申子居酒屋

营业中

休息中

申子居酒屋🏮店舖日系風格，滿滿的木系飾面及掛畫，最喜歡就是外牆相撲手塗鴉幾得意🎏而且食物都幾高質素，物有所值😜極尚鹽燒牛舌芯 - 牛舌彈牙口感肉汁滿滿，簡單鹽燒調味就充分牛舌芯的原汁原味廣島蠔鍋🍲 - 廣島蠔大大隻，蠔🦪鮮甜好味😋口感嫩滑，蠔汁精華全落在湯底中，蠔鮮湯甜👍🏾再加上娃娃菜洋蔥等令鍋物鮮味更上一層樓💕舞茸豚肉卷🫔 - 特別菌類舞茸 外包住一塊豚肉，外脆內軟加上燒汁層次更豐富🤩海膽炒飯🍛 - 非常精緻的海膽炒飯😍三文魚籽鋪滿整確海膽炒飯面，再加上菇菌及櫻花蝦，絕對足料，確實難以形容的好味道❤️🙌🏾火炙大蝦讚岐手打烏冬🍜 - 大蝦先經火炙已惹味香口，湯底濃郁海鮮滋味還有櫻花蝦，感覺有點似食沾麵，我自己覺得太濃味，不過老公食得好滋味🤣

經常都會路過這間位於旺角黑布街的居酒屋～咁啱出開去睇戲～就扚起心肝去左試😆環境氛圍感挺不錯的👍🏻當天是平日晚上去探店的～早已full house了呢！上層的坐位環境較寬躺～亦設有卡座✅微昏暗的環境很適合相約友人們一起微醺一番再吃一口串燒🍶🍢（可惜的是貓大不太好杯中物😹～）而食物方面確實很有質素呢😋～🧡海膽炒飯 / $238（飯粒抄至粒粒分明！整碗鹹香很惹味～）🍢大蔥黑豚燒 / $58🍢豚肉露荀卷 / $58🍢舞茸豚肉卷 / $68🍢軟芝士黑豚卷 / $48（串燒都很好吃～每一串都很Juicy不乾！貓大最愛是舞茸豚肉卷！舞茸味道很出～）🐮極上鹽燒牛舌芯 / $128（厚厚的牛舌芯一口咬下去超級爽～沾鹽最好吃了！）🐔洋風雞肉卷 / $148（很特別的雞卷～餡入面拌有筍粒，口感挺不錯～）

📍 申子居酒屋呢間居酒屋成日都聽人地介紹，環境氣氛唔錯之餘營業時間又長；餐廳一開有兩層，層上果層仲更加開揚添，真係啱曬同朋友慢慢食住傾！🥳🐮極上鹽燒牛舌芯 $128一碟有8大塊，每塊都有一定既厚度😋口感超爽口彈牙，肉味重濃，食到停唔到口！味道雖然已經好足味，但亦配左柚子胡椒醬、鹽、香蔥同檸檸，多種口味上既配搭🤩個人幾中意沾柚子胡椒醬，酸鹽既味道融合👅幾特別～🥄海膽炒飯 $238好足料既一碗炒飯！😍重頭戲一定係海膽，口感軟滑得黎又勁新鮮，完全冇腥既味道～除此之外，仲有海量既蟹籽同三文魚籽，望落去顏色更加鮮豔既同時又增添唔少口感；而櫻花蝦鹹香嘅味道，增添唔少食慾😚最尾清曬碗飯😝🐽吉列千層豚肉（三重芝士） $238呢個值得一試😎因為唔係周圍都食到～平時就食開吉列豬扒，咁吉列千層豚肉你又試過未？😎賣相幾特別，外層炸至金黃酥脆，真係即叫即整；而裡面既係三重芝士同豚肉，餐廳選用豚肉片黎製作，放左幾層既豚肉片，口感十足！另外，亦都做到拉絲嘅效果🤩沾埋沙律醬或者燒汁食會更濃郁🍻白桃Highball / 巨峰提子 Highball $78水果味既highball,白桃味偏甜甜地，而巨峰提子就酸酸甜甜，飲

