燒烤堂 (已搬遷) 新店位置

  老公最近好鍾意食串燒，朋友介紹燒烤堂，睇睇HK竟然有5間分店😳，真係唔小嘢！應該好有水準，所以好期待。  店舖唔算太大，牆上黑板寫嘅推薦食物價格平民，燒海鮮都係$30-40，宜家街邊檔都唔得，抵讚👍而且店舖內無油煙味，氣管唔會覺得辛苦。是日叫咗一大堆燒物，包括... 📌鹽燒花竹蝦-蝦長過手掌，蝦肉燒完依然嫩滑，見圖有蝦膏Tim📌汁燒日本薩摩赤雞肝-雞肝一串好飽滿，入口juicy, 加埋d燒汁，真係無得頂📌燒翡翠螺-除咗食buffet，好少機會食到翡翠螺，燒得唔乾身，點埋個特製醬汁，鮮👍📌芝士燒帆立貝-芝士落足料，而且最少有兩款芝士，帆立貝燒得啱啱好，唔會濕笠笠📌鹽燒原塊雞皮-對上一次食燒雞皮已經係幾年前元朗街邊檔嘅事，今次呢個比記憶中個塊更脆口‼️鹽燒效果亦令雞皮更加唔肥膩，好似陣風咁就食完😥好想再食十塊😂📌鹽燒開邊雞中翼-雞皮太邪惡，我哋決定叫雞翼😁雞翼一樣咁好食，雞肉無燒到乾爭爭，証明火力燒功好到位。📌海苔黑豚肉鵪鶉蛋-本身純粹係鍾意食鵪鶉蛋，但無諗過成串嘢燒出嚟，個味咁match😍😍😍有d似章魚小丸子嘅變奏版，呢個真係推介，必食😋📌汁燒魷魚鬚-汁正，魷魚鬚燒完重係爽口嘅，$22

早排入咗九龍城，到訪過一家頗出色嘅居酒屋小店，嘆咗多款日式串燒。食友睇過小弟嘅食評之後，就推介我試試另一家主打串燒嘅小店，大讚佢哋嘅串燒多元化，款式多，難得定價相宜，故此，今晚就約咗舊同學嚟到「燒烤堂」旺角店嘆串燒，並分享死佬兄弟所遇到財務嘅煩惱事。食友教路，最好訂位，因為餐廳屬小店模式，地方真喺唔大，裝修簡約，其次，佢哋嘅人氣又真喺幾高企。我哋閒日晚7:00pm到，好似無乜客，但一到7:30pm過後，已近乎座無虛席，況且，食得串燒都唔喺快上快落嘅模式，如果無訂位就嚟會有啲風險啫。正所謂「麻雀雖小，但五藏俱全」，底面兩頁A4紙點菜紙一次過貼出嚟，就會睇到選擇非常之多，有唔同配搭，詳細就唔再多講，自己睇睇就清楚晒。飲品就晌另一個餐牌度，有唔少酒類飲品，我同老友都唔好，所以，就只影咗啱飲嗰一頁。然而，睇點菜紙，有個週年優惠，生啤買一送一，鍾意生啤嘅朋友就啱晒喇。鹹檸七 $22、可樂 $12食串燒，最襯都喺汽水、啤酒，當然，冰涼嘅梳打亦好，而小弟就揀鹹檸七，原個鹹檸檬，無欺場，鹹鹹酸酸，又夠晒凍，爽住嘆啲串燒。檸蜜牛油包 $18雖然喺食串燒，但見呢款嘢都幾得意，貪過癮點一客試試。原來喺一片硬

原來已經有幾間分店，最近係旺角開左，地點禁方便大家，就食佢啦😁結果發現點左既野，全部都好食😆抵佢開幾間分店😁綿羊就抽左幾款係下面介紹😊----------#台灣雞泡魚乾 $38燒得幾香，又唔會太硬👍掂埋蛋黃醬，包保唔覺得乾😀#牛油蜜糖芋頭條 $38呢款係唔會係menu度見倒嫁😅事關綿羊點既係芝士蜜糖芋頭條，但係廚房師傅整錯左😂作為芝士控真係sad左10秒😭不過又唔想浪費，所以都係照要呢碟芋頭條🙂其實牛油蜜糖都係好好食，鹹鹹甜甜咁，芋頭條有咬口得黎又夠淋😋 #海苔黑豚肉鵪鶉蛋 $26面頭吱左蛋黃醬同放左海苔，初初入口真係有啲日式小丸子既感覺😂咬咬下黑豚肉，鵪鶉蛋既蛋香味就爆出黎，成件事好正😁#鹽燒豚肉荔枝卷 $18豚肉同荔枝既配搭，綿羊真係第一次試😂不過出奇地夾，荔枝既清甜同豚肉既鹹味互相襯托，最重要係荔枝既水份令到豚肉食落冇禁乾😃#雞皮蝦滑 $38雞皮燒到冇左層肥膏，非常薄同脆😍咁既蝦滑就唔會好似炸丸禁乾身，保留倒水份，又可以做到外脆彈牙既口感🤗#牛油蒜蓉焗金菇 $26眼見鋪左好多蒜蓉，食落每一啖都好香牛油味同好重蒜蓉味😙----------*設加一服務費