Lady M

营业中

休息中

成日見到朋友去食Lady M，今日終於輪到我去試！今次揀左沙田分店堂食。排隊排左大約10分鐘就入到去，時間合理。先講下環境，乾淨舒服，但由於半開放式嘅設計，當你食緊嘅同時，側邊會keep住有人行過，仲有少少嘈，咁就冇咁享受啦不過有野食補償返！海鹽焦糖千層蛋糕$75身為千層愛好者，緊係要試下佢嘅千層蛋糕，而我就揀左海鹽焦糖千層蛋糕。數一數，佢total有20薄層，每層都好薄，層次分明！賣相相當唔錯。味道方面，焦糖嘅甜味同海鹽好夾，一啖接一啖咁食落肚，並唔會甜到漏。幾推薦嘅！朱古力棋盤蛋糕$68蛋糕外層有層朱古力cover住，甜味特出。好中意啖啖都好甜好甜嘅感覺，好幸福！但食到後尾，因為真係太甜啦，所以要不停飲水。下次要食，食一半就夠了雖然幾好味，但價錢頗貴，所以都係等有錢先再黎食啦haha

之前都食過Lady M唔同嘅千層蛋糕，原味、綠茶味、伯爵茶味、玫瑰味、焦糖海鹽味都食過，其實基本上所有味都食過haha😂。雖然真係好貴，次次食都有啲唔捨得，但係佢啲千層蛋糕真係好好食呀！不過我見佢呢排出咗格仔樣嘅蛋糕叫棋盤蛋糕，對我來講就冇咁特別同吸引。始終千層蛋糕都係比較難食到一啲真係好好食嘅～我最鍾意食嘅都係焦糖海鹽，今日又來encore啦！今日係平日夜晚，完全唔使排隊，仲有好多空位。其實其他味都好好食，最主要係呢度嘅千層蛋糕每一塊皮都好簿身，有好多層，層次感好夠，食落有塊塊分明，唔似出面嗰啲係會黐住晒或者啲皮好厚。所以呢度貴係貴得有道理嘅真係！除咗啲皮之外，d cream都好香，好滑身。我本身比較鍾意焦糖味嘅嘢食，所以焦糖海鹽味好啱我口味。佢最上面嗰層就係caramel，有少少似jelly嘅質地。唔會好甜好漏，配埋啲朱古力嘅crepe cake啱啱好。不過海鹽味就唔係好食到。雖然一舊蛋糕$75真係好貴，但食完就會知佢點解咁貴，比起出面真係高質好多，服務又好，所以真係冇辦法

Lady M雖然已進註香港一段時間, 而我又一直有留意它的千層蛋糕, 但卻沒動力坐車出去買。 今次機緣巧合下, 友人特意外賣了一件請我食, 太好了！這次試了海鹽焦糖味道的千層蛋糕。 一件小小的蛋糕, 盒子不大, 但卻用上一個大紙袋裝住, 雖然感覺有點不環保, 但包裝無可否認是頗大方得體的。蛋糕盒內放有一個圓筒形紙圈, 可固定蛋糕不搖動和不變形, 另外盒邊還特意造了一格放置小乾冰, 保持溫度, 真的很貼心。 有時價格貴, 就是有一部分貴在這類貼心服務上。 蛋糕在我晚飯後送上, 如果味道好的話, 可以為晚餐作個完美總結呢!千層蛋糕表層的海鹽焦糖醬, 有好香的焦糖味, 反而海鹽味就吃不到。 雖然沒海鹽味, 但愛焦糖味的我也收貨! 它令我想起樂家杏仁糖, 這個醬是它的低甜版, 不會只有死甜, 讓人吃得舒服, 不錯! 千層蛋糕本身很有層次, 薄薄的朱古力班戟和薄薄的忌廉層層相間, 這兒大約有20層吧！班戟的可可味不濃, 但很柔軟。 至於海鹽焦糖忌廉, 其實是吃不到有海鹽焦糖味道, 不過這個微甜, 富奶香和幼滑的忌廉, 味道也不錯, 配合薄又柔軟的班戟, 口感綿密濕潤, 配合表層的焦糖醬, 整體甜

Lady M 初到香港曾經引起熱潮，我對於排隊有點卻步，倒是到現在才初嚐她的千層蛋糕。海鹽焦糖千層蛋糕層層分明，面層是焦糖，邊位有些朱古力碎，樣子討好。因為有海鹽的關係，蛋糕甜中有點鹹味，味道頗特別。抹茶中規中矩，不算很突出。蛋糕的價錢有點貴，算是試一次就夠了。

睇到facebook 嘅post 話 沙田新店有海鹽焦糖味 所以特登黎做下港女🙈我地兩個叫左一個海鹽焦糖 & 抹茶 🙈🙈 個人鍾意抹茶味多d 入口好香抹茶加cream 嘅mixture 好鍾意呢個口感😍😍 而海鹽焦糖就偏甜 唔係咁岩我口味😝不過千層蛋糕真係好好食 一層一層 係好細膩嘅感覺👍