炑八韓烤 (已結業)

食海鮮餐唔一定要去西貢 鯉魚門 今晚豬先生豬小姐尼到炑八 嘆番個預祝聖誕節大餐兼韓式海鮮盛宴荃灣分店嘅炑八 無論環境 燈光 氣氛都貫徹統一韓味濃烈嘅風格前菜方面有傳統嘅泡菜 醃蘿蔔 芽菜等等 仲有一大兜胡麻醬沙律菜 而燒烤板旁嘅蛋漿及芝士粟米更是任refill唔嬲醬油蟹係韓國盛行左一段時間 總有一間在你左近可以試相反係香港地就比較少地方有得食而且價錢亦偏貴 炑八尼度竟然有而且只需要百多元 一於醬油蟹 醬油蝦打孖上醬油蝦及蟹都係跟set上嘅 會跟埋湯同紫菜白飯先講下蝦 有六隻 size亦唔細食過嘅朋友仔都知道醬油蝦口感與日本甜蝦相若 但黏度會更高 呈現半透明狀態嘅蝦黏而爽脆 配合帶微辣嘅咸醬油 岩哂豬小姐尼隻咸虫醬油蟹一分為五 食蟹重點不是食肉而是為膏係常識吧 蟹膏雖然未算爆膏 但味道鮮甜甘香 同樣令人大感滿足 醬油方面比起醬油蝦嘅較為濃烈而且帶甜味 無咁咸 所以豬小姐比較喜歡醬油蝦的汁大家一定要將白飯放入蟹蓋 微暖白飯加入醬油及蟹膏拌勻而食 滋味也到左燒海鮮嘅環節啦排排坐嘅珍珠貝殼就大啦 唔知肉又有幾大呢睇住珍珠貝係熱爐上加熱 慢慢開口 汁液係殼裏面翻滾 相當期待珍珠貝新鮮鮮美 彈牙爽

街坊介紹，話荃灣新開炑八個下午茶好抵食，我地又來試下啦！先睇睇個MENU~下午茶都有幾多選擇，有飯，粉絲，薄餅，小食，沙律...等等，仲可以另外加錢配小吃。最吸引應該是多款冷熱飲品任添飲吧！有大大碟前菜提供啊！韓食必備！幫你開開胃先！有韓式清湯，泡菜及海帶！而最吸引我絕對是這個韓式迷你熱狗，外面是班㦸皮，裡面是香腸，一定要熱辣辣地沾著蕃汁或芥辣醬吃，凍左就會有點難咬嘍！Main Course來啦！我Order了這個<韓式LA骨炒粉絲>，配上黑椒汁超惹味呀！而且LA骨肉質鬆軟，咬落口感像牛柳呢！粉絲食落甜甜地，所謂甜辣不歡，正好形容這個狀況。至於＜海鮮煎蔥餅＞略為遜色了！感覺太厚粉，但係大蔥完全令整個蔥餅加分！裡面仲有不少魷魚添！好飽肚呀！芝士栗米，加$10換來的小吃，芝士一點也不咸，跟甜甜栗米混在一起吃，特別好吃，易入口，不知不覺就吃哂！而飲品方面，係任添的！不過，職員都幾慢反應下！我只係飲左兩杯熱飲咋！而且質素穩定性較差，應該係不同職員沖調所致，第一杯勁淡無咩柚子。而第二杯就超甜，勁多柚子！這個就要留意下嘍！時間唔趕都可以慢慢等你Ｏ既！

早2日有朋友 post 咗張醬蟹相, 搞到我心思思, 今日上網睇吓見到荃灣有炑八, 即刻打黎訂位試吓, 黎到見到好多花牌, 原來係啱啱開張第3日, 唔係好多人知道, 所以唔係太多人, 地方都仲好乾淨。  一坐低就上咗2碟前菜、生菜、沙律、仲喺個燒烤鍋度加咗粟米芝士、泡菜蛋漿。  除咗沙律之外, 其他嘢都可以無限添加, 又幾好喎。喺 openrice 見到有醬油蟹優惠劵, 原價$198, 打印優惠劵只需要 $128, 梗係要食啦, 一坐低就叫咗一碟, 醃得好入味, 啲蟹肉好嫩滑, 不過可惜得一隻, 唔夠喉! 霜降牛小排, 薄薄8塊要$190, 有啲啲貴海鮮煎蔥餅, 無乜味道, 我覺得麻麻地石頭鍋飯(豬肉), 味道唔錯, 料亦唔少一向都好鍾意食生牛肉, 唔係間間韓式食店有, 見到呢度有, 梗係叫黎試吓啦, 啲生牛肉, 加上雪梨同青瓜, 好鮮甜、清爽。生梅頭肉都幾大件吓, 肉質都好林薄切生五花腩, 個樣好似煙肉, 都幾肥吓, 好邪惡呀牛舌好有牛味(牛有牛味, 哈哈!), 好林牛胸肉好好味實在太飽, 無機會食甜味。可能因為新開張, 點菜既時候啲服務員唔係好熟, 不過服務態度好好。