今次黎到呢間人氣居酒屋🏮chill下，呢道下層係吧枱，而上層係卡位，要唔同feel既座位都得～ 裝修用翻傳統既日式風格，燈光柔和昏暗，有唔少木🪵既枱凳🪑，牆🧱就用左印有唔同清酒🍶名既紙裝飾🎍，同時放左唔同酒樽🍶同埋公仔🧸 野食方面有唔同特別啲既配搭，味道都好👍🏻(5 😍 係滿分，🤩係半分）鮟康魚肝 🐟 - $98 (好味指數：😍😍😍😍🤩)望個賣相已經覺得好高級🤩 大部分魚無獨立既肝，而鮟鱇魚既肝好完整，可以單獨品嚐～ 口味比較淡雅細膩，無鵝肝咁濃郁油膩，有海中鵝肝🦢既美譽～ 食落一樣鮮美嫩滑，表皮煎得香脆，食落更加香口，配埋卡脆既三文魚籽🟠卜卜脆，一咬就好似爆爆珠咁鮮香滿溢，有深海魚獨特既豐腴脂香～ 上面放左靚靚既紫蘇花🪻，可以將手谷起將花🪻放喺手心拍兩下，拍醒花🪻既香味，再用筷子🥢夾住花莖將花🪻掃落啲魚肝🐟到食，感覺更加清新淡雅有可以提鮮，夠晒層次感👍🏻 下邊有清新解膩嘅海帶湯🥣，夠曬貼心😜廣島蠔鍋 🦪🍲 - $158 (好味指數：😍😍😍😍😍)另一個推薦既係呢個廣島蠔煲🦪🍲，首先有超多蠔🦪🤩 隻隻都咁大，唔會縮水，肥美飽滿脹卜卜，蠔味🦪濃郁，質感綿密軟嫩，滑溜多汁，鮮甜又有礦物氣息～

Bookmark咗呢間餐廳好耐，終於有機會食啦！記得有次同朋友walk in銅鑼灣分店，但無位食唔到😂 而今次就去咗旺角分店～ 申子算係人氣幾高嘅居酒屋，星期日晚去到近9成滿座，大部分係情侶/夫婦～ 旺角店有兩層，地下係bar枱，我哋坐一樓，環境唔大，燈光比較暗，幾啱把酒談歡🤣 不過我哋就無飲酒啦～ 試咗幾款人氣菜式，味道十分之好，果然係高質嘅居酒屋！而且店員服務態度都好好～ 價錢唔平，但食物有質素，推薦紀念日、生日時去食餐好，慶祝下🍾🔸蓬鬆玉子 $108人氣菜式，有好多人都推薦～ 玉子厚條上，望落都知超級嫩滑😍 用匙羹切開一小份，見到玉子係流心狀態，非常吸引！玉子口感軟棉棉，好滑溜，好香蛋味！配埋醬汁一齊食，甜甜鹹鹹好好味！係我食過最流心最嫩滿嘅玉子🤤🔸汁燒蒜片牛柳粒 $128望落份量唔算好多，大概有7-8粒，但全部都係大大粒架！牛柳粒肉質爽口有嚼勁，好有咬口但唔會韌，連平時食唔到韌嘢嘅另一半都可以食晒😂 而且肉味幾濃厚，啖啖肉嘅口感好正！醬汁調味適中，牛肉亦好入味！蒜片香煎過，好惹味！鍾意食牛嘅推薦試吓～🔸汁燒活白鱔 $88平時食串燒都好鍾意叫白鱔，呢度嘅燒白鱔同樣出色，皮脆肉爽！

呢間喺Openrice攞咗日本菜熱門餐廳第一名Bookmark咗好耐 終於都去試😆入到去店員服務態度好好佢哋個個都好nice 仲同客人有講有笑🤭比人嘅感覺好好😚最值得一讚嘅系佢嘅上菜速度會分開逐樣逐樣咁上等你差不多食完一樣再上另一樣咁就可以食到食物嘅最佳溫度嘅味道👍🏿👍🏿蓬鬆玉子 $108玉子超級無敵滑😳！！滑到好難用筷子夾起🤣基本上唔使咀嚼 啜一聲就吞咗🤭淋上適量嘅日式蛋黃醬同埋燒汁令佢完全唔會plain但又唔會過鹹😆中間仲有少少芝士帶出少少鹹香食落唔膩 好好食 真系必試🤤味道: 9/10性價比: 8/10店員見史努比夾到笨手笨腳比咗兩隻匙羹我哋等我哋唔使食到咁 “呢hea”🥰呢個細心程度絕對要加分加分再加分🤣👍🏿三文魚腩(一切) $38可能你會覺得一件三文魚腩38蚊有啲貴但嚟到嘅時候見到個size就會明白🤭又厚又大件 一啖食唔晒🤪入口帶少少爽脆口感三文魚嘅魚油隨即充滿成個口腔好香好好食🤤呢個價錢其實唔算貴～味道: 9/10性價比: 8/10👍🏿申子新卷 $248賣相好精緻卷物包住嘅系炸魚皮 上面就鋪滿拖羅蓉 仲巾海膽同三文魚籽一啖擺落口就食到好豐富嘅口感🥰炸魚皮雖然卷咗喺中間但依然

