西苑酒家

营业中

休息中

慶祝週年紀念日，決定揀西苑食中餐，目標係享負盛名嘅爵士湯和一哥叉燒。早一日電話訂位食晚飯，當日準時到達，被安排坐大廳，大廳大概有15張枱左右，枱與枱之間有足夠空位，唔會太擠迫。兩個人食飯，叫咗1.爵士湯半煲，2.例牌一哥叉燒，3.重慶雞煲（半隻雞），4.海鮮泡飯。-爵士湯：總共有四碗，湯渣有响螺，點豉油好味，老火湯夠味，好味，但飲唔出蜜瓜嘅甜味。-例牌一哥叉燒：有十二舊，每舊都有一定厚度，味香、肥瘦適中，蜜汁有甜味唔會太鹹，好！-重慶雞煲：香噴噴，少辣，煲內料頭多，有蓮藕薄片，爽口，唔會死咸。-海鮮泡飯：真係好好食，海鮮味夠清甜，加上脆米，口感一流，值得推介！另外，想提一提嘅就係員工嘅服務態度，睇其他報告講佢哋嘅服務態度好差，食完成餐飯我又唔係好覺，老食店老員工，態度重好親切添。總括來講，滿意嘅一餐晚飯，肯定會翻食。

為歡迎家中姨媽姨丈回港，三位靚靚auntie上星期於銅鑼灣「西苑酒家」設宴一席，款待好友 。小肥記得多年前曾經去過「西苑」於嘉蘭中心o既舊舖，不過對其印象唔係咁深刻，之後亦冇再返轉頭，所以今次黎新舖都未有抱太大期望。週五晚市，「西苑」全店滿座，就連走廊都要多擺幾張二人散座 ，似乎唔講得笑喎。食店樓底高，但係裝修卻有少少俗套，去洗手間仲好似個迷宮咁，如果冇牆上o既指示真係幾容易會蕩失路。主人家一早訂咗間廂房，空間足，空氣又流通，除咗經理姐姐會不時進出打點之外，房中仲長期有位溫文有禮o既姐姐為客人加添酒水、更換不潔o既餐具、分配餸菜等，服務相當稱心周到 。粉紅色o既菜單上可見小食都已經有五款，熱食大多更為海鮮美食，甜品亦有三道，淨睇都覺得豐富 ！ 小食之皮蛋酸薑：亮澤o既皮蛋香滑溏心，伴碟o既酸薑冇渣又唔辣，一眾長輩都好滿意 。 小食之陳醋云耳：黑色o既雲耳好爽脆，不過個人唔多鍾意陳醋o既酸味。 小食之鹽水豆腐：鹽水豆腐同XO仔喺潮州酒家食開嗰啲「普寧豆腐」無異，皮脆心軟嫩，雖然豆腐冇煙散出，但咬落就知個心其實好熱。 小食之松露醬野菌：以松露醬炒煮o既雜菌賣相可能唔係咁吸