塊十足蛋花湯 採用香港較少見的「燕三条系拉麵」扁身更掛湯呢種風味真係比較少見❣️海老辛醤つけ麺 海老辛醬背脂煮干-沾麵 $108除咗招牌湯底 再加入海老同辛辣醬一齊煮整體更惹味🔥我哋選擇咗冷麵條 熱辣辣嘅湯汁包住爽口麵條 冰火口感令整體更昇華❣️茶コーラ 靜岡綠茶可樂 $24包裝好靚好日本 微微綠茶香加上碳酸加持 令普通可樂變得更不一樣🥤❣️生ビール 日本三得利生啤 $39

終於返到嚟香港，打完風返埋工，第一餐晚餐想食返日本嘢旺角有間背脂主打嘅拉麵店，想食背脂香味，唔使靠杯麵喇背脂湯底比起一般湯底更香濃，如果抵受得住邪惡度，呢碗拉麵絕對滿足到湯底控，秘製湯底充滿雪花，油香滿滿麵底可以揀硬度，大胃偏好硬麵，好快索湯，更加入味。有兩塊唔同種類嘅叉燒，又嫩有有肉香呢間除咗賣拉麵，仲有油麵同沾麵。沾麵就要試吓海老辛醬，背脂加微辣，為味蕾帶嚟點點刺激麵底同樣有得揀硬度，標準麵底浸湯都好掛汁，浸幾下已經香氣滿溢。溏心蛋綿到不得了，入口即化餐廳好好有提供檸檬凍水，不過都係好想嗌啲有汽飲品送麵既然係放工，當然嗌返杯啤酒，夾拉麵果然好唔錯