呢間旺角人氣居酒屋，之前食過午市，今次嚟試下晚餐質素😋9pm入座全場爆滿，咁耐冇食都人氣依然，建議嚟之前要預先訂位～仔細看原來申子居酒屋營業至11:45pm，實在係夜宵好去處，啱哂各位夜貓！🍚海膽炒飯 ($238)呢碗炒飯賣相吸引，而且炒得好香好有鑊氣！飯粒色澤均勻，粒粒分明；面頭除咗有三文魚籽同蟹籽外，仲有好多鮮甜嘅海膽😍配料仲包括櫻花蝦、帶子粒同本菇，成個組合豐富又惹味🤤🥠最中餅 ($208)呢個最中餅成個鯛魚燒咁，好特別🤣外層係用咗鯛魚燒餅皮，夾住中間嘅拖羅蓉、牛油果、三文魚籽；餅皮做得香脆，口感一流，中間嘅拖羅蓉好肥美，夠哂綿滑😍三文魚籽份量好多，令口感昇華，再配搭埋牛油果，令到成個感覺鮮味十足之餘，仲好健康🥰🐟汁煮左口魚裙邊 ($148)賣相好精緻😍將左口魚捲成花形，表面鋪上三文魚籽同魚子醬，更顯高貴✨左口魚好肥美，油脂豐富，中間位置爽口、邊位幾乎入口即溶，口感好正！🐥手作免治雞肉棒 ($68)居酒屋必叫❣️雞肉燒得恰到好處，肉質嫩滑，入口啖啖肉🥰撈埋日本蛋同秘製醬汁，非常香滑juicy！🍹荔枝乳酸梳打｜蜜桃乳酸梳打 ($68)乳酸梳打嘅果味好重，分別都飲到好香嘅荔枝味同蜜桃味

係OpenRice 揀日本菜，見有9百幾個like ，又係得獎熱店，諗住有質素，點知令人失望，好懷疑9百幾個like 點得返黎。叫左4款食物，海膽炒飯、極上炎燒牛舌芯、吉列千層豚肉(三重芝士)、舞茸菇。先唔個別評價，全部食物都有個共通點。都係唔熱既，未至於凍，只係微熱，暖都講唔上。連應該即叫即整既吉列豚肉都可以唔係熱，真係佩服！海膽炒飯$238，海膽既份量大既係一匙羹🥄到。海膽為賺錢，無左海膽，呢個份量，個飯我覺得$150都唔值。牛舌正常，可惜唔熱。$128，有7粒，我就覺得overprice.吉列千層豚肉(三重芝士)， 除左咸同唔熱之外，無其他咸覺。$238 ，我去吉列豬扒專門店食塊普通吉列豬好過。舞茸菇，本身舞茸菇係菇類中已經係有比較有味既品種，但呢個食落係無味既。服務: 不敢恭維。唔出聲，無人幫你加水。有個待應，係有公民意識既，佢係咁咳，咳嗰陣有用手遮口。但係之後清潔雙手就直接攞水壺同你個杯，幫你加水。環境: 卡位ok，但卡位之外就感覺逼，枱同枱之間距離好近，坐得唔舒服。茶餐廳都無咁迫。整體而言，食物份量少，味道唔出色，連最基本既溫度都無。服務、環境中下。食物、環境、服務都對唔住

申子居酒屋係我地其中一間鍾意去既居酒屋，今日黎開旺角就過黎食埋飯😌▫️蜜柑鯛 ($248) 每次黎都會望下牆上special menu睇下有冇啲特別野，今次見有蜜柑鯛就叫左份😋有12切，新鮮的，點上酸汁食會更有味道，唔需要點豉油同wasabi。▫️最中餅 ($208)賣相特別，好似鯛魚燒咁。出面係薄脆片包住三文魚籽、吞拿魚蓉同牛油果蓉，味道咸咸地，口感又脆又軟。▫️明太子芝士山藥 ($68)明太子同芝士炙燒過好香，加上爽口既山藥都幾好食。▫️海膽炒飯 ($238)炒飯炒得乾身鬆化粒粒分明，除左有海膽仲有三文魚籽同蟹籽，飯入面亦有帶子粒同菇仔，好豐富！呢到既環境係幾似日本啲居酒屋，有好多唔同大小既擺設、掛畫。

