太平館餐廳

营业中

休息中

2022.9.30 星期五 7:30pm⛈️黃雨的一天，本來想在尖沙咀找其他餐廳，但太大雨，立即決定就在太平館晚餐。已多次在太平館午餐，反而晚餐是第一次。今次再次坐卡位，環境好舒適。••••••••••••••••••••| 雀肉大蝦多士 | $73🦐🍞雀肉即是珍肝醬的老式講法。這是以鮮大蝦釀入珍肝醬，半煎炸而成的蝦多士。鬆脆香口，有很多蝦肉，珍肝醬有種鹹香味，配合鮮蝦味道很特別。伴碟的是有沙律醬的沙律，像茶餐廳那種。| 招牌2人套餐 | $508🔸海龍皇湯✔️/ 鮮蝦沙律 x2🔸太平館瑞士雞翼6隻✔️ / 太平館燒乳鴿1隻🔸太平館乾炒牛河✔️ / 太平館瑞士汁牛河 / 燒豬髀飯🔸煙肉炒雜菜🔸套餐包括餐包、甜品、橙汁 或 咖啡/茶🦐🥣海龍皇湯很濃稠，有蝦的鮮味，也有各樣海鮮肉在湯內。🐔瑞士雞翼是雞全翼，每隻都差不多大小，很厚肉。調味恰到好處，瑞士汁咸甜適中，有帶點醬油的香味。有很多蔬菜做配菜，不錯。🐂🍜乾炒牛河分量很多，炒得很入味，夠腍又不算太多油。牛肉都足夠，炒得很腍，不過稍鹹。🍲煙肉炒雜菜，有些少似燉菜質感，所有蔬菜都煮得很腍，相對其他菜式會比較清淡，有種家的味道，但唯一就是椰菜花有些過鹹

今次壽星拋出一句”懷舊唔該”，即刻令我諗起港式扒，但係想食得高級啲就要揀嚟呢度餐廳喺呢個位已經好耐歷史，但係店內裝橫依然懷舊得嚟有種高級格調，環境絕對舒適，而且呢度仲有多款套餐供選擇，啱晒我地呢班選擇困難症人士先嚟一個海龍皇湯，味道適中，不過略嫌唔夠海鮮味瑞士雞翼煮得幾入味，個汁仲可以點其他烚菜輪到Maincourse鐵板加拿大安格斯肉眼配黑松露汁，雖然黑松露汁配肉類稍為唔夠野味，但係醬汁夠香濃，值得一試；兩份扒份量幾厚，五成熟啱啱好，夠曬肉汁太平館乾炒牛河就普普通通，食落爭d鑊氣最後餐茶甜品～完每份套餐份量幾多吓，可能有人會覺得冇乜驚喜，但係間唔中嚟懷舊一餐其實都係一個唔錯嘅體驗

又是一個看演唱會的晚上,這次預早出發先在尖沙咀晚飯,路過這裡就自然就想起了瑞士雞翼,原來對上一次來已是五年前!今次正好懷舊一下.裝修沒變,是一貫舊式西餐的風格.老侍應保持一貫親切態度,看見ニ人餐已有齊想吃的食物,為怕友人不夠飽所以加多了焗豬排飯.(通常請客的話總擔心別人吃不飽)海龍皇湯----以龍蝦湯做Base的話味道是略淡,湯料內有蝦及魚,蝦肉還可但魚則腥味太重.大蝦沙律----蝦肉頗大隻及數量算不少,咬落雖沒甚鮮味但質感也挺爽.瑞士汁牛河----如是瑞士汁迷的話應收貨,牛肉處理得太淋,甜甜的瑞士汁下得夠多,河粉亦有點鑊氣.焗豬排飯----本來是怕ニ人餐不夠吃才加的,面層的燴汁調味很重手,有很"漏"的感覺.豬排未加汁放入焗爐前已炸得太乾身,有點帶苦的燶味!炒飯底太濕,處理失當.瑞士雞翼----依然是做得雞皮入味肉質嫩滑!餐茶----老式餐廳的普準!與茶杯份量一樣的凍飲.甜品----懷舊到底!選了要啫喱加花奶,外貌有點像和菓子,應該沒有額外加魚膠粉,因為吃落感覺滑得像未凝固一樣.食物味道普通,但這是上世紀父母親拍拖年代的味道,(這是從母親口中得知)總比在紅館附近某商場內的任何一間食肆好