Café Circles

今日訓到自然醒, 夜晚去荃灣食delay左好耐嘅生日buffet, 一早book好枱係有用的☺️, 坐得鬆動舒服❤️. 之前有fd食過推介, 咁啱li期主題係海鮮.至愛龍蝦.... 長腳蟹....🤤6點半準時開始, 早左少少到都安排我地入座👍🏻 巡左一圈, 款款都巨吸引, 未食已教人口水直流呀😍! 長長嘅吧枱放滿冷盤同多款海鮮, 有亞拉斯加蟹腳, 大大隻凍蝦, 翡翠螺, 雪蟹腳, 青口, 龍蝦仔. 識食一定先食serve喺冰上面嘅海鮮啊✌🏻雖然好似一陣風咁掃哂, 但佢地秒速refill👏🏻 講返雪蟹腳, 好易剪開然後輕易起哂完條蟹肉, 好新鮮啖啖肉, 連關節位都係一舊起哂. 凍蝦係停唔到手的, 每隻都爽爽多肉! 食到兩隻手都沾滿海水有d狼狽🤣 龍蝦炆伊麵 Yeah, 洗乾淨對手就向熱盤進發! 見到咁多件龍蝦肉鋪滿個伊麵... 忍唔住夾左好幾件. 個芡絕對係亮點, 肉質厚而鮮, 每條伊麵盡吸龍蝦湯底精華, 基本上淨食li款已值回票價🤩 清蒸海上鮮, 蒜蓉粉絲蒸扇貝 蒸魚時間恰到好處, 魚肉嫩滑加小小鼓油好好味😋, 一向好鐘意食葱嘅我當然唔會放過啲葱段吧. 蒸扇貝都無得

一家三口在這天去遊玩，作為慶祝結婚紀念日，晚餐～去荃灣西食自助餐！因為這邊有廚具家品展，砂煲甖罉開倉！敗家後，就在附近來一個美味自助餐！　　其實選擇自助餐之前，要在網上做資料搜集，即是＜自助餐攻略＞。　除了信用咭七折優惠，也得分析環境和食物質素。　網上照片有實境：高樓底，無壓迫感！有落地玻璃，有靚靚景觀。每張枱之間有一定距離，走廊寬闊。潛台詞～胖胖的小米之父都可行動自如！！　　　食物款式：多款海鮮照片，正合吾意！　最重要一點：未試過！就因為這個新鮮感，就選定這裡晚餐。了解底蘊後，就要來實踐了。　餐廳環境果然夠GRAND，夠氣派。　枱面呎寸大，即使就座後，也不會踫到鄰座的手肘。有超長的食物區，要繞場一周，還需要一點時間，看看這晚的食物會有什麼驚喜！　菠蘿　　每次到自助餐或放題任食，都會先點菠蘿。　菠蘿有特別的酵素，幫助消化。而新鮮的菠蘿會含有更豐富的消化酵素。可是自己不會動手切菠蘿：刨皮起釘！所以在這個自助晚餐中，變為第一道菜了！ 凍海鮮　　多款凍海鮮之中，最喜歡蟹腳。又粗又長，肉質鹹度適中，不用狂飲水。　註：曾還過勁鹹的蟹腳，嚐過後十分口渴，要飲大量清水。即係：間接減少客人食量囉！　　

老婆比我有恆心，活到老、學到老，家下都仲有進修。雖然唔喺為工作、為生活，只喺為理想、為興趣，但都值得鼓勵。剛剛完咗一個循環，有幾周嘅假期，要食餐豐富嘅慶祝吓啦！呢一晚走到嚟荃灣「如心酒店」嘅「咖啡閣（Cafe Circles）」，食自助餐夠豐富啦，想食乜就揀食乜。餐廳做緊「亞太海鮮盛宴自助晚餐」，睇張海報幾吸引吓，自助晚餐享用時間喺6:30-9:30pm，揸某幾間大銀行嘅信用卡更可以有低到8折嘅優惠，平日晚埋單都喺三百尾一位，話晒如心都喺一家大酒店，值搏率高呀！一枱夠8人仲會額外送一份一公斤嘅斧頭扒，得我倆公婆，唔使諗啦。 「如心」都唔喺一家低星級嘅酒店，裝潢都有番咁上下，所以，餐廳嘅環境都算得上幾高雅。一入門口嘅超巨型原木大長枱，配上大型水晶燈，夠霸氣喇啩。一室以淺灰為主調，襯深啡，淺灰雲石地板，配深啡木枱，樓底高，間隔亦非常閣落，燈光光猛，部份窗口位更可以一窺荃灣市景，當然，荃灣嘅夜景無乜睇頭，但呢個小社區嘅變化真喺一日千里。晌餐廳尾，更特設一角，擺放張圓枱，較方便5、6人一枱嘅客人，圓枱就較方便大家傾偈嘛！跟住，就介紹吓食物區，基本上絕大部分食物都擺晌餐廳嘅正中央，一字長形咁排開