Cha:rm

营业中

休息中

今日過大埔政府合署寄包裹，順道到附近的韓國餐館用餐。試過多款招牌菜式，整體感受一般。鐵板韓式烤牛肉配飯（$118）這道菜烹調不太理想，配菜在鐵板上出水。牛肉完全沒有鐵板燒效果，味道一般。性價比不高。炸雞半份（$88）炸雞脆口但偏硬，皮身算薄，裡面雞肉保持多汁，味道不錯。-泡菜五花腩泡麵（$55）湯頭調味不足，辣味不夠，泡面面質偏腍，不彈牙。五花腩偏肥，肉質偏硬，吃起來沒有五花腩的香口。海鮮煎餅（$58）配料豐富，煎製味道濃郁可口，若能再煎至更酥脆就更好了。這家韓國餐廳在口味、菜品質量和性價比方面都較為一般，除了海鮮煎餅外,其他主打菜式都不太滿意。

作為大埔人，竟然係第一次食呢間係太和中心樓下既韓國菜🤪🤪（10分為滿分：🌕）味道：🌕🌕🌕🌕🌕🌕🌕🌗🌑🌑石鍋韓式拌飯($78)食韓國野點少得拌飯🤣🤣個賣相係幾得既，但老實講食落就中規中矩喇，落完好多醬撈完都係覺得少少太乾身，唔會好似平時咁食完一啖接一啖，暫時未解釋到點解咁🤣🤣🤣原味炸雞半份($78)因為見到有半份炸雞就叫左，唔使擔心太多食唔到其他野🫣望落其實賣相唔算好吸引，初頭以為中左伏😂😂但係食落個炸粉唔會好厚同都幾脆，食落外脆內軟，啲雞都好juicy，係有啲驚喜😎😎海鮮煎餅($55)其實我地本身叫泡菜煎餅，但佢比錯左海鮮煎餅，但錯有錯著都幾好食😛😛好多魷魚🦑然後個餅都煙煙韌韌，size都算適中，唔會話太大搞到你飽左食唔到其他野，亦都唔會好細份😄😄韓式炒粉絲($48)呢個一上枱就好香麻油味，食落都係傳統味道，好似係韓國食緊個啲咁🤣🤣🤣成日自己買韓國粉絲炒都係炒唔出個感覺黎，有啲野都係出去食先好味啲🫣🫣🫣🫣甜米露($15)/梨子汁($12)佢既餐牌冇特別寫清楚，其實各樣飲品都係罐裝，同埋都係韓國既牌子黎既😛初頭以為真係有汗蒸幕既甜米露，點知係罐裝有啲啲失望，同埋甜左少少，唔會話好解渴🙊不

大埔小店 價錢親民的韓國菜 值得一試店內裝修主要係用黃色、白色的瓷磚感覺好乾淨整潔💁🏻‍♀️蜜糖炸雞+蜜糖薯條 $158推薦✨✨✨🍴蜜糖配炸雞、薯條🍗🍟味道一甜一咸 有少少食緊主食加甜品既感覺 會忍唔到口一食再食🤤但如果可以有得單點蜜糖薯條食會更好👍🏻有少少唔夠喉既感覺🍴牛肉炸豬排紫菜飯捲 $68有12件捲飯 口感豐富 但唔係好食得出個炸豬排 味道不過不失😋 🍴鯷魚紫菜飯卷 $52鯷魚脆卜卜 加埋飯 口感特別 但唔記得左影相😢💔🍴海鮮煎餅 $55個餅煎得剛剛好 仲有大大嚿魷魚🦑係個餅度 價錢公道🤑🍴韓式拌飯 $58 中規中矩 與一般的拌飯味相若@cheatdaycheatmeal

由oppa主理的一間大埔韓國菜，好幾年無食過，近日再訪睇下水準有冇下降😝前菜奉送泡菜，可再添❣️🔆芝士吞拿魚紫菜飯卷$𝟞𝟚 裡面有醃蘿蔔💕好鍾意食😆另外好喜歡佢芝士嘅質感，放入口有少少溶化🥰總共有12舊都算足料🙌🏼如果吞拿魚部分佔多少少🤏🏼就好了🔆芝士烤牛肉蓋飯$𝟞𝟝 阿!!超多洋蔥🧅🥲上枱時趁熱撈左d芝士，有拉絲效果😋一路食芝士都無因為凍左而變左一舊野，是個還不錯的牛肉飯🔆海鮮煎餅$𝟝𝟝質感不會太乾或者太軟身，剛剛好👍🏼裡面有紅蘿蔔、蔥同魷魚🦑煎餅本身無乜味，要沾滿佢個醬汁先有味雖然食物質素沒有很高，但也是不過不失，價錢合理，兩個人埋單每人都係$100內，幾抵食的🙌🏼

