天海 (已結業)

唔知點解一直對天婦羅都冇咩好感，今日lunch朋友話想去呢間試吓，我本身都冇抱有太大嘅期望。.因為餐廳比較細嘅關係，建議大家食lunch嘅話記住要12點前到，咁樣就可以唔使等位，夏天熱辣辣喺室外等位真係搞唔掂。.記得果籽之前好似介紹過呢間餐廳，係介紹食海鮮天丼，所以坐低嘅時候我諗都冇諗就決定叫佢。.一嗌完嘢食，佢就會即刻比杯綠茶，仲有個前菜。主角終於到啦，海鮮天丼，即叫即炸。一開始見到覺得份量好似有啲細會唔會唔夠飽㗎。印象中佢有炸魚、炸魷魚、炸蝦、炸帶子、炸四季豆同埋炸蛋。我最鍾意就係篤穿個炸蛋、用蛋黃撈飯。因為佢本身就已經加咗醬汁喺天婦羅上面，所以唔需要額外點汁。呢個天婦羅不得了，咬落脆口，同埋個汁調得啱啱好，海鮮又好新鮮，呢個配搭我比一百分，最後我仲食唔晒啲飯添。

今日黎到<天海>呢間天婦羅專門店~貪佢午市套餐性價比高~套餐都會跟前菜，湯同凍綠茶~就連前菜都做得認真~<海鮮天丼>叫得天丼，用料就有一定咁上下~入面有蟹、蝦、白身魚、帆立、鰻、烏賊、天海雞蛋、野菜。如果細食啲既女仔應該唔洗食飯都夠🤣講番天婦羅先，用料新鮮唔在講，即叫既炸。皮薄，炸完都重見到食材原本既顏色~重要香而不油膩🤤天婦羅入面，我自己最鍾意雞蛋~炸完都唔會過熟，一夾開，重係流心🤤<天婦羅烏冬>烏冬就比較少配料，只有蝦、白身魚、野菜。不過天婦羅一樣咁出色。烏冬煮得剛剛好，少少煙韌🤤

天婦羅，係眾多日本菜中我最少食，因為壽司（天膳）同鐵板燒（和三昧）都有相熟嘅餐廳，質素有一定保證。但係天婦羅往往炸粉厚厚，就算用料上盛都比一舊粉毁壞晒成餐飯，加上控制火候有一定難度，喺香港好難搵到間有質素既天婦羅。事緣有朋友介紹天海既御膳（天婦羅逐件上），$300有曬成set，仲包埋天茶。所以就想黎試下。星期六1145啱啱入門口，餐廳座位為十人bar位，已經有四個人。侍應服務態度不錯，有日本亦都有香港人，入座後隨即奉上靜岡綠茶。黎到先知個menu已經轉左，午膳只提供丼飯，omakase同御膳只於晚餐供應，所以今次就試下佢個海鮮丼。前菜先係牛肉薯仔，甜甜地，不錯吃。之後有漬物，比客人清清個口。大根唔係平時嘅醋漬，而係用左柚子；爽口嘅大根配上清新嘅柚子，好味😋之後就係天丼，「皮薄餡靚」，正好形容天海既tempura。$300既天丼相當足料，有蝦X2 蟹 白身魚 穴子 帆立 花枝 天海蛋（炸完仲係流心師傅控制火候有一定功力）秋葵。所有海鮮肉質結實，唯一帆立稍為遜色。天汁已經落左，所以冇比到我地）比較特別嘅係佢仲有鮮磨山葵，估唔到同天婦羅一齊食可以咁夾 ：）最後食完奉上吸物，湯頭有類似大葉嘅材

今天要去恒生總行辦點事，正值馬拉松比賽倒數前一個月，呢個咁好藉口要食個第一流的午餐鼓勵吓自己。早已決定要去中環的「天海」，食我認為全港第一的海鮮天丼。跟日本的天婦羅店子一樣，「天海」的晚市比午市貴很多，我此等想慳錢又想食東西之人，自然在午市前來。而午市來的話當然是吃性價比較高的海鮮天丼定食。店員頗醒目，見我面上有汗，即問我是否要凍抹茶。甚好，可降降溫也。前菜的小砵二品已十分好味：有一個雞肉菠菜，簡單、清淡中又幾夾，難得用雞胸肉亦不「鞋口」。另有一個雞肉丸配茄子，雞肉丸軟軟的，但配合茄子的口感同較濃的汁醬，吃起來感覺好舒暢。在吧枱看著日本師傅炸東西，午市主角海鮮天丼約十分鐘左右便來了。天丼中有蝦、白味魚、帆立貝、蛋、蠔、魷魚及蘆筍，感覺豐富，而且即使包著麵衣也吃得出用料好新鮮。師傅的炸功更是一流，炸漿不厚，吃來不太有油膩感，用料也不會炸得過火。各種海鮮沾點鮮磨的wasabi來吃，妙。各種材料中蛋更屬至愛，流心，一咬爆漿。而天丼的汁不算太濃味，但帶微甜的汁滲入飽滿的米飯後卻變得相得益彰。坐在吧枱位全程看日本人師傅用心泡製，連加一$253，值得。今次12點前來到不用等位，坐下十分鐘後已見人龍