呢間居酒屋一直都係旺角長期人龍居酒屋，係佢啱啱開業嘅時候已經有幫襯，食物質數之高，係旺角居酒屋嘅排名中絕對名列前茅，今次我哋又係太掛住佢個牛舌芯而返嚟🤣極上鹽燒牛舌芯 $128必點！👍🏻👍🏻 上枱嘅時候已經香氣撲鼻，每粒都超級厚身，肉質超嫩滑有彈性，牛味頗濃略帶焦香味，隨碟會配柚子胡椒醬，蔥花，鹽再作個人調味，不同風味但得出嚟嘅都係一份滿滿嘅幸福感🥰海膽炒飯 $238整個炒飯都呈金黃色，非常搶眼，配料有海膽，飛魚籽，蝦籽，櫻花蝦，柱貝，松茸，夠哂豐富😍 海膽，櫻花蝦將味道昇華；飛魚籽，蝦籽將口感豐富；柱貝，松茸則將整個飯嘅內涵提升，完成度相當高嘅一個炒飯👍🏻鰻魚天婦羅 $198用上一整條鰻魚製作，炸粉頗薄，咬開外脆嘅表皮下，係鮮甜無比嘅嫩滑鰻魚肉，而鰻魚嘅油香油鮨亦都在線，配埋佢哋自家製嘅醬汁，用嚟送酒真係一流😚日式雞槌花蝦 $118呢款雞槌用櫻花蝦代替麵包糠，食落去一樣脆卜卜，但就多咗一份櫻花蝦嘅香味同味道，而內裡除咗雞肉外，仲有蝦滑，兩樣都一樣咁滑身，真係估唔到可以咁樣Mɪx，仲要幾Mᴀᴛᴄʜ🥴巨峰乳酸梳打 $68佢呢到嘅梳打與坊間有啲唔同，坊間好多都係死甜，呢杯就啱啱好喇，唔死甜

今次要介紹黑布街既小店：申子居酒屋。入面有少量吧枱位，上層就有其他座位。如果想要坐吧枱BOOKING時可以問定職員。.我地叫左4款食物。.極上鹽燒牛舌芯($128)每粒牛舌芯都好厚，而且表面燒到少少焦，所以食落外脆內軟！第一次食到咁有厚度但可以咁腍既牛舌。😋而碟上都有幾款調味可以比我地揀，我自己覺得牛同鹽係最夾，點少少岩鹽，已經可以提升牛味。🥰.蓬鬆玉子 ($108)呢個同出面既玉子燒好唔同，比較鬆軟，蛋煮到半熟，有d似平時食既滑蛋，但質感比平時食到既再滑好多！內含大量既芝士、表面有沙律醬、大阪燒醬同香蔥，簡單既配搭新鮮又滋味😆.日式雞鎚花蝦 ($118)個名出面好少見，所以都叫黎試下🤣原來係雞鎚表面包裹大量櫻花蝦，而且炸到金黃色🤩雞鎚出面都包左層墨魚滑，咬落有驚喜😛超級鐘意櫻花蝦既我地都好鐘意呢樣小食，每一啖都食到3重口感。👍🏻.海膽炒飯 ($238)配料有海膽、三文魚籽、蟹籽、櫻花蝦、菇個飯炒到粒粒分明，但飯粒表面都係濕潤，可能加左菇既關係，食落唔會覺得好乾撈埋所有配料一啖咬好滿足，海膽食落都好鮮甜。.飲品柚子梳打/蜜桃梳打柚子汁同蜜桃汁都好甜，加埋梳打水比例岩岩好👍🏻.總結:今餐