店子小小， 但食物出色， 叫左4個菜全部都好食1. 原味炸雞（半份） 炸野最緊要夠熱， 碟雞一上枱， 熱到標哂煙， 新鲜炸出黎好好食， 雞肉仲係好滑， 但略嫌甜辣醬同芥茉醬唔夠多， 要叫人添2海鲜煎餅好脆好香口， 但餡料略少3. 芝士蛋卷芝士拉到六寸長， 好新鮮， 蛋卷上面有好多茄汁同沙律醬， 好好味4. 芝土牛肉飯卷紫菜好香好脆， 不過不失

今日收工去左太和醫肚，由太和火車站慢步到呢間韓國菜大慨10分鐘左右，由於時間尚早，6點鬆D，店內無咩客。好! 入去坐低望望Menu先，價錢幾公道，唔貴 !! 我們2個人點了4個東西，一個飯，一個卷物，一個煎餅同一個炒粉絲。下單不足10分鐘就已經有野食喇，應該都係即叫即整 !先來的有個牛肉飯同個炒粉絲，份量嚇我一跳呢，可能我比較細食 ! (打包 is a must >< )呢間韓國菜我個人幾鍾意，環境裝飾簡簡單單，食物味道偏向淡一點，如果吃開重口味既可能會覺得唔夠味。牛肉飯正正常常，炒粉絲係大條粉絲來的，有D口感 ! 海鮮煎餅都足料，食落唔太肥膩 ! 至於個蔬菜卷物食落幾清新，個人幾Like ! 小弟點呢4個菜都係 40-55 蚊左右，但份量比預期多，哈 !總結係︰價錢合理，份量比一般多，味道偏淡 = 值得 Encore 

呢間野長期排長龍，終於有機會試下啦 下午一點黎到已經full哂喇，最後一張就比我地坐左～不過見到係出面等既人都唔洗好耐就入得。今日係由店入面既oppa幫我地落單，佢唔識聽廣東話，要用英文～野食黎之前食下泡菜先唔算好辣，勝在免費飯卷用料豐富，呢個價錢有10件真係抵食！頭同尾咁樣放的確醒目，夾落去亦都無散。牛肉飯落足料有好多牛肉架～加埋其他配料，其實有d似吉吉家芝士蛋卷同我想像有d出入，無左應有既濃郁芝士味，真係失色不少！拉出黎果d芝士絲得好少陣味係好輕好輕。蛋卷其實就係將一隻煎蛋卷起，因為佢有一定厚度，所以食兩件已經好濟。相比起其他韓國餐廳，呢個唔值得食呀～海鮮煎餅同薄罉根本係一樣，本身自己都鍾情食薄罉，所以都覺得ok。當然呢個煎餅既配料比起茶樓就豐富得多啦！佢配左一種汁但我食唔出係咩味，落哂好似無咩味道，唔知咩黎～～～總結，2個人食咁多都要打包一盒拎走，一人都係一百蚊多d，好抵既價錢食質素唔錯既韓國菜，抵食架！

一星期總有幾餐出街食, 今次就揀左屋企附近新開既CHA: RM, 今次我地六點鐘就到, 唔使等位(事關上星期7點到已經要等6張枱), 一坐低,侍應就拎水同泡菜比我地,泡菜可以REFILL架, 泡菜偏酸,不太辣首先黎到既係海鮮煎餅, 個餅底味道真係好似去茶樓食既薄餐, 呢個只係再軟身少少,同埋加左D海鮮,我食到既有魷魚粒同蝦, 配左款汁, 淡淡地, 食唔出係咩黎之後就到什菜炒粉絲,入面有香葱, 紅蘿蔔,牛肉一齊炒粉絲, 一入口就有好甜既味道,粉絲一D都唔油, 單獨食D葱就有好香既麻油味, 完全無葱獨有既青草味, 唔食葱既都可以放心試下最到就有必食炸雞半份(12件, 仲有薯條),配上兩款醬, 一款甜酸醬,另一款係芥辣,一入口個粉漿完全唔厚, 雞肉粒粒都無骨, 合晒我意,雞肉炸完後一D都唔乾, 仲好JUICY,以做街坊生意黎講, 呢餐真係好抵食, 價錢唔貴, 份量都好足, 希望大埔區繼續開多D呢類型小店,等我地可以食多D好味既野