今日夜左收工，同同事一齊去食個late dinner🥹辛苦左咁耐真係要食返好啲慰勞下自己呀！所以我地就揀左申子居酒屋啦食過幾次銅鑼灣分店，都覺得好食物質素同環境都好好架🥰所以今次經開就黎試埋旺角呢間～💛💖＊＊＊＊＊🐮極上鹽燒牛舌芯 $128🍳蓪松玉子 $108🍗日式雞鎚花蝦 $118🍛海膽炒飯 $238🍄舞茸豚肉卷 $68🍢豚肉露荀卷 $58🍨打卡雪糕🍶House Sake $78 / glass ＊＊＊＊＊我地叫左個海膽炒飯，入面有海膽、櫻花蝦、雜菌、蟹籽同三文魚籽等等，口感好豐富呀😍另外叫左個雞鎚同個玉子，雞鎚用左櫻花蝦黎做個炸皮，口感好啲之餘仲要勁香😋玉子入面包住左流心嘅芝士🧀！同玉子真係perfect match呀！之後我地就叫左啲串燒配住sake飲～有鹽燒牛舌👅、同埋兩款豚肉卷🫔House Sake 係廚師推介，有得揀甘口或辛口，我地就揀左甘口嘅💖💖💛最後見follow ig有個優惠，可以揀送刺身或者甜品，我地就揀左甜品🍮，佢送左兩球抹茶雪糕比我地🍦🍵一餐完美嘅晚餐一定要有甜品呀🥰🥰

上次試完銅鑼灣分店一試難忘，今次近少少去旺角分店，旺角分店同樣人氣爆登，全場滿座。極上鹽燒牛舌芯每粒牛舌芯有厚度，燒至微微焦香，咬落口有彈性，入口好軟腍，旁邊有岩鹽同柚子胡椒，個人覺得落少少檸檬汁同埋岩鹽更好味。申子新卷壽司飯團卷住炸魚皮，上面用吞拿魚蓉、海膽、三文魚籽，鮮味十足，口感豐富。海膽炒飯一開蓋已經聞到陣陣香味，配料有海膽、魚籽、櫻花蝦，飯粒粒粒分明，呈金黃色，炒得乾身。關東煮用咗無激素雞白湯底煮，入面有日式魚片、蒟蒻、蘿蔔、野菜餅，食完暖笠笠。西尾抹茶凍鮮奶西尾抹茶顏色更鮮綠，澀味少，再用埋3.6牛乳沖泡，入口特別順滑，奶香味濃。茘枝乳酸梳打味道酸酸甜甜，荔枝味清香，飲完個人好清爽。

雞肉卷有驚喜！海膽炒飯香口！終於食到網上超級Hit的申子居酒屋🏮，每一道料理味道都具特色，雞肉卷口感好特別，回味無窮🫶🏻. ◮海膽炒飯 $238 • ⁸ ⁄ ₁ ₀ 🎖️飯粒粒分明呈金黃色，有海膽、魚籽、櫻花蝦，炒得香口乾身，微微海膽味😇. ◮極上鹽燒牛舌芯 $128 • ⁸ ⁄ ₁ ₀ 6 小塊厚身牛舌，鹽燒入味，爽口嫩滑. ◮汁燒蒜片牛柳粒 $128 • ⁷ ⁄ ₁ ₀ 燒汁配牛柳好Juicy，算嫩滑，送飯一流. ◮洋風雞肉卷 $148 • ⁹ ⁄ ₁ ₀ 🎖️外表係厚雞皮，包住雞肉，再包裹牛蒡和蘿蔔，新穎而有好味！. ◮汁燒活白鱔 $88 • ⁸ ⁄ ₁ ₀ 🎖️外皮燒得焦香，白鱔好厚肉😚

申子居酒屋一開始系旺角，後期去到銅鑼灣都有了，兩個地點同樣方便。今次系二訪喇，去旺角店，環境比銅鑼灣店細，同時亦安靜好多。✿ 日式雞鎚花蝦 $118好耐冇食雞鎚🍗一食雞鎚一定諗起某間快餐店🤣好多櫻花蝦喺表面，炸得金黃香脆，裡面蝦膠實在。✿ 極上鹽燒牛舌芯 $128牛舌不嬲喺吾同居酒屋好受歡迎，仲要系牛舌芯🐮入口重鹽燒味及油香，牛舌芯非常有嚼勁，會令人想一食再食😋✿ 蓬鬆玉子 $108連玉子都好食過人💛玉子部分好滑，表面有大量沙律醬加日式醬汁🤍🤎內層充滿芝士🧀️同埋蛋香🍳同一般雞蛋卷吾太一樣，當然所講嘅吾太一樣系更好食🤤✿ 海膽炒飯 $238海膽炒飯相信冇人抗拒到🤤炒飯有海膽、三文魚籽、蟹籽，海膽好新鮮🧡同其餘幾樣配料撈埋一齊味道豐富。份量吾少，兩個人食吾曬呢。✿ 巨峰/ 荔枝梳打 $68用啤酒杯裝住🍻更有日式風味😆兩杯都吾